Het jy ‘n nuwe toestel gekry? Moet dít nie vergeet nie.

Toestelle

Wat is die beste toepassing vir nuwe toestelle?

Almal hou daarvan om ‘n splinternuwe toestel te kry tydens die vakansietyd. Dit help ons om in kontak te bly, ons belangstellings na te vors, foto’s en videos te neem en om betalings te doen. Terwyl jy al jou nodige toepassing installeer (en jou gesinslede help met hulle s’n), moenie die toepassings vergeet wat jou en jou gesin kan help om elke dag nader aan God te kom nie.

Die Bybel Toep Embleem

Die Bybel Toep laat jou toe om jou gunsteling Bybelweergawes te lees, of daarna te luister, om by wonderlike leraars te leer deur middel van Leesplanne, en jou reis met ander te deel.

Bybel Toep vir Kinders: Jesus

Die Bybel App vir Kinders help kinders om 41 Bybelstories deur middel van prettige animasie en aktiwiteite te lees. Dis nou in 50 tale beskikbaar!


Meisie met 'n foon

Oorweeg jy ‘n geskenk vir die einde van die jaar?

Jy kan deel uitmaak daarvan om ons te help om mense regoor die wêreld te help om elke dag kontak te maak met God. Vat hande met ons in hierdie wêreldwye beweging van God.

Skenk

Kersfees is amper hier. ⭐️ Kom ons vier dit!

Die Bybel Toep op jou foon, met Kersfeesliggies in die agtergrond

Vir weke het ons nou al ons harte voorberei in hoopvolle verwagting, en nou is Kersfees oor een week. Vier saam met ons terwyl ons besin oor God se perfekte geskenk aan ons: Sy enigste seun, Jesus. Wanneer jy hierdie vakansietyd saam met vriende en familie kuier, weet ons dat jy dit sal geniet om God se Woord te lees. Lees hierdie herinneringe van die hoop en vreugde wat ons in Christus het.


Die Kersfees Storie

Die Kersfees Storie
YouVersion, 5 Dae

Lees of luister na die volledige Bybelse weergawe van Christus se geboorte, van profesieë oor die Verlosser wat sou kom, tot sy nederige begin in ‘n stal, en al die pad tot by Immanuel: God wat by ons is.

Begin Leesplan

Stoor vir later


'n Kind wat die Bybel App vir Kinders speel

Bybel App vir Kinders:
Die eerste Kersgeskenk

Vier Jesus se koms met pret, raak-sensitiewe animasies en kleurvolle kunswerke. Die kinders in jou lewe sal daarvan hou om al 41 stories in die Bybel App vir Kinders te verken. Jy sal daarvan hou hoe die Geskommelde Storie, Storie Pasmaats en Storie Plakkers aktiwiteite hulle help om die dinge wat hulle leer, te onthou. YouVersion het die Bybel App vir Kinders ontwikkel in samewerking met OneHope, om kinders ‘n Bybelervaring van hul eie te gee. Dis alreeds geïnstalleer op meer as 34 miljoen toestelle wêreldwyd. Die Bybel App vir Kinders is beskikbaar in 50 tale – en dit is altyd heeltemal gratis.

Kry dit Nou

Hoe Lei Ek My Kinders Geestelik?

Pa en dogter wat inkleur

Leer dit vir jou kinders deur met hulle daaroor te praat as jy in jou huis is en as jy op pad is, as jy gaan slaap en as jy opstaan.

DEUTERONOMIUM 11:19

Dit kan moeilik wees om jou geloof aan jou kinders te verduidelik op maniere wat hulle kan verstaan. Gelukkig hoef jy nie alles te weet of alles te verstaan nie. Trouens, as jy jou geloof met jou kinders deel, gee jy hulle iets meer waardevol as net inligting: jou tyd en aandag.


Ervaar Saam die Groot Stories van die Bybel.

Jy kan eenvoudig net die Bybel App vir Kinders op jou selfoon oopmaak en dit vir jou kind gee, (miskien sodat jy ‘n paar takies gedoen kan kry). Maar oorweeg die volgende: Sit met jou kind op jou skoot en vra hulle om vir jou ‘n storie te wys. Laat jou kind jou wys hoe die program werk. (Vra baie vrae!) Om die program saam te deel, skep natuurlike geleenthede vir julle om te praat… en jy sal leer wat in jou kind se gedagtes aan die gang is.

Laai die Bybel Toep af


Vind Jou Mense.

Jy kan jou kinders julle gesin se waardes leer (en jy behoort dit te doen), maar hulle sal dit beter leer as hulle sien dat jy dit elke dag uitleef. Dis ‘n goeie idee om jou gesin in kontak te bring met ander gesinne wat dieselfde waardes het. As jy nog nie ‘n geestelike huis gevind het nie, kan jy een naby jou opspoor by die Gebeurtenis funksie in die Bybel Toep.

Soek Gebeurtenisse


Jy Lei Alreeds Jou Gesin Op Geestelike Gebied

Alles wat ons hier genoem het, is net voorstelle. Ons hoop dit sal meer idees by jou laat opkom van hoe jy in jou gesin kan belê. Of jy nou een van hulle probeer, of nie, onthou net: jy is alreeds besig om jou gesin te lei. Wat jy ook al elke dag doen, jou kinders leer daaruit dat dit die dinge is waaraan jy waarde heg. Kies doelbewus die rigting waarin jou gesin moet gaan…en doen dit saam.

FacebookDeel op Facebook

TwitterDeel op Twitter

E-posDeel per e-pos

Hoe Moedig Ek My Gesin Aan Om God Se Woord Te Lees?

Ma wat haar dogter vashou

Die hele Skrif is deur God geïnspireer en het groot waarde om in die waarheid te onderrig, dwaling te bestry, verkeerdhede reg te stel en ‘n regte lewenswyse te kweek…

2 TIMOTEUS 3:16

Ons ken almal iemand wat sukkel om God se Woord te lees. Dalk ervaar hulle pyn of verlies. Dalk is hulle in iets betrokke wat hulle nie behoort te doen nie. Dalk sien hulle net nie in hoe die Bybel vir hulle toepaslik kan wees nie.

Hoe kan ons, as volgelinge van Christus, geliefdes help om die veranderende Woord van God self te ervaar? Dit kan ‘n tannie, oom, ouer, kind of vriend wees wat jy as deel van jou gesin sien.

Hier is drie maniere waarop jy jou gesin kan help om God se Woord te begin lees:


Wees ‘n Voorbeeld.

God se Woord moedig ons aan om ‘n voorbeeld te stel met wat ons sê, hoe ons optree en hoe ons mense lief het. Hoekom? Want hoe ons kies om op te tree of te reageer, het ‘n blywende impak.

Hoe kan jy ‘n voorbeeld stel? Besluit op ‘n tyd wanneer julle elke dag die Bybel saam kan bestudeer. (Julle kan selfs die Bybel Toep se Vers-van-die-dag saam memoriseer.) Praat oor die Skrif wanneer julle ook al bymekaar is: tydens ontbyt, op pad skool of werk toe en saans. Jou interaksie met God se Woord, sal die manier waarop jou gesin God se Woord sien, beïnvloed.


Verpersoonlik God se Woord.

Jy kan nie jou gesin forseer om lief te wees vir die Bybel nie, maar jy kan hulle help om die waarde wat dit tot hulle lewens kan toevoeg, te ontdek.

Oorweeg dit om ‘n Versbeeld van die Bybel Toep met iemand te deel wat bemoediging of wysheid nodig het. As jy kinders het, laai die Bybel App vir Kinders af en voltooi saam ‘n storie. Probeer om uit ‘n Bybelweergawe te lees wat jou gesin saam kan geniet. Wanneer jy jou gesin help om te sien hoe hulle God se Woord in hulle lewens kan toepas, sal hulle waarskynlik meer geneë wees om vir hulle eie geestelike groei verantwoordelikheid te neem.


Moenie Ophou Daarmee Nie.

As groei nie dadelik plaasvind nie, is ‘n mens geneig om mismoedig te raak. Herinner jouself daaraan hoekom jy dit doen: dis jou mense en jy is lief vir hulle. Jy weet self hoeveel beter jou lewe is met God se Woord en jy wil dit vir hulle ook hê.

Hou aan – volhard. Wanneer jou gesin sien dat jou toegewydheid aan die Skrif ‘n belangrike deel van jou lewe is en nie net ‘n fase waardeur jy gaan nie, sal dit ‘n groter impak op hulle hê as iets wat jy sê.

Wanneer jy egter mismoedig begin voel, oorweeg dit om ‘n Gesinsplan te begin om jou daaglikse Bybellees roetine aan die gang te hou. Omring jouself met vriende wat jou sal aanmoedig om jou gesin geestelik te lei.

Alles hang noodwendig nie van jou af nie. God se Woord het die vermoë om lewens te verander, maar ons kan ook deel wees daarvan. Jy is nie jou gesin se Verlosser nie – maar jy kan hulle Geestelike groei aanwakker.

Begin saam God se Woord te lees in die Bybel Toep en Bybel App vir Kinders en laat weet ons watter een het jou gesin gehelp om geestelik te groei.

FacebookDeel op Facebook

TwitterDeel op Twitter

E-posDeel per e-pos

Bybel App vir Kinders kan nou met enige toestel sinkroniseer!

Bybel App vir Kinders Profiele

“Haai! Hier is al my sterre!”

Jou kind se Bybel App vir Kinders toekennings is altyd gestoor op die toestel waarop hulle dit verdien het. Sou jou kind ‘n nuwe toestel kry, of die Bybel App vir Kinders op ‘n ander foon gebruik, moes hulle van voor af begin. Nie meer nie.

Elkeen van jou kinders se vordering word nou gestoor en gesinkroniseer op al jou toestelle!

As ‘n ouer of voog, laat die nuutste opdatering van die Bybel App vir Kinders jou toe om saam met hulle in te teken met jou bestaande YouVersion rekening en kan jy ‘n unieke karakter skep vir elke kind. Om ‘n profiel by te voeg is vinnig en maklik. Jou kinders kan selfs hulle gunsteling karakter en kleur kies.

Kry die opgedateerde App