Posted on

Vyf Gebede om Geestelike te Groei

Persoon wat bid

Wat behels geestelike groei?

Gesonde verhoudings vereis harde werk, goeie gewoontes en tyd wat saam deurgebring word. Dis hoekom ons elke dag nader aan God moet kom om geestelik volwasse te word.

Hier onder is vyf gebede wat op verskillende maniere daarop fokus om tot God te nader. Nadat jy daardeur gelees het, kies een om hierdie week op te fokus en laat God toe om jou in ‘n nuwe mens te verander, deur jou denke te vernuwe.

‘n Gebed om Vrygewig te Leef

Hemelse Vader,

sonder U het ek niks nie. Elke goeie gawe en elke volmaakte geskenk kom van U, maar soms sien ek u geskenke aan my as iets wat ek verdien. Soms kom ek in die versoeking om my rykdom, tyd en hulpbronne op te gaar, in plaas daarvan om dit met ander te deel. Eintlik weet ek dat ek geseën word om ‘n seën vir ander te wees. Help my asseblief om ‘n goeie rentmeester te wees van die gawes wat U aan my toevertrou het. Verander my in iemand wat mildelik lewe en uitdeel.

In die Naam van Jesus,
Amen.

Stoor Gebed

‘n Gebed vir Rus

Hemelse Vader,

in ‘n wêreld waar dit opgehemel word om besig te wees, is dit maklik om tyd te verspil op dinge wat nie saak maak nie. As ek nie versigtig is nie, kan ek afgestomp raak of myself uitbrand omdat ek nie genoeg ruimte laat om elke dag in u teenwoordigheid rus te vind nie. Ek het u hulp nodig om my denke en lewe te verander. Ek het u hulp nodig om tyd te maak om te rus. Help my om U elke dag op te soek. Ek wil net by U wees.

In die Naam van Jesus,
Amen.

Stoor Gebed

‘n Gebed om die Woord van God te Lees

Hemelse Vader,

baie dankie dat U vir my die paaie wys wat na die lewe lei. Ek is baie dankbaar dat ek vir ewig vreugde in u teenwoordigheid kan vind! Help my om waardig te leef ooreenkomstig U roeping vir my, deur tyd aan u Woord te wy. Ek wil nooit vergeet dat toegang tot die Skrif ‘n geskenk is nie. Maak my dus gretig om u woorde te lees. Openbaar u wil aan my terwyl ek tyd in u teenwoordigheid deurbring. Leer my u Woord, wat die waarheid is.

In die Naam van Jesus,
Amen.

Stoor Gebed

‘n Gebed vir Diensbaarheid

Hemelse Vader,

U is so vriendelik teenoor my. Toe U nie u eie Seun gespaar het om ons te red nie, het U vir my ‘n voorbeeld van gehoorsaamheid gestel. Dankie dat U vir my wys wat dienende leierskap is. Help my om u wil te soek in plaas van my eie. Ek wil U dien, deur ander te dien. Verander dus my hart en help my om ander waarlik lief te hê. Vorm my in iemand wat ander hoër ag as homself.

In die Naam van Jesus,
Amen.

Stoor Gebed

‘n Gebed om met God te praat

Hemelse Vader,

soms voel dit vir my of ek nie woorde het om te bid nie. Ek weet nie altyd wat om vir U te sê nie. Wat sê ek vir Iemand wat in elke opsig volmaak is? Help my om te onthou dat U graag van my wil hoor. Gee my die selfvertroue om my hart teenoor U oop te maak, maar op ‘n respekvolle wyse. Laat hierdie openhartige gesprekke my asseblief na ‘n dieper sin van ontsag, bewondering, en liefde vir U lei. Leer my hoe om met U te praat en maak my dan gretig om dit elke dag te doen.

In die Naam van Jesus,
Amen.

Stoor Gebed

Posted on

Hoe om God se wil te ontdek

Kompas

Wat wil God hê moet jy met jou lewe doen? Dalk het jy ‘n idee waarvoor Hy jou roep, maar jy wil bevestiging hê. Miskien is jy nie seker wat God se wil is nie … of dalk is jy nog besig om te ontdek wat ‘n persoonlike verhouding met God behels.

Op die ou end is meer tyd in God se teenwoordigheid die enigste manier hoe jy Hom beter gaan leer ken. Sy leiding word duidelik wanneer jy tot Hom nader. Hoe doen ‘n mens dit?

Daar is nie net een regte manier nie, maar daar is dinge wat jy kan doen om jou daarmee te help.

Hier is vier stappe wat jou kan help om God se wil te ontdek:

Soek God in Gebed

Dink terug oor ‘n onlangse gesprek met ‘n goeie vriend. As julle reeds ‘n lang tyd bevriend is, weet jy waarvan hulle hou of nie hou nie, sonder om te vra, want hoe beter jy iemand leer ken, hoe beter verstaan jy daardie persoon.

Dieselfde geld vir ons verhouding met God. Jy leer God se wil ken wanneer jy openhartige gesprekke met Hom het. Dis hoekom ons die gewoonte moet kweek om gereeld met Hom oor enige iets te praat.

Gebed is nie net om vir God te vra wat Hy wil hê ons moet doen nie, dit gaan daaroor om uit te vind wie God is.

Bid saam met ons

Deursoek die Skrif

God se wil vir jou lewe sal nooit die Skrif weerspreek nie. Terwyl jy God deur middel van gebed beter leer ken, delf ook in sy Woord.

Hoe meer jy die Bybel bestudeer, hoe meer sal jou begeertes God se wil weerspieël. Wanneer dit gebeur kan jy God met selfvertroue vir enigiets vra en Hy sal jou verhoor.

Luister na die Heilige Gees

Om na die Heilige Gees te luister, vereis dikwels dat ons die geraas om ons moet uitdoof. Wanneer jy van afleidings ontslae raak en ophou om op angstige gevoelens te fokus, kan jy begin om God se vredevolle teenwoordigheid in jou huidige omstandighede te ervaar.

Terwyl jy bid en die Skrif deursoek, vra God om enige gevoelens te openbaar waarvan jy ontslae moet raak of waaraan jy spesiale aandag moet gee. Laat toe dat die Heilige Gees jou deur hierdie proses lei en hou die volgende in gedagte: jy kan God se vrede ervaar al voel jy onseker.

Soek bevestiging by wyse mense

God het die finale sê oor wat sy wil is, maar dit is wys om betroubare hulp elders te soek. Oorweeg dit om verskeie mense, wat al langer die geloofsreis bewandel, te vra om jou “wyse raadgewers” te wees. Vra hulle om God se wil vir jou lewe saam met jou te ontdek.

Hierdie stap moet jy saam met die voriges doen. Wanneer jy wyse raad soek behoort dit te bevestig wat jy voel dat God alreeds vir jou sê om te doen — dit behoort nie die plek in te neem om self met God te praat nie.

Voeg vriende in jou Bybeltoep by

Wat nou?

Jy sal dit miskien nie altyd regkry nie, maar hoe meer jy probeer om God se wil te verstaan, hoe makliker word dit. God het jou met ‘n doel geskape en Hy wil hê jy moet daarby betrokke raak om sy koninkryk te laat kom, op die aarde, net soos in die hemel.”

Wanneer jou begeertes met God s’n ooreenkom, kan Hy jou vertrou om die regte ding te doen. Hierdie stappe sal jou help om dit te doen, maar dit sal ‘n lewenslange verbintenis wees, wat behels dat jy God elke dag sal soek.

FacebookDeel op Facebook

TwitterDeel op Twitter

E-posDeel per e-pos

Posted on

Ons wil ons seëninge deel.

Die aarde

Die Bybel
vir Almal

“God bring bonatuurlike groei …”

As jy alreeds ‘n lid van die YouVersiongemeenskap is, sal jy weet dat ons alles in ons vermoë doen om jou te help in jou daaglikse strewe na God.

Of dit nou is om jou met gebed, leesplanne of die vers-van-die-dag te bemoedig — of enigiets anders — in alles wat ons doen, is die Woord van God die middelpunt.

Sê nou net jy het nie die Bybel gehad nie?

Byna ‘n miljard mense het nie. Dit is nie bloot ‘n geval om Bybels na hulle te stuur nie. Die Bybel bestaan letterlik nog nie in hul hartstaal … nie. Jy kan egter help om dit te verander.

Sommige onder ons kry die geleentheid om die saadjies van God se waarheid regoor die wêreld te plant. Ander kry weer die geleentheid om die plantjies nat te gooi. Dit verg egter ons almal se samewerking om te verseker dat sy Woord by almal uitkom.

Help ons om teen 2033 die Woord van God
in elke taal vertaal te kry.

2033

Ons Visie vir 2033

95% van die wêreldbevolking
sal ‘n volledige Bybel hê

99,9% sal ten minste
die Nuwe Testament hê

100% sal ten minste
‘n gedeelte van die Skrif hê

100 van die wêreld se mees
strategies geskrewe tale sal
ten minste 2 Bybelvertalings hê

“Maar ek is net 1 mens …”

Tog, wat jy ook al kies om op hierdie oomblik te doen,
kan ‘n groot invloed op miljoene hê:

Binne 4 jaar,
is meer as 55 385 500 rand bygedra,
vir 27 miljoen mense van 16 nasies.

Noudat jy weet …
wat sal jy doen?

Gee ‘n donasie aan die Bybel vir Almal

3 Maniere Hoe Jy Kan Help

Deelikoon

Deel

Jy kan hierdie webjoernaal inskrywing met jou vriende op sosiale media deel om dit te versprei.

Gebedsikoon

Bid

Stoor hierdie spesiale gebed in jou Bybeltoepen bid saam met ons vir die Bybelvertalers wat alreeds werk om hierdie doel te verwesenlik.

Donasie-ikoon

Skenk

Kom ons bring die Woord van God na elke volk en elke taal. Sluit by hierdie beweging van God aan en kom ons verwesenlik die visie om die Bybel vir Almal te voltooi.1

Gee nou ‘n donasie

FacebookDeel op Facebook

TwitterDeel op Twitter

E-posDeel per e-pos

Notas

1 Alle bydraes wat deur die Bybel vir Almal-veldtogte ontvang word, sal uitsluitlik vir die vertaling van die Bybel gebruik word en oor verskillende vertaalprojekte van hoë impak versprei word. Namate elke projek voltooi word, sal enige oorblywende fondse dan aangewend word vir die volgende vertaalprojek wat deur YouVersion en sy vennote gekies word.

Posted on

Hoe om Geestelik te Groei

'n Plant wat begin groei

Geloof wat jou verander

Word jy verander en meer soos Jesus wanneer jy God navolg? Wanneer jy nader aan iemand wil groei, probeer jy om daardie persoon beter te leer ken. ‘n Manier hoe ons nader aan Jesus kan groei is deur die weergawes van sy bediening en leringe te verken.

Leesplanne is ‘n uitstekende manier om ‘n gewoonte te kweek om gereeld tot God te nader. Indien jy meer bestendig sal bly as jy vriende op jou reis saam nooi, begin dan ‘n leesplan deur “Saam met Vriende” te kies en nooi iemand uit om by jou aan te sluit.

… sorg dat julle groei tot [geestelike volwassenheid] deur die genade en kennis van ons Heer en Verlosser, Jesus Christus …

2 PETRUS 3:18

Nog leesplanne

Posted on

Hoe om te bid: ‘n 6-stap gebedsgids

Persoon wat bid

“Gebed”. Watter gedagtes of beelde kom by jou op wanneer jy daardie woord sien? Is dit vir jou maklik om met God te praat, of sukkel jy om te bid?

Dit voel nie altyd maklik om te weet wat om vir God te sê nie. Soms word gebed beïnvloed deur ons wanopvattings oor wat ‘n gesprek met God behoort te wees.

“Bid dan so …”

2 000 jaar gelede het Jesus sy dissipels geleer om só te bid:

Ons Vader wat in die hemel is,
laat u Naam geheilig word;
laat u koninkryk kom;
laat u wil ook op die aarde geskied,
net soos in die hemel.
Gee ons vandag ons daaglikse brood;
en vergeef ons ons oortredings
soos ons ook dié vergewe
wat teen ons oortree;
en laat ons nie in versoeking kom nie
maar verlos ons van die Bose.

MATTEUS 6:21

Dit is nou ‘n bekende voorbeeld hoe om te bid. Hoe pas ons dit egter toe in ons alledaagse 21 ste-eeuse lewens?

Eerstens moet ons verstaan hoe om nie te bid nie. Voordat Jesus die Ons Vader aan sy dissipels geleer het, het Hy vir hulle gesê: “Nee, as jy bid, gaan na jou kamer toe, maak die deur toe en bid tot jou Vader …” en “moenie ‘n stortvloed van woorde gebruik nie … want julle Vader weet wat julle nodig het, nog voordat julle dit van Hom vra.”

As God alreeds weet wat ons nodig het, dan gaan gebed nie bloot oor die woorde wat ons sê nie. As ons bid om mense te beïndruk of as ons gebed net wil afmerk, dan mis ons die krag van gebed.

Gebed is, en sal altyd, ‘n dinamiese gesprek met God wees. Wanneer ons dit besef, word die Ons Vader bevrydende optrede wat ons help om elke dag met God te praat.

Hier is ‘n 6-stap gids wat met gebed kan help:

  1. Fokus opnuut op God.

    2. “Ons Vader wat in die hemel is, laat u Naam geheilig word …”

    Haal diep asem en konsentreer op hierdie woorde: “Ons Vader wat in die hemel is.”

    Asem stadig uit terwyl jy sê: “laat u Naam geheilig word.”

    Herhaal dit ‘n paar keer en skenk veral aandag aan enige van God se karaktereienskappe wat by jou opkom. Gebruik hierdie tyd om te konsentreer op hoe groot God is.

  1. Onderwerp jou wil aan God se wil.

    2. “Laat u koninkryk kom …”

    God was nog altyd besig om sy wil op aarde te laat geskied. Dink dus nou hieroor na: wanneer jy jou wil in ooreenstemming met God se wil bring, is jy aktief op soek na sy koninkryk.

    Maak enige geraas om jou stil en vra God om jou te wys hoe jy vandag deel kan wees om sy wil te laat geskied.

  1. Laat vaar alle besorgdhede.

    2. “Gee ons vandag ons daaglikse brood …”

    Verbeel jou dat jy jou hande voor jou uit hou, asof jy wil hê God moet iets daarin plaas. Terwyl jy al jou besorgdhede aan God gee, wat gee Hy jou in ruil daarvoor?

    Noem al jou besorgdhede een-vir-een op. Probeer om met elke besorgdheid vir God te vra: “gee ons vandag ons daaglikse brood.”

    Gaan met hierdie oefening aan vir solank as wat dit nodig is.

  1. Toon berou en reageer.

    2. “en vergeef ons ons … soos ons ook dié vergewe …”

    Waaraan klou jy nog vas, wat jy moet laat vaar? Is daar enigiets wat jy nou moet bely? Dalk is dit ‘n hartseer waarvan jy nie ontslae kan raak nie, of ‘n gedrag wat jy sukkel om te verander, dalk ‘n verslawing wat jy nog nie oorkom het nie, of ‘n fout wat jy aanhoudend maak.

    God nooi jou om te kom net soos jy is en op sy oproep te reageer. Sê vir Hom alles wat in jou gedagtes is en luister dan wat Hy vir jou wil sê.

  1. Vra God se beskerming.

    2. “… verlos ons van die Bose …”

    Ons almal is van iets gered. Waarvan het God jou bevry?

    Sê vir Hom dankie vir sy getrouheid en vertel vir Hom waar jy hulp nodig het. Oorweeg dit om namens ander mense te bid wat ook beskerming nodig het. Onthou selfs wanneer omstandighede hopeloos lyk, is niks vir God onmoontlik nie.

  1. Wees bly en dink daaroor na.

    2. Juig oor wat God in jou lewe gedoen het en wees op die uitkyk vir maniere om Hom regdeur die dag te aanbid.

    Wy dan ‘n paar minute daaraan om na te dink oor hierdie tyd saam met God. Wat het Hy aan jou openbaar? Dink daaraan om enigiets wat vir jou uitstaan, in jou YouVersion Gebedslys by te voeg.

Wanneer ons soos Jesus begin bid, sal ons intimiteit met God begin ervaar soos Jesus dit ervaar het. Wanneer ons toelaat dat gebed ons lewe vorm, sal ons mettertyd besef dat ons te eniger tyd met selfvertroue, kwesbaarheid en in vertroue tot God kan nader.

FacebookDeel op Facebook

TwitterDeel op Twitter

E-posDeel per e-pos

Laai Die YouVersion Bybeltoep