Забур 22: Эгам Менинг чўпонимдир

1  
Эгам Менинг чўпонимдир, Мен муҳтожлик кўрмасман асло.

2  
Ям–яшил яйловларда У менга ором беради, Сокин ирмоқлар бўйида У мени етаклайди.

3  
У менга қайта куч бахш этади. Ўзининг номи ҳақи–ҳурмати Мени тўғри йўлга бошлайди.

4  
Эй Эгам! Ҳатто зулмат водийсида юрсам ҳам, Хавф–хатардан қўрқмайман, Ахир, Сен мен билан биргасан. Сенинг чўпон таёғинг, Хивичинг мени ҳимоя қилади.

5  
Душманларимнинг кўз ўнгида Мен учун дастурхон тузайсан. Бошимга мой суртиб, Сен мени ҳурмат билан кутиб оласан. Косамни лаззатли неъматларга лим–лим тўлдирасан.

6  
Умрим бўйи Сенинг меҳр–шафқатинг изимдан юради, Эй Эгам, Сенинг уйинг то абад менинг масканим бўлади.

Psalm 22 in Uzbek

Psalm 23 in English

Кимда–ким Менга эргашишни истаса, ўзидан кечсин ва хочини кўтариб, орқамдан юрсин

Кимда–ким Менга эргашишни истаса, ўзидан кечсин ва хочини кўтариб, орқамдан юрсин

Исо унга меҳр билан қараб, деди: — Сенга бир нарса етишмайди. Бориб, бор нарсангни сот, пулини камбағалларга тарқат. Шунда самода хазинанг бўлади. Кейин келиб, Менга эргашгин. Бу сўзлардан бойнинг таъби хира бўлди. У ғамгин бўлиб қайтиб кетди, чунки унинг мол–мулки кўп эди.

Марк 10:21-22

Шундан сўнг Исо халқ билан шогирдларини олдига чақириб деди: — Кимда–ким Менга эргашишни истаса, ўзидан кечсин ва ўз хочини кўтариб, ортимдан юрсин. Ким ўз жонини асраб қолмоқчи бўлса, уни йўқотади. Ким Мен учун ва Хушхабар учун жонини берса, жонини асраб қолади.

Марк 8:34-35

Кимки ўз хочини олиб, ортимдан юрмаса, Менга лойиқ эмас.

Матто 10:38

Энди яшаётган мен эмас, балки Масиҳдир. У менинг ҳаётимни бошқаряпти. Ҳали тирик эканман, Худонинг Ўғлига бўлган имон билан яшайман. Ахир, У мени севиб, Ўзини мен учун фидо қилган.

Галатияликлар 2:20

Сўнг ҳаммага деди: “Кимда–ким Менга эргашишни истаса, ўзидан кечсин ва ҳар куни ўз хочини кўтариб, ортимдан юрсин. Ким ўз жонини асраб қолмоқчи бўлса, уни йўқотади. Ким Мен учун жонини берса, уни асраб қолади. Агар инсон бутун дунёни эгаллаб олса–ю, бироқ ўз ҳаётига ўзи зомин бўлса, бундан унга нима фойда?!

Луқо 9:23-25

— Эй Ота! Қанийди, бу азоб косасини Мендан узоқлаштирсанг! Аммо Менинг хоҳишим эмас, Сенинг хоҳишинг бажо бўлсин. Шу орада осмондан бир фаришта Исога зоҳир бўлиб, Унга куч ато қилди.

Луқо 22:42-43

Исо Масиҳга тегишли бўлганлар ўзларининг худбин истакларини ва эҳтиросларини хочга михлаб қўйганлар.

Галатияликлар 5:24

Кейин Исо Ўз шогирдларига деди: — Кимда–ким Менга эргашишни истаса, ўзидан кечсин ва хочини кўтариб, орқамдан юрсин. Ким ўз жонини асраб қолмоқчи бўлса, уни йўқотади. Ким Мен учун жонини берса, уни асраб қолади. Агар инсон бутун дунёни эгаллаб олса–ю, ўз жонидан маҳрум бўлса, бундан унга нима фойда?! Инсон ўз жони эвазига қандай тўлов бера олади?! Инсон Ўғли самовий Отасининг улуғворлигида, фаришталари билан келганда, ҳар кимни ўз ишига яраша тақдирлайди.

Матто 16:24-27

Ишончим комилки, ҳозирги азоб–уқубатларимиз бизга зоҳир қилинадиган улуғворлик олдида ҳеч нарса эмас.

Римликлар 8:18

Синовларга бардош берган одам бахтлидир. Чунки у синовдан ўтгач, ҳаёт тожи билан тақдирланади. Бундай тожни Худо Ўзини севганларга ваъда қилган.

Ёқуб 1:12

Мен оламнинг нуриман

Мен оламнинг нуриман

Исо яна халққа гапириб деди: — Мен оламнинг нуриман. Кимки Менга эргашса, ҳеч қачон зулматда юрмайди, балки ҳаёт нурига эга бўлади.


Юҳанно 8:12

Зулматда юрган халқ ёрқин зиёни кўрди, Ўлим соя солган юрт аҳолиси устига нур сочилди.


Ишаё 9:2

Эгам нурим ва нажотимдир, Кимдан қўрқаман?! Эгам ҳаётимнинг қалъасидир, Ким мени қўрқита олар?!


Забур 26:1

Худо дунёни яратганда Ўз сўзи билан зулматдан нур яратган эди. Энди У Ўзининг нури билан бизнинг юракларимизни ҳам ёритди, Исо Масиҳ сиймосида порлаб турган Ўз улуғворлигини бизга кўрсатди.


2 Коринфликлар 4:6

Аммо Масиҳ сизнинг қалбингизда макон қилган. Тўғри, гуноҳ туфайли танангиз ўлимга маҳкум қилинган, лекин энди Худонинг Руҳи сизлар учун ҳаёт манбаидир, чунки сизлар оқлангансиз. Исони ўликдан тирилтирган Худонинг Руҳи қалбингизда яшаяпти. Исо Масиҳни ўликдан тирилтирган Худо юрагингизда яшаётган Ўз Руҳи орқали сизларнинг фоний танангизни ҳам ўликдан тирилтиради.


Римликлар 8:10-11

Бир вақтлар сизлар зулматга тўла эдингиз, энди эса Раббимиз Исога тегишли бўлганингиз учун нурга тўлдингиз. Шундай экан, нурга тўла инсонлар каби яшанглар.


Эфесликлар 5:8

Борди–ю, Худо сингари нурда яшасак, биз биродарларимиз билан уйғунликда яшаймиз ва Худо Ўз Ўғли Исонинг қони орқали бизни ҳар қандай гуноҳдан поклайди. Агар гуноҳимиз йўқ десак, ўзимизни ўзимиз алдаган бўламиз ва бизда ҳақиқат бўлмайди. Борди–ю, гуноҳларимизни эътироф этсак, содиқ ва адолатли бўлган Худо гуноҳларимизни кечириб, бизни ҳар қандай ёмонликдан фориғ қилади.


1 Юҳанно 1:7-9

Сизлар дунёнинг нурисизлар. Тепаликка қурилган шаҳарни кўздан пинҳон тутиб бўлмайди. Ҳеч ким чироқни ёқиб, устини идиш билан ёпиб қўймайди. Аксинча, уни чироқпояга қўйишади, шунда чироқ уйдагиларнинг ҳаммасига ёруғлик беради. Сизнинг нурингиз ҳам инсонлар олдида шундай порласинки, улар яхши ишларингизни кўриб, осмондаги Отангизни улуғласинлар.


Матто 5:14-16

Нур зулматда порлайди, Ахир, зулмат Нурни енголмади.


Юҳанно 1:5

Endi farzandlaringiz O‘zbek tilidagi bolalar uchun Muqaddas Kitob ilovasi bilan tanishish imkoniyatiga egalar!

Bolalar uchun Muqaddas Kitob

Bugun, OneHope tashkiloti bilan hamkorlikda, O‘zbek tilidagi bolalar uchun Muqaddas Kitob ilovasini sizga taqdim etganimizdan g‘oyat xursandmiz. Endi bolajonlar Muqaddas Kitob hikoyalarini mustaqil tarzda o‘rganishlari mumkin.

Ilova sozlamasiga kirib, tilni o‘zgartirishingiz juda oson:

  1. Ilovaning eng so‘nggi versiyasini yuklab olganingizga ishonch hosil qiling.
  2. Ilovani oching, so‘ng Sozlamalarga (G‘ildirak shakli) kirish uchun g‘ildirak shaklini bosing.
  3. Sizga kerak bo‘lgan tilni tanlang.

Hikoyalar matni ham, audiosi ham siz tanlagan tilda bo‘ladi!

Ushbu ajoyib yangilikni nishonlashda bizga yordam bering!

FacebookFacebookda ulashing

TwitterTwitterda ulashing

Elektron manzilElektron pochta orqali ulashing


Bolalar uchun Muqaddas Kitob

Bolalar uchun Muqaddas Kitob ilovasi haqida

Ushbu ilova OneHope bilan hamkorlikda ishlab chiqarilgan, bolalar uchun Muqaddas Kitob ilovasining muallifi YouVersion Muqaddas Kitob ilovasini ham yaratgan. Ushbu ilova yordamida bolajonlar Muqaddas Kitob hikoyalarini qiziqib o‘rganadilar. Bolalar uchun Muqaddas Kitob ilovasi 65 milliondan ortiq Apple, Android va Kindle qurilmalariga yuklab olingan. Mazkur ilova bepuldir. Hozirgi kunda butun dunyo bo‘ylab bolalar qaryib 62 tilda Muqaddas Kitob ilovasidan bahramand bo‘lmoqdalar. Mana endi bu ilova O‘zbek tilida ham bor!

App Store Google Play Amazon

Севги сабр–тоқатли ва меҳрибондир

Севги сабр–тоқатли ва меҳрибондир

4  
Севги сабр–тоқатли ва меҳрибондир. Севги ҳасад қилмайди, мақтанмайди, кеккаймайди.

5  
Севги одобсизлик қилмайди, худбинлик қилмайди, аччиқланмайди, кек сақламайди.

6  
Севги ноҳақликдан севинмайди, аксинча, ҳақиқат қарор топганда шодланади.

7  
Севги ҳар нарсани кўтаради, ҳеч қачон ишончини йўқотмайди, ҳар қандай шароитда умид сақлайди, ҳар нарсага тоқат қилади.

8  
Худонинг сўзини етказиш инъоми ҳам, номаълум тилларда гапириш инъоми ҳам йўқ бўлади, билим ҳам бартараф бўлади. Севги эса асло адо бўлмайди.

9  
Мана, ҳозир билимимиз тўлиқ эмас, Худонинг сўзини етказиш қобилиятимиз ҳам чекланган.

10  
Камолот зоҳир бўлганда эса тўлиқсиз нарсалар бартараф бўлади.

11  
Болалик пайтларимда мен бола каби гапирардим, бола каби фикр қилардим, бола каби мулоҳаза қилар эдим. Вояга етгач, болаликни ташладим.

12  
Шу сингари, биз ҳозир хира ойна орқали кўргандай бўляпмиз, аммо вақти келганда аниқ кўрамиз. Ҳозирги билганларим тўлиқ эмас. Ўша пайтда эса Худо мени тўлиқ билгани каби мен ҳам ҳамма нарсани тўлиқ тушунаман.

13  
Мана бу уч нарса бор: ишонч, умид ва севги. Севги эса энг аълосидир.

1 Corinthians 13 in Uzbek

1 Corinthians 13 in English