Posted on 2020-12-202021-10-22Планы на Раство Каляды: Раство — для ўсіх 12 дзён Праз наступныя 12 дзён мы з вамі будзем падарожнічаць па гісторыі Раства й даведаемся, чаму яна ня толькі зьяўляецца найцудоўнейшай гісторыяй у сьвеце, але таксама аб, тым, што Раство сапраўды зьяўляецца сьвятам для ўсіх! Адвэнт: Падарожжа да Раства 25 дзён Раство — гэта сапраўды найцудоўнейшая гісторыя ў сьвеце. Гэта гісторыя дасканальнае Божае вернасьці, моцы, збаўленьня ды невычэрпнае любові. Падарожнічайма на працягу наступных 25 дзён, каб паспрабаваць зразумець дэталёвы Божы плян збавіць сьвет ад грэху і пабачыць абяцаньні, што былі выкананыя праз нараджэньне Ягонага Сына. Падарожжа да ясьляў 25 дзён У адну ціхую ноч 2000 гадоў таму, анёлы паведамілі навіну аб нараджэньні Збаўцы групе пастухоў, якія пасьвілі сваіх авечак. Калі пастухі пачулі тую навіну, дык яны пакінулі ўсё, каб пайсьці паглядзець на дзіцяня ў ясьлях у Бэтлееме. З часу тае падзеі прайшло вельмі шмат гадоў, але запрашэньне застаецца тым жа самым. Далучэцеся да доктара Чарльза Стэнлі, які дапаможа вам наблізіцца да Збаўцы ды натхне вас адпачыць у любові Бацькі ў гэтую пару. Ціхая ноч: Атрымайце супакой ад Ісуса гэтым Раством 5 дзён Калядная пара — вельмі радасны час, але адначасова і заняты. Затрымайцеся на некалькі момантаў адпачынку ды пакланеньня Богу, якія падтрымаюць вас у вясёлую занятасьць гэтае пары. Заснаваны на кнізе Unwrapping the Names of Jesus: An Advent Devotional (Адкрываючы імёны Ісуса: пасьвячэньне да Адвэнту), гэты плян дапаможа вам адпачыць у Ісусу гэтым Раством, запаволіўшыся, каб узгадаць Ягоную дабрыню, выказаць вашую патрэбу ў Ім, пашукаць Ягонага супакою і даверыцца Ягонай вернасьці. Не турбуйся ні пра што 7 дзён Што, калі існуе лепшы спосаб змаганьня зь бясконцымі згрызотамі, якія не даюць табе спаць? Сапраўдны супакой існуе – магчыма, нават бліжэй, чым табе падаецца. Замяні паніку супакоем з дапамогай гэтага сямідзённага пляну чытаньня ад Life.Church да сэрыі казаняў пастара Крэйга Грашэла “Не турбуйся ні пра што”. Share this post:
Posted on 2020-11-012021-10-12Пляны чытаньня – Лістапада 2020 Псальмы 31 дзень Чытаньне Псальмаў натхняе. Калі вы перажываеце цяжкасьці, Псальмы могуць суцешыць ды падбадзёрыць. Любіць як Ісус 13 дзён Як мы можам навучыцца жыць як Ісус, калі мы сьпярша не навучымся любіць як Ён? Пэрсанал царквы Life.Church разам са сваімі сужэнцамі распавядае пра свой досьвед і дзеліцца ўрыўкамі са Сьвятога Пісьма, што дапамагаюць ім жыць і любіць як Ісус. Спатканьні ў сучаснасьці 7 дзён Спатканьні… што выклікае ў вас гэта слова – трывогу ці прадчуваньні? Падаецца, усе тэхнічныя магчымасьці сувязі яшчэ больш ускладнілі і заблыталі спатканьні. Сямідзённы план чытаньня паводле кнігі “Single. Dating. Engaged. Married” Бэна Сьцюарта дапаможа вам убачыць Божую мэту таго перыяда, які вы праходзіце цяпер, а таксама прапануе асноўныя прынцыпы для вызначэньня таго, з кім і як сустракацца. Бэн – пастар царквы Passion City Church у Вашынгтоне, А. К. і былы выканаўчы дырэктар служэньня Breakaway Ministries – штодзённага вывучэньня Бібліі, наведванага тысячамі студэнтаў Тэхасскага механіка-сельскагаспадарчага ўніверсітэта Штодзённыя пасьвячэньні да Дня дзякаваньня ад Пола Трыпа 12 дзён Дзень дзякаваньня – гэта самы час прыгадаць усе добрыя рэчы, што Бог гэтак ласкава даў нам. Але часам занятасьць гэтае пары можа перашкаджаць нам адводзіць час на тое, каб дзякаваць Богу за Ягоныя шматлікія дары. Гэтыя падбадзёрлівыя пасьвячэньні ад Пола Дэйвіда Трыпа, што можна прачытаць за пяць хвілін, заахвоцяць цябе разважаць пра Божую ласку на працягу ўсяго дня. Share this post:
Posted on 2020-10-012021-10-12Пляны чытаньня – Кастрычніка 2020 1 і 2 Пасланьне Пятра 4 дні Гэты плян прысьвечаны 1 і 2 Пасланьню Пятра і выдатна падыходзіць для асабістага і супольнага вывучэньня. Жыві паводле Духа: Пасьвячэньні ад Джона Пайпэра 7 дзён 7 чытаньняў-пасьвячэньняў пра Сьвятога Духа ад Джона Пайпэра Елісей: аповесьць пра надзвычайную веру 13 дзён Елісей – адзін з найцікавейшых людзей, апісаных у Божым Слове. Ён быў прарокам, вера ды цуды якога падаюцца амаль што абсурднымі. Падчас гэтага 13-дзённага пляну, ты прачытаеш пра Елісеева жыцьцё й даведаесься, як можа выглядаць жыцьцё чалавека, які вырашыў скарыцца Госпаду й жыць абсурднаю вераю. Share this post:
Posted on 2020-09-012021-10-12Пляны чытаньня – Верасня 2020 Надай значэньне сваёй працы 4 дні Бальшыня з нас правядзе каля паловы свайго дарослага жыцьця на працы. З гэтае прычыны мы хочам пераканацца, што нашая праца мае значэньне – што яна важная. Але стрэс, патрабаваньні ды цяжкія абставіны часам прымушаюць нас бачыць працу як нешта цяжкае – нешта такое, што трэба вытрываць. Гэты плян чытаньня дапаможа табе зразумець, што празь веру ты можаш надаць сэнс тваёй працы. Шэсьць крокаў да лепшага лідэрства 7 дзён Ці ты гатовы расьці як лідэр? Крэйг Грашэл раскрывае шэсьць біблійных крокаў, якія кожны можа зрабіць, каб стаць лепшым лідэрам. Даведайся пра дысцыпліну, неабходную для таго, каб пачаць; пра адвагу спыніцца; пра асобу, якую можаш упаўнаважыць; пра сыстэму, якую можаш стварыць; пра адносіны, якія можаш распачаць; ды пра рызыку, на якую табе патрэбна пайсьці. Ворагі сэрца 5 дзён Гэтаксама як фізычна нездаровае сэрца можа зруйнаваць тваё цела, так і эмацыйна ды духоўна нездаровае сэрца можа зруйнаваць цябе і твае ўзаемаадносіны. На працягу наступных пяці дзён Эндзі Стэнлі дапаможа табе праверыць сябе на чатыры галоўныя ворагі сэрца – пачуцьцё віны, гнеў, хцівасьць і зайздрасьць – і навучыць, як іх пазбавіцца. Зьнішчэньне крыптаніту з Джонам Біўірам. 7 дзён Падобна да Супэрмэну, які здолее перамагчы ўсякага ворага, ты, як пасьлядоўнік Хрыста, таксама маеш звышнатуральную здольнасьць пераадольваць цяжкасьці, якія прыходзяць у тваё жыцьцё. Але праблема – як супэрмэнава, так і твая, – ў тым, што існуе крыптаніт, які крадзе тваю сілу. Гэты плян чытаньня дапаможа табе выкараніць духоўны крыптаніт з твайго жыцьця дзеля таго, каб ты змог рэалізаваць твой патэнцыял, дадзены табе Богам, і жыць у свабодзе. Share this post:
Posted on 2020-08-012021-10-12Пляны чытаньня – Жніўня 2020 У пошуках супакою 10 дзён Ці ты хочаш мець больш супакою ў тваім жыцьці? Ці ты хочаш, каб мір быў нечым большым за жаданьне? Ты насамрэч можаш знайсьці сапраўдны супакой, але ягоная адзіная крыніца – Бог. Далучыся да доктара Чарльза Стэнлі, які пакажа табе шлях да душэўнага супакою, прапаноўваючы прылады на тое, каб пазбавіцца шкадаваньняў аб мінуўшчыне, супрацьстаяць цяперашнім турботам ды не баяцца будучыні. У пагоні за морквай 7 дзён Мы ўсе за нечым гонімся. Звычайна, за нечым такім, што знаходзіцца па-за нашаю дасягальнасьцю – лепшая праца, утульнейшая хата, ідэальная сям’я, ухваленьне ад іншых. Але ці не стамляе тое? Ці існуе іншы шлях? Дазнайся больш у гэтым новым пляне чытаньня ад Life.Church да сэрыі казаняў пастара Крэйга Грашэла “Ў пагоні за морквай”. Давер, мітусьня ды супакой 4 дні Біблія загадвае нам старанна працаваць, але адначасова вучыць нас, што вынікі нашае працы залежаць ад Бога, а не ад нас. Як паказвае гэты чатырохдзённы плян, працуючыя вернікі павінны дасягнуць раўнавагі паміж “даверам” ды “энэргічнаю дзейнасьцю” дзеля таго, каб знайсьці сапраўдны суботні супакой. Пасланьне да Эфэсцаў 3 дні Гэты плян прысьвечаны Пасланьню да Эфэсцаў і выдатна падыходзіць для асабістага і супольнага вывучэньня. Share this post:
