Ìkìlọ̀ nípa àkóónú: ìtàn tí ó tẹ̀lé e ní àwọn kókó nípa ṣíṣe ara ẹni léṣe àti ìsoríkọ́ tí ó lè kó ìdààmú bá àwọn òǹkàwé kan.

Ní ìgbà tí Álísìì pé ọmọ ọdún mẹ́rìndínlógún, ó rí ara rẹ̀ nínú ìgbèkùn ìrora àti àdánù, ìsoríkọ́ àti ìdáwà sì borí rẹ̀.
Pẹ̀lú bí ipó àìnírètí rẹ̀ ṣe ń peléke sí i, ní alẹ́ ọjọ́ kan ó pinnu láti gba ẹ̀mí ara rẹ̀. Ìgbà náà ni ohun tí kò ṣeé ṣàlàyé ṣẹlẹ̀.
Ní etí ìlékè fèrèsé ilé alájà gíga gogoro tí ó ń gbé, ẹ̀fúùfù líle kan fẹ́ lójijì, ó sì mú u ṣubú sẹ́yìn wọ inú yàrá rẹ̀ dípò kí ó ṣubú síwájú.
Bí ó ṣe dùbúlẹ̀ lórí ilẹ̀, tí ẹnu yà á, tí ó sì ń sọkún, Álísìì gba àtẹ̀jíṣẹ́ kan láti ọ̀dọ̀ aládùúgbò rẹ̀ tí ó ń pè é sí ilé ìjọsìn. Ó gbà láti lọ, ibẹ̀ sì ni ó ti kọ́kọ́ ṣàwárí Ohun Èlò Bíbélì.

Ó bẹ̀rẹ̀ Ètò Bíbélì kan. Nípasẹ̀ rẹ̀, ó rí ìrètí, ó sì fi ayé rẹ̀ fún Jésù.
Lónìí, Álísìì ń ṣẹ̀dá, ó sì ń ṣe àtẹ̀jáde àwọn Ètò Bíbélì gẹ́gẹ́ bí alábàáṣiṣẹ́pọ̀ YouVersion nípasẹ̀ ohun èlò kan náà tí ó fi Jésù hàn án. Kì í ṣe pé ìrètí kún inú rẹ̀ nìkan—ó tún ń tan án kálẹ̀.
Ṣé o mọ ẹnìkan ní àyíká rẹ tí ó níílò Ọlọ́run gidigidi? Fi Ohun-èlò Bíbélì hàn án, kí o sì bèèrè pé kí Ọlọ́rùn fi ìrètí kún inú wọn.
Ìfìwéránṣẹ́ yí tún wà ní:
