Om in ‘n besige wêreld te rus

Persoon in 'n besige straat

“Daarom wil Ek julle uitnooi: Voel julle moeg vir hierdie lewe? Knak julle knieë onder al die probleme en verantwoordelikhede wat julle moet dra? Het julle godsdiens leeg geword sodat dit julle geestelike dors nie meer les nie? Kom dan na My toe! Ja, kom wy jou lewe aan My toe. By My sal jy weer die sin van die lewe ontdek.”

MATTEUS 11:28-29

So dikwels gaan dit dol in die wêreld. Ons word wakker met die geluid van dringende alarms en jaag van een aktiwiteit na die volgende.

Om ons besige roosters te onderbreek, kan ondenkbaar voel — ons is bekommerd dat ons sal agter raak. Die wêreld skree vir ons om vas te gordel, om skouer aan die wiel te sit en nog harder te werk.

Maar die Skrif moedig ons aan om stil te raak en ons eerder na God te wend.

Hoe kry ons tyd om te rus in ‘n wêreld wat teen so ‘n onvolhoubare pas beweeg?

Vind jou hoekom.

God het ons geskep vir doelgerigte werk. Daar is egter ‘n verskil tussen die doen van sinvolle werk en om daardie werk ons identiteit te laat word. Die oomblik wat ons die lyn oorsteek, word ons in ‘n bose kringloop vasgevang.

Om tyd aan rus af te staan, is die uiterste teenoorgestelde van wat die wêreld van ons vra.

Dit is egter iets wat God deurgaans as ‘n opdrag vir ons regdeur die Bybel gee om te doen.

Van die begin af was God vir ons ‘n rolmodel om te rus, en Hy het ons beveel om rus deel te maak van ons weeklikse ritme.

Miskien besef jy dat jy moet rus omdat jy agterkom iets in jou lewe word belangriker as God. Dalk is dit om jou geestesgesondheid te prioritiseer. Miskien is jy bloot net uitgeput.

Wat dit ook al is, kry ‘n duidelike visie hoekom rus vir jou belangrik is.

Plaas dit op jou kalender.

Tyd is een van ons waardevolste hulpbronne.

As ons nie vooraf rus skeduleer nie, is dit baie moontlik dat iets anders daardie hulpbron sal gebruik.

Een van die eenvoudigste maniere te rus, is deur dit te beplan. Probeer om dit op jou rooster aan te bring, en lig jou familie en vriende oor daardie tye in.

Of dit nou 20 minute of 24 uur is, rus skep vir jou die ruimte om die dinge wat God geskep het te waardeer en te ervaar.

Gee jouself iets om na uit te sien.

Wanneer jy ‘n tree terugneem en jou pas ‘n bietjie stadiger maak om nader aan God te kom, sal dit waarskynlik ongemaklik of verontrustend voel.

Dit beteken waarskynlik dat jy dit reg doen.

Wanneer ons rus, word die versoeking om in bedrywigheid te verval nog groter. Ware rus kom egter nie altyd op niksdoen neer nie.

Wanneer jy in jou rooster tyd sit om te rus, beplan om dan iets te doen wat vir jou vreugde of vrede bring.

Dit kan wees om tyd af te staan om God se skepping te waardeer of om met ‘n stokperdjie te begin waarvoor God jou passievol gemaak het.

Moenie dit alleen doen nie.

God het ons geskep vir gemeenskap. Ons is geskape om in verhoudinge te wees. Daardie verhoudinge kan een van die tasbaarste maniere wees waarop ons God se teenwoordigheid ervaar.

Om ‘n ritme van rus te kry, is nie iets wat jy alleen hoef te doen nie. Dink aan maniere waarop jy saam met jou gesin of vriende kan rus.

Om saam te rus, sal jou help om verantwoordbaar te bly wanneer die wêreld jou by werk en aktiwiteite probeer intrek.

Wees onverbiddelik.

Om rus te beoefen is ‘n geestelike dissipline. Net soos enige dissipline, verg rus vasberadenheid en selfbeheersing.

Wanneer ons kies om nie op ons eie inspanning staat te maak nie en Jesus te laat oorneem, gee ons dinge waaroor ons skaam is, ons strewe en verwagtinge oor. In ruil daarvoor ervaar ons God se volmaakte vrede.

Rus help ons om God se teenwoordigheid te geniet en ons prioriteite te herrangskik.

Rus laat ons toe om te vertrou dat God werk, selfs wanneer ons nie werk nie.

Rus is hoe ons ons Verlosser genoeg vertrou om “genoeg” te sê.

Wil jy nou ‘n oomblik in God se teenwoordigheid stil raak?

Maak die Begeleide Gebed oop

FacebookDeel op Facebook

TwitterDeel op Twitter

E-posDeel per e-pos

‘n Gemeenskap wat … aanmoedig

Hart

Net soos in sosiale media, kan jy “hou van” jou vriende se aktiwiteit in YouVersion en kommentaar daarop lewer.

En saam het ons pas een miljard “hou van’s” behaal!

Dit is een miljard keer wat ons gemeenskap iemand aangemoedig het om aan te hou om die Bybel te lees en met God deur sy Woord ‘n verbintenis te maak.

Om ‘n vriend te hê wat jou aanmoedig, kan ‘n groot verskil maak …


“Ek het vriende in YouVersion gekry, en het besef dat ek nie alleen is nie. God het my daaraan herinner dat ek vriende het, ek word waardeer, en ek is glad nie waardeloos nie.”

KK | Texas, VSA


Miskien voel jy nou alleen. Of miskien kan jy daardie stem van aanmoediging vir iemand anders wees.

Ongeag enigiets, jy is deel van iets groter as jyself. Jy is deel van ‘n gemeenskap.

Begin ‘n leesplan saam met ‘n vriend, bid vir mekaar en kyk hoe jou gemeenskap en geloof groei.

Profielfoto's

Nooi ‘n vriend uit

FacebookDeel op Facebook

TwitterDeel op Twitter

E-posDeel per e-pos

100 tale. 36 lande.

100

Iets wonderbaarlik gebeur nou.

Sedert 2017, het ons YouVersion-gemeenskap mildelik aan Bybels vir Almal geskenk. Dit is ‘n veldtog wat daarop fokus om elke persoon op die planeet toegang tot die Skrif te gee.

Ons het so pas ‘n groot mylpaal bereik. Ons het saam bygedra tot befondsing van vertalings in 100 tale en in 36 lande!

Gee nou ‘n donasie

Jou vrygewigheid het vertalers en Bybeluitgewers regoor die wêreld bemagtig. Dit het aan miljoene mense toegang tot die Woord van God in hul eie tale gegee.

Dit sluit hulp in om die Skrif in Colombiaanse Gebaretaal te finansier, ‘n nuwe Oekraïense Bybelvertaling, inheemse tale in Ghana, en nog vele meer.

God doen wonderlike dinge deur ons gemeenskap se vrygewigheid. En dit is net die begin …

Daar is steeds ‘n geleentheid om duisende Bybelvertalings te help finansier. Jy kan deel wees van wat God in die lewens van mense regoor die wêreld doen deur vandag ‘n donasie te gee.

Gee nou ‘n donasie

FacebookDeel op Facebook

TwitterDeel op Twitter

E-posDeel per e-pos


Alle bydraes wat deur die Bybel vir Almal-veldtogte ontvang word, sal uitsluitlik vir die vertaling van die Bybel gebruik word en oor verskillende vertaalprojekte van hoë impak versprei word. Namate elke projek voltooi word, sal enige oorblywende fondse dan aangewend word vir die volgende vertaalprojek wat deur YouVersion en sy vennote gekies word.

“Waar is God as ek alleen voel?”

Persoon wat na water kyk

Selfs wanneer jy alleen voel, is God steeds by jou.

As God naby is, hoekom voel jy nie sy teenwoordigheid of het jy nie sy vrede nie?

Elia was ‘n getroue dienaar van God, tog het hy met eensaamheid geworstel. Nadat hy die valse profete van Baäl verslaan het, was hy bang en het in ‘n grot weggekruip, oorwonne en heeltemal alleen.

Maar, God het hom nie verlaat nie.

As God ver voel, is hier drie wenke oor sy karakter uit Elia se verhaal.

  1. Jy kan eerlik met God wees oor hoe jy voel.

    God het aan Elia verskyn en gevra: “Wat maak jy hier?”

    Elia het geantwoord: “Net ek alleen het oorgebly, en hulle soek my om my ook om die lewe te bring.”

    Elia was eerlik met God. Hy was bang om sy lewe te verloor en het getwyfel of God sy situasie ten goede kon gebruik.

    Maar sy eerlikheid het God nie bang gemaak of beledig nie.

    Soos ‘n goeie vriend het God Elia nie in sy nood verlaat nie. Dieselfde geld vir jou. Hy sal jou nooit verlaat of in die steek laat nie.

  2. Selfs wanneer jy Hom nie voel nie, is God altyd by jou.

    Elia se lewe was in gevaar, daarom het hy die enigste ding gedoen waaraan hy kon dink — weggekruip.

    Wanneer ons bang is, kan ons vergeet van God se belofte om by ons te wees, en maak ons op ons eie krag staat om te oorleef.

    Selfs wanneer ons God se belofte vergeet, herinner Hy ons daaraan dat Hy naby is.

    God het vir Elia gesê om op die berg te staan. ’n Kragtige wind het die berg uitmekaar geruk. Na die wind, was daar ‘n aardbewing. Na die aardbewing het ‘n brand gevolg.

    Maar God was nie in die wind, aardbewing of vuur nie.

    Na die brand was daar ‘n sagte fluistering. Dit was in daardie oomblik dat Elia dadelik geweet het God is by hom.

    Ons soek dikwels na God in die groot oomblikke in ons lewens, maar Hy is ook in die stilte.

  3. God openbaar wat jy nie kan sien nie.

    Elia was oortuig hy is die enigste een wat nog in God glo.

    God het egter geopenbaar dat daar nog 7 000 in Israel was wat nie in aanbidding voor Baäl gebuig het nie.

    Elia het gevoel asof hy die enigste een was, maar God het hom daaraan herinner dat dit nie so was nie.

    Eensaamheid ontstaan nie altyd wanneer jy alleen is nie. Dit kan ook ontstaan as jy dink jy is alleen.

Soos Elia, is jy dalk op ‘n plek waar jy afgesonder, verlate of vergete voel.

Onthou net, jy hoef God nie te voel om te weet dat Hy naby is nie. God is altyd by jou.

FacebookDeel op Facebook

TwitterDeel op Twitter

E-posDeel per e-pos

Wat beteken dit?

Persoon wat foon gebruik

Lees jy ooit verse in die Bybel verskeie kere en probeer verstaan wat dit beteken?

Leesplanne is ‘n goeie manier om jou die Bybel te help verstaan en in jou geloof te groei.

En wanneer ons fondament in die Woord van God gevestig is, word ons geloof sterker, wat elke aspek van ons lewens vernuwe.

Soek nog leesplanne

FacebookDeel op Facebook

TwitterDeel op Twitter

E-posDeel per e-pos