Posted on

Унших Төлөвлөгөөнүүд – Есдүгээр сар 2021

Галат

3 ѳдөр

Энэхүү энгийн уншлагын төлөвлөгөө нь таныг Галат номоор аялуулах бөгөөд хувийн эсвэл бүлгийн Библи судлалд тохиромжтой.

Библийг хамтдаа уншицгаая (9-р сар)

30 Өдөр

12 хэсэг судлалын 9 дэх хэсэг болох энэхүү уншлагын төлөвлөгөө нь хүмүүс хамтдаа 365 хоногт Библийг бүтэн уншиж дуусгахад зориулагдсан юм. Сар бүр шинэ хэсгийг эхлэхдээ бусдыг нэгдэхийг уриалаарай. Энэ цуврал нь аудио Библитэй хорших бөгөөд өдөрт 20 хүрэхгүй минутыг зарцуулахад хангалттай! Хэсэг бүрд Хуучин ба Шинэ гэрээ, Дуулал номын бүлгүүд багтсан байх болно. 9 дэх хэсэгт Нехемиа, Естер, 1 ба 2 Тимот, Иоел, Амос, Обадиа, Нахум, Хабаккук, Зефаниа, Тит, Филемон, Иаков, Хаггаи, Зехариа болон Малахи номууд багтжээ.

Цаг хугацаагаа Бурханд зориулах нь

4 өдөр

Цаг хугацаагаа Бурханд зориулах тухай Р.С. Спроулын бэлтгэн гаргасан 4 өдрийн чимээгүй цаг. Чимээгүй цагийн өдөр бүр таныг Бурханы оршихуй дотор, Бурханы эрх мэдэл доор, Бурханы алдрын төлөө амьдрахыг уриалан дууддаг.
Posted on

ДУУЛАЛ 23: ЭЗЭН бол миний хоньчин

1  
ЭЗЭН бол миний хоньчин, Надад дутах зүйл нэг ч үгүй.

2  
Тэр намайг ногоон бэлчээрт хэвтүүлж, Дөлгөөн усны дэргэдүүр хөтөлдөг.

3  
Тэр миний сэтгэлийг сэргээдэг. Тэр Өөрийнхөө нэрийн төлөө Зөвийн замаар намайг хөтөлдөг.

4  
Үхлийн харанхуйн хөндийгөөр туулавч Би хор хөнөөлөөс айхгүй, Учир нь Та надтай хамт байна. Таны саваа, Таны таяг намайг тайвшруулдаг.

5  
Та миний дайснуудын өмнө надад ширээ засдаг. Та миний толгойг тосоор тосолсон. Аяга минь дүүрч бялхдаг.

6  
Сайн сайхан хийгээд хайр энэрэл Насан туршид минь намайг лавтай яа дагана. Би ЭЗЭНий өргөөнд мөнхөд оршин суух болно.

Psalm 23 in Mongolian

Psalm 23 in English

Posted on

Унших Төлөвлөгөөнүүд – Наймдугаар сар 2021

Ефес

3 ѳдөр

Энэхүү энгийн уншлагын төлөвлөгөө нь таныг Ром номоор аялуулах бөгөөд хувийн эсвэл бүлгийн Библи судлалд тохиромжтой.

Библийг хамтдаа уншицгаая (8-р сар)

31 өдөр

12 хэсэг судлалын 8 дахь хэсэг болох энэхүү уншлагийн төлөвлөгөө нь хүмүүс хамтдаа 365 хоногт Библийг бүтэн уншиж дуусгахад зориулагдсан юм. Сар бүр шинэ хэсгийг эхлэхдээ бусдыг нэгдэхийг уриалаарай. Энэ цуврал нь аудио Библитэй хоршин ажилладаг бөгөөд өдөрт 20 хүрэхгүй минутыг зарцуулахад хангалттай! Хэсэг бүрт Хуучин ба Шинэ гэрээ, Дуулал номын бүлгүүд багтсан байх болно. 8 дахь хэсэгт 1 ба 2 Шастир, 1 ба 2 Тесалоник болон Езра номууд багтжээ.

Бурхантай өрнүүлэх харилцан яриа

12 Ѳдѳр

Бурхантай ярих яриа бол залбирлын улам илүү ойр дотно амьдралд шумбан, Бурханы дуу хоолойг сонсох амьдралд ойр арга замуудад анхаарал хандуулахыг хэлдэг. Бүхий л амьдралынхаа туршид–зүг чиг, харилцаа, зорилгод маань бүхий л өөрчлөлтийг авч ирэхүйц тийм харилцан яриаг Өөртэй нь тасралтгүйгээр өрнүүлсээр байгаасай гэж Бурхан хүсдэг. Энэ уншлагын төлөвлөгөө нь Бурханы зүрхэнд хүрэх ойлгомжтой, хувийн түүхүүдийг хангалттайгаар агуулсан болно. Тэр бидэнд хайртай!

Сүнслэг тулаанд тулалдах төлөвлөгөө

5 ѳдөр

Энэхүү хүчирхэг сургаалаар дамжуулан та дайсныг зальдах, ялах мөн амьдралыг тань сүйрүүлэх гэсэн түүний төлөвлөгөөг нураах стратегийг хэрхэн боловсруулах талаар гүн ойлголтыг олж мэдэх болно.
Posted on

Загалмайгаа үүрч, Намайг дагаг

Загалмайгаа үүрч, Намайг дагаг

Есүс түүнийг ширтэн харж, хайрлан —Чамд нэг л юм дутаж байна. Явж, өөрийн бүх өмчөө зарж ядууст өг. Тэгвэл чи тэнгэрт баялагтай болно. Тэгээд ирж, Намайг дага гэж айлдав. Гэвч энэ үгнээс болж өнөөх хүний царай нь барайж, гунигтайгаар яваад өгөв. Учир нь тэр их хөрөнгөтэй хүн байжээ.

МАРK 10:21-22

Тэрээр хурсан олныг шавь нарынхаа хамт дуудаж, тэдэнд хандан —Хэрэв хэн нэг нь Миний араас явахыг хүсвэл, тэр хүн өөрийгөө үгүйсгэж, загалмайгаа барьж Намайг дагаг. Учир нь хэн өөрийн амийг аврахыг хүснэ, тэр хүн түүнийгээ алдана. Харин хэн Миний төлөө, сайн мэдээний төлөө өөрийн амийг алдана, тэр хүн түүнийгээ аварна.

МАРK 8:34-35

Загалмайгаа үүрээд Миний хойноос дагахгүй хүн Миний хувьд зохистой нэгэн биш.

МАТАЙ 10:38

Би Христтэй хамт цовдлогдсон. Амьд байгаа нь би биш, харин миний дотор Христ амьд байна. Эдүгээ би махан биедээ амьд байгаа нь намайг хайрлаж, миний төлөө Өөрийгөө тушаасан Бурханы Хүүд итгэх итгэлээр амьдарч буй хэрэг юм.

ГАЛАТ 2:20

Тэр тэдэнд бүгдэд нь хандаж —Хэрэв хэн нэгэн Миний араас явахыг хүсвэл, тэр хүн өөрийгөө үгүйсгэж, өдөр бүр загалмайгаа үүрч Намайг дага. Учир нь хэн амиа аврахыг хүснэ, тэр нь амиа алдах болно. Харин хэн Миний төлөө амиа алдана, тэр нь амиа аварна. Хэрэв хүн бүх дэлхийг олж авсан ч амиа алдвал юуны ашиг байх билээ?

ЛУК 9:23-25

Эцэг минь, хэрэв Та хүсэж байгаа бол энэ аягыг Надаас зайлуулаач. Гэвч Миний хүсэл бус, харин Таны хүсэл биелэгдэг гэв. Тэгтэл тэнгэрээс тэнгэр элч Түүнд үзэгдэн, Түүнийг тэнхрүүлж байлаа.

ЛУК 22:42-43

Христ [Есүст] хамаатай хүмүүс өөрсдийн махан биеэ бузар хүсэл, тачаалынх нь хамт загалмайд цовдолсон ажээ.

ГАЛАТ 5:24

Тэгээд Есүс шавь нартаа —Хэрэв хэн нэг нь Миний араас явахыг хүсвэл, тэр нь өөрийгөө үгүйсгэг. Загалмайгаа үүрч, Намайг дагаг. Учир нь хэн өөрийнхөө амийг аврахыг хүснэ, тэр хүн түүнийгээ алдана. Харин хэн Миний төлөө өөрийн амийг алдана, тэр хүн түүнийгээ олно. Учир нь хүн бүх дэлхийг олж авсан ч амиа алдвал ямар ашиг байх билээ? Эсвэл амийнхаа оронд юугаа өгөх билээ? Учир нь Хүний Хүү тэнгэр элч нарын хамт Эцэгийнхээ алдрын дотор ирж, хүн бүрд үйлсийнх нь дагуу хариуг өгнө.

МАТАЙ 16:24-27

Учир нь энэхүү өнөө үеийн зовлонгууд нь бидэнд илчлэгдэх тэрхүү алдартай зүйрлүүлшгүй гэж би боддог.

РОМ 8:18

Сорилтыг тэсвэрлэдэг хүн ерөөлтэй еэ! Учир нь тэр соригдчихоод, Эзэний Өөрийг нь хайрлагсдад амласан амийн титмийг хүлээн авна.

ИАКОВ 1:12

Posted on

Унших Төлөвлөгөөнүүд – Долоодугаар сар 2021

1 Коринт

8 өдөр

Энэ энгийн уншлагын төлөвлөгөөгөөр та 1 Коринт номыг уншиж дуусгах бөгөөд ганцаарчилсан болон группээр судлахад тохиромжтой.

Библийг хамтдаа уншицгаая (7-р сар)

31 Өдөр

12 хэсэг судлалын 7 дахь хэсэг нь болох энэ уншлагийн төлөвлөгөө хэсэг бүлэг хүмүүсийг хамтдаа 365 хоногт бүтэн Библийг уншиж дуусгахад удирдах болно. Сар бүр шинэ хэсгийг эхлэх бүртээ бусдыг нэгдэхэд уриал. Энэ цувралуудыг аудио Библийн хамт хийхэд тохиромжтой—өдөрт 20 минутаас богинохон хугацаанд сонсоход л хангалттай! Хэсэг бүрт Хуучин ба Шинэ гэрээний бүлгүүдийн хамт, Дуулал номын бүлгүүд багтсан байх болно. 7 дахь хэсэгт 2 Самуел, 1 Хаад, 2 Хаад болон Марк номууд багтсан байна.

Бурхан яагаад намайг хайрладаг вэ?

5 ѳдөр

Асуултууд: Бурханы талаар хүн бүрт л асуух асуултууд байдаг. Байнга харьцуулалт хийдэг соёлд амьдардаг болохынхоо хувьд, өөрсдөөсөө бидний хамгийн ихээр асуудаг байж болох асуулт бол, “Бурхан яагаад намайг хайрладаг вэ?” эсвэл магадгүй, “Тэр яаж намайг хайрлаж чадах вэ?” гэсэн асуултууд байж болох юм. Энэ төлөвлөгөөний явцад, та нийтдээ 26 Бичээсийн хэсгийг авч үзэх бөгөөд—тус бүр нь таныг гэсэн Бурханы нөхцөл үл шаардах хайрын талаархи үнэнийг өгүүлэх болно.

Амрах цаг гаргах нь

5 ѳдөр

Хэт ажиллах болон байнга завгүй байх нь ертөнцөд маань шагшигдах нь элбэг байдаг бөгөөд амрах нь үнэхээр хэцүү зүйл байх боломжтой. Үүрэг, төлөвлөгөөгөө үр төлөөтэй биелүүлэхийн тулд бид амарч сурах ёстой тэгэхгүй бол хайртай хүмүүстээ болон тавьсан зорилгодоо хүрэхэд хувь нэмрээ оруулах зүйл бидэнд огт үлдэхгүй байх болно. Амралтын талаар болон сурсан зүйлээ бид хэрхэн амьдралдаа хэрэгжүүлэх боломжтой талаар судлахад дараагийн таван өдрийг зарцуулцгаая.