Mgbe olileanya yìrì ka ihe ná-agaghị èkwé omume, Chineke zuterè Alice.

Ịdọ aka ná ntị gbàsará ihe dị́ n’ime: akụkọ ná-esonụ nwerè isiokwu gbàsará mmerụ-ahụ onwe-onye na ịda mbà n’obi nke nwéré ike ịkpalite mmetụta ọjọọ n’obi ụfọdụ ndị mmadụ ná-ágụ́ ya.

Mgbe olileanya yìrì ka ihe ná-agaghị èkwé omume, Chineke zuterè Alice.

Mgbe Alice dị afọ iri na isii, ọ dị ya ka ihe mgbu na mfù tinyerè ya n’ụlọ nga, ịda mbà n’obi na nnọpụ-iche wakpọ̀rọ̀ ya nke ukwuu.

Ka mmetụta nke enweghị olileanya nà-àrị́ elu na ndụ ya, otu abalị o kpebiri igbu onwe ya. Oge ahụ ka ihe a na-apụghị ịkọwa akọwa merè.

N’elu ọnụ ụlọ-elu o bi na ya, ifufè siri ike ferè na mberede nke mere ka ọ daba azụ n’ime ụlọ ya kama ịda n’ihu.

Ka o dina n’ala, n’obi ịma jijiji nakwà ná-èbé ákwá, Alice natarà ozi sitere n’aka onye agbata obi ya ná-akpọ ya òkù ka ọ bịa chọọchị. O kwetarà ịga, ebe ahụ kwa ka o bù ụ̀zọ̀ chọpụta Bible App.

Mgbe olileanya yìrì ka ihe ná-agaghị èkwé omume, Chineke zuterè Alice.

Ọ maliterè ịgụ Atụmatụ Ihe Ọgụgụ Nke Akwụkwọ Nsọ, site na ya, o nwetarà olileanya ma wèré ndụ ya nyefee Jizọs.

Taa, Alice nà-èmepụtá ma ná-èbipụtá Atụmatụ Ihe Ọgụgụ Gasị Nke Akwụkwọ Nsọ dị́ ka Onye Nrụkọ-Ọrụ YouVersion site n’otu app ahụ mere ka ọ mata Jizọs. Ọ bụghị naanị na olileanya jupụtarà ya n’obi — ọ nà-agbasakwa ya.

Ị̀ maarà onye nọ ná ndụ gị nke ọ dị ezigbote mkpa ịma Chineke? Gwa ha maka Bible App, ma rịọ Chineke ka O jupụta ha n’olileanya.

Share this post:

This post is also available in: English Afrikaans Indonesian German Spanish Filipino (Tagalog) French Italian Dutch Portuguese, Brazil Romanian Russian Japanese Chinese (Simplified) Chinese (Traditional) Korean Arabic Belarusian Bengali Bulgarian Danish Finnish Greek Hebrew Hindi Hungarian Malay Mongolian Nepali Norwegian Bokmål Persian Polish Portuguese, Portugal Slovak Swahili Swedish Tamil Telugu Thai Turkish Ukrainian Urdu Vietnamese Zulu Czech Khmer Malayalam Burmese Lithuanian Macedonian Burmese (Zawgyi) Serbian Armenian Icelandic Croatian Albanian Welsh Catalan Latvian Haitian Creole Shona Sorani Kurdish Xhosa Yoruba Serbian (Latin) Slovenian