3 Maniere om Rus te Vind in ‘n Wêreld wat nie Ophou Werk nie

Iemand op 'n roeibootjie teen sonsondergang

Hy het die sewende dag as gereelde rusdag geheilig, want op daardie dag het Hy gerus na al die skeppingswerk wat Hy gedoen het.

GENESIS 2:3

Rus – om te ontspan, asem te skep, diep asem te haal en rustig te wees.

Wanneer laas het jy rustig geraak, weggebreek en ontspan? Rus is ‘n geskenk wat ons al te dikwels eenkant skuif.

Om besig te bly gee ons die gevoel dat ons iets bereik, maar dit kan misleidend wees. Sonder realistiese grense kan besigbly ‘n dwelm wees wat ons verdoof van ons behoefte om naby God te kom: Hy wat die Gewer van elke goeie gawe en volmaakte geskenk is.

Wie die Here dien, se lewe is veilig; so ‘n mens slaap rustig, geen ramp tref hom nie.

SPREUKE 19:23

Om sonder rus te lewe is nie volhoubaar nie. Rus verfris ons, en gee ons die energie wat ons nodig het om God te eer en ander mense lief te hê. Dis ‘n geestelike dissipline om rus te beoefen, en dit help ons om God se teenwoordigheid te geniet en ons prioriteite reg te kry.

Hy laat my rus in groen weivelde. Hy bring my by waters waar daar vrede is. Hy gee my nuwe krag.

PSALMS 23:2-3a

Hier is 3 maniere waarop jy rus in jou dag kan inpas:

Dink Waaroor Jy Dink

In Romeine 12 moedig Paulus ons aan om ons denke te vernuwe. Om bedag te wees oor waaroor ons dink, kan ons help om ons harte en gedagtes in lyn te bring met wat God besig is om te doen. Waar is jy die beste gefokus? Op jou rusbank met ‘n beker koffie of tee? Tydens ‘n drafsessie of as jy na aanbiddingsmusiek luister? Doen iets wat jou na aan God laat voel, en fokus jou gedagtes op Hom, op daardie plek, voor jy jou dag aanpak.

Uitdaging: Neem elke dag 5-10 minute om elke bekommernis en verantwoordelikheid te visualiseer, en gee dan elkeen in gebed oor aan Jesus. (Skryf dit neer, as dit jou beter gaan help.)

Oordink ‘n skrifgedeelte wat jy gelees het

Alle Skrif word deur God geïnspireer. Wanneer jy God se Woord lees, of daarna luister, en dan nadink oor wat dit beteken, leer jy om God se stem te herken. As jy doelbewus tyd wil maak om die Bybel te lees, moet dit jou prioriteit wees om jou gedagtes net om Jesus te fokus.

Uitdaging: Gebruik 30 minute per dag om God se Woord te lees of daarna te luister. Tydens daardie periode moet jy jou TV, selfoon en rekenaar afsit. Pak ‘n Leesplan aan, neem notas en skryf jou gedagtes neer. Laat toe dat God met jou praat.

Omring jou met mense

Alleentyd met God beteken nie noodwendig dat jy jou van ander mense moet onttrek nie, inteendeel, soms moet jy tyd maak vir mense. Tydens jou rusperiodes is dit ‘n goeie tyd om die lewe saam met jou hartsmense te geniet. Ons is nie gemaak om alleen deur die lewe te gaan nie. Ons het mekaar nodig.

Uitdaging: Spandeer doelbewus ‘n uur of twee per week met mense vir wie jy lief is. Moenie ‘n afspraak maak nie. Daag net op en geniet mekaar se geselskap. Skryf na die tyd alles neer wat God aan jou geopenbaar het terwyl julle bymekaar was.

Dis maar net ‘n paar wenke om jou te help om intimiteit met God ‘n daaglikse roetine te maak. Vind nog ander maniere om rus te vind, deur een van die Leesplanne hier onder te lees.

Doen Leesplanne oor Rus

FacebookDeel op Facebook

TwitterDeel op Twitter

E-posDeel per e-pos

Bekendstelling: Nuwe en Verbeterde Skriftipes!

Skriftipe Kieser

Het jy al ooit gewens dat jy meer skriftipes gehad het om die Bybel of jou Bybelleesplanne mee te lees, of om jou versbeelde te verpersoonlik? Jy kan nou eenvoudig die Skriftipe knoppie aan die bokant van jou skerm druk (of in jou Leserinstellings) en die een soek wat jy verkies.

Wil jy nog meer keuses hê? Gaan kyk by jou toestel se instellings. Enige skriftipe wat op jou toestel beskikbaar is, is nou ook in die Bybel Toep beskikbaar.

Verpersoonlik dit.

Het jy ‘n skriftipe gevind waarvan jy hou? Fantasties! Help ‘n vriend om hul Bybelleeservaring te transformeer: vertel hulle van die nuwe bygewerkte skriftipe funksie. Geniet ‘n meer persoonlike reis deur God se Woord.

Opdateer Jou Toep

Hoe om ‘n Vrygewige Hart te Ontwikkel

'n Vrou wat op 'n bank sit en na die sonsondergang kyk

Jy sal op elke manier verryk word, sodat jy altyd vrygewig kan wees. Deur ons bemiddeling het julle vrygewigheid tot gevolg dat God gedank word.

2 KORINTIËRS 9:11
(klem bygevoeg)

Gee — om aan iets hoër iets te bied, om ‘n geskenk aan te bied, om iets vir iemand anders te gee om te gebruik.

Wat is jou kosbaarste besitting? Dalk is dit die waardevolste ding wat jy besit, soos om die huis te kan bekostig waarvoor jy jou lewe lank gewerk het. Dit kan egter ook ‘n foto wees van ‘n besondere tyd wat jy saam met ‘n geliefde deurgebring het. Of dit kan ‘n betekenisvolle geskenk van ‘n vriend wees.

Die waarde wat ons aan ons “dinge” heg, is verstrengel met ons emosies. Hoe ons kies om die dinge wat ons die meeste koester te gebruik, onthul ons ware prioriteite.

Waar jou skat is, daar sal jou hart ook wees.

MATTEUS 6:21

Daar is niks mee verkeerd om dinge te hê of om dit te geniet nie. Die probleem kom wanneer hierdie dinge vir óns het. God het die model van vrygewigheid geskoei op wat Hy vir ons opgeoffer het, naamlik Sy grootste skat. Wanneer ons soos Hy gee, en ons Hom met ons gawes eer, bring dit ons nader aan Hom.

“God het die wêreld so liefgehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê.

JOHANNES 3:16 (klem bygevoeg)

Hier is drie eenvoudige maniere waarop jy vrygewigheid kan begin beoefen:

Belê Jou Tyd

Is jy betrokke by dit wat in jou gemeenskap aangaan? In jou straat? Langsaan by jou bure? Jy kan oefen om byna oral ‘n beter luisteraar te wees: wanneer jy jou vuilgoeddrom uitsit, inkopies doen by ‘n kruidenierswinkel, in die gimnasium gaan oefen. Soek iets gemeenskapliks waaroor jy met mense kan praat, en ontmoet hulle waar hulle hul ook al in die lewe bevind, met vriendelikheid en respek.

Uitdaging: Wanneer jy weer iemand raakloop, vra hoe hul dag verloop. Luister dan. Stel regtig in hulle belang. Laat die oomblik oor hulle gaan, nie oor jou nie.

Belê Jou Godgegewe Gawes

Op watter gebiede het jy unieke gawes? Gebruik jy jou gawes en talente op so ‘n manier dat dit mense na God sal lei? Een van Jesus se bekendste gelykenisse handel oor die beste benutting van dit wat God ons gegee het.

Uitdaging: Soek ‘n plek waar jy kan begin om jou gawes in diens van ander te gebruik. Begin klein en plaaslik, of gaan groot. Begin net.

Belê Jou Geld

Die liggaam van gelowiges wat jy as ‘n tuiste beskou, is die eerste plek waar jy moet belê.

Buiten tiendes, is daar twee opsies wat biddend oorweeg kan word:

Bybelvertaling

Groen pyltjie

YouVersion

Groen pyltjie

Maar dit is net twee idees. God beweeg tans dwarsdeur die wêreld in die harte van Sy mense.

Uitdaging: Soek ‘n beweging van God waaroor jy passievol is, en plaas jou skat waar jou hart is: Gee.

FacebookDeel op Facebook

TwitterDeel op Twitter

E-posDeel per e-pos

Elkeen moet gee soos hy in sy hart besluit het, nie onwillig of onder dwang nie, want God het ‘n blymoedige gewer lief.

2 KORINTIËRS 9:7

Wat beteken dit om God te aanbid?

'n Vrou wat aanbid

Julle, daarenteen, is ‘n uitverkore volk, ‘n koninklike priesterdom, ‘n nasie wat vir God afgesonder is, die eiendomsvolk van God, die volk wat die verlossingsdade moet verkondig van Hom wat julle uit die duisternis geroep het na sy wonderbare lig.

1 PETRUS 2:9 (klem bygevoeg)

Aanbidding – om eer aan God te bewys deur oorvloedige respek, eerbewys en toewyding.

Waarvoor is jy dankbaar? Wanneer dit goed gaan is ons geneig om die basiese dinge as vanselfsprekend te aanvaar, soos om genoeg kos te hê, ‘n veilige plek te hê om te slaap, gesond te wees en mense te hê wat vir ons lief is, ens. Navorsing bewys egter dat wanneer ons doelbewus ons “seëninge tel”, ons lewe nog beter is.1

Dalk beoefen jy alreeds dankbaarheid. Besin jy ook oor waar al die goeie dinge vandaan kom? Die apostel Paulus herinner sy vriend, Timoteus, daaraan “dat God alles ryklik aan ons gee om te geniet.” (1 Timoteus 6:17) Hoe kan ons op hierdie waarheid reageer?

Prys die Here om die eer van sy Naam! Buig voor die Here by sy heilige verskyning.

PSALMS 29:2

Dink hieroor: God het Sy eie heelal gemaak. Hy het een van sy planete geskep met ‘n atmosfeer wat lewe kon onderhou, waar hy mense geplaas het… en hulle alles gegee wat hulle ooit sou nodig hê. En dan, ten spyte van al ons gebreke en mislukkings (eintlik as gevolg van hulle), het hy ons genooi om by sy familie aan te sluit en het Hy ons as Sy dogters en seuns aangeneem. Dit is ‘n goeie rede om Hom te vier!

Here, ons Here, hoe wonderbaar is u Naam oor die hele aarde, hoe glansryk alles wat U in die hemelruim geplaas het!… As ek u hemel aanskou, die werk van u vingers, die maan en die sterre waaraan U ‘n plek gegee het, wat is die mens dan dat U aan hom dink, die mensekind dat U na hom omsien?… U het hom net ‘n bietjie minder as ‘n hemelse wese gemaak en hom met aansien en eer gekroon. U laat hom heers oor die werk van u hande, U het alles aan hom onderwerp.

PSALMS 8: 2-7

Hier is drie praktiese maniere waarop ons God kan aanbid:

Sing Lofliedere

Jakobus sê, as alles goed gaan, moet ons God prys. Ken jy nie liedere wat jy kan sing nie? Dis geen probleem nie: jy kan derduisende liedere vind wat jou sal help om eer aan God te bring. Wat jou musieksmaak ook al is; daar sal wel kunstenaars wees wat aanbiddingsliedere in daardie styl geskep het.

Uitdaging: Soek vir “aanbidding”, “prys” en “Christelike musiek” op enige internet platform wat jy gebruik. Dit is die moeite werd om te soek en te verken.

Dank Hom in Gebed

Toe Jesus Sy dissipels leer bid het, het hy vir hulle gesê om so te begin: “Ons Vader wat in die hemel is, laat u Naam geheilig word.” Dis nie verkeerd om God vir “dinge” te vra nie, maar hegte verhoudings sluit gee en ontvang in. Wat het ons egter wat ons God kan bied? Ons eer, respek en dankbaarheid.

Uitdaging: Nader God in gebed, ten minste een keer op ‘n dag, vir die volgende week, en dank Hom vir iets wat Hy vir jou gedoen het, sonder om Hom iets te vra.

Deel Jou Storie

Die skrywer van Hebreërs moedig ons aan om God te eer deur “lof aan Hom te bring en Sy naam te bely.” God laat alles ten goede meewerk vir dié wat Hom liefhet. Is dit nie wonderlik om te weet dat God jou vir ‘n spesifieke doel in Sy koninkryk gekies het nie? Versprei jy gedurig die woord van God se goedheid?

Uitdaging: Kyk hierdie week uit vir geleenthede om met vriende te praat oor die dinge wat God besig is om in jou lewe te doen.

Hierdie is ‘n paar voorstelle om jou te help om intimiteit met God ‘n daaglikse roetine te maak. Vind nog maniere om God te aanbid, in een van die Leesplanne hier onder.

Kyk na die Leesplanne

FacebookDeel op Facebook

TwitterDeel op Twitter

E-posDeel per e-pos

Juig tot eer van die Here, almal op aarde! Dien die Here met blydskap! Kom voor Hom met gejubel! Erken dat die Here God is: Hy het ons gemaak en ons is Syne,
ons is sy volk, sy eie kudde. Gaan sy poorte binne met dankliedere, sy tempel met lofsange, dank Hom, prys sy Naam, want die Here is goed, aan sy liefde is daar geen einde nie, sy trou duur van geslag tot geslag.

PSALM 100: 1-5


Notas

1 Tel Seëninge Versus Laste: ‘n Eksperimentele Ondersoek oor Dankbaarheid en Subjektiewe Welstand in die Daaglikse Lewe.

Hoe Lei Ek My Kinders Geestelik?

Pa en dogter wat inkleur

Leer dit vir jou kinders deur met hulle daaroor te praat as jy in jou huis is en as jy op pad is, as jy gaan slaap en as jy opstaan.

DEUTERONOMIUM 11:19

Dit kan moeilik wees om jou geloof aan jou kinders te verduidelik op maniere wat hulle kan verstaan. Gelukkig hoef jy nie alles te weet of alles te verstaan nie. Trouens, as jy jou geloof met jou kinders deel, gee jy hulle iets meer waardevol as net inligting: jou tyd en aandag.


Ervaar Saam die Groot Stories van die Bybel.

Jy kan eenvoudig net die Bybel App vir Kinders op jou selfoon oopmaak en dit vir jou kind gee, (miskien sodat jy ‘n paar takies gedoen kan kry). Maar oorweeg die volgende: Sit met jou kind op jou skoot en vra hulle om vir jou ‘n storie te wys. Laat jou kind jou wys hoe die program werk. (Vra baie vrae!) Om die program saam te deel, skep natuurlike geleenthede vir julle om te praat… en jy sal leer wat in jou kind se gedagtes aan die gang is.

Laai die Bybel Toep af


Vind Jou Mense.

Jy kan jou kinders julle gesin se waardes leer (en jy behoort dit te doen), maar hulle sal dit beter leer as hulle sien dat jy dit elke dag uitleef. Dis ‘n goeie idee om jou gesin in kontak te bring met ander gesinne wat dieselfde waardes het. As jy nog nie ‘n geestelike huis gevind het nie, kan jy een naby jou opspoor by die Gebeurtenis funksie in die Bybel Toep.

Soek Gebeurtenisse


Jy Lei Alreeds Jou Gesin Op Geestelike Gebied

Alles wat ons hier genoem het, is net voorstelle. Ons hoop dit sal meer idees by jou laat opkom van hoe jy in jou gesin kan belê. Of jy nou een van hulle probeer, of nie, onthou net: jy is alreeds besig om jou gesin te lei. Wat jy ook al elke dag doen, jou kinders leer daaruit dat dit die dinge is waaraan jy waarde heg. Kies doelbewus die rigting waarin jou gesin moet gaan…en doen dit saam.

FacebookDeel op Facebook

TwitterDeel op Twitter

E-posDeel per e-pos