Posted on 2024-05-01Amaplani Ebhayibheli – Meyi 2024 Ubuciko Bokunqoba izinsuku ezingu-7 Impilo igcwele izithiyo, ukulahlekelwa, ukudumazeka, nobuhlungu. “Ubuciko Bokunqoba” buzokusiza ukuthi ubhekane nokulahlekelwa, usizi, nokulimala. Kumayelana nokwenqaba ukuvumela izinto ezibukeka njengeziphetho zikuthene amandla noma zikuphazamise. Kunalokho, vumela uNkulunkulu aziguqule zibe yiziqalo. Lapho impilo idida futhi inzima, ungayeki. Bheka. Kungakhathaliseki ukuthi yisiphi isikhathi esinzima noma ukulahlekelwa okubuhlungu obhekene nakho, uNkulunkulu unawe. Akulungile izinsuku ezingu-28 Sizobheka izinto ezine ezicindezelayo ezinkulu sonke esibhekana nazo futhi sibone ukuthi amazwi kaNkulunkulu angasinikeza kanjani induduzo, isiqondiso, nosizo kukho ngakunye. Sizokhuluma ngalokho uJesu akunikeza kona lapho ungekho kahle, lokho uNkulunkulu afuna ukwazi lapho abantu bekwenqaba, ukuthi yini okufanele uyenze lapho kungelula ukwenza okulungile, futhi lapho sizizwa sikhathazekile, sizobona ukuthi yini Unkulunkulu okufanele ayisho. Indlela Yokufunda Ibhayibheli (Izisekelo) izinsuku ezingu 5 Kulula ukuzizwa ukhungathekile, ungahlomile kahle, futhi ulahlekile nje uma kuza eZwini likaNkulunkulu. Inhloso yami ukwenza lula uhlelo lweSifundo SeBhayibheli kuwe ngezindlela ezimbalwa ngokukufundisa izimiso ezintathu ezibaluleke kakhulu zeSifundo SeBhayibheli esiyimpumelelo. Joyina lolu hlelo futhi uthole ukuthi ungalifunda kanjani iBhayibheli hhayi nje ukuze uthole ulwazi, kodwa ukuze uthole ukuguqulwa kwempilo namuhla! 5 Imithandazo Yokuthobeka izinsuku ezingu 5 Udinga umusa, isihe, nesibusiso sikaNkulunkulu okwengeziwe? Khona ke khuleka lemithandazo emihlanu elula yokuthobeka, ucele iNkosi ukuthi ikwenzele umusa futhi ikusize. Uyakuwuphendula umkhuleko wakho; Abathobekileyo ubapha umusa! Futhi uma uzithoba phambi kukaJehova, uyokuphakamisa. Masifunde iBhayibheli ndawonye (uNhlaba) izinsuku ezingu 31 Ingxenye 5 yochungechunge oluna 12, loluhlelo lwenza imiphakathi ekufundweni kwe Bhayibheli kanyekanye izinsuku ezingu 365. Mema nabanye ukuba bakujoyine njalo uma uqala ingxenye njalo ngenyanga Loluchungechunge lusebenza kahle neBhayibheli elikhulumayo. Lalela imizuzu engaphansi kuka 20 ngosuku Ingxenye ngayinye inezincwadi zeThestamente elidala kanye nelisha, nezahluko zamaHubo ezindaweni ezahlukene. Ingxenye 5 iphethe incwadi yokuqala neyesibili KwabaseKorinte, uDuteronomi, kanye no Joshuwa
Posted on 2024-04-02Amaplani Ebhayibheli – Ephreli 2024 Ukuqonda Intando KaNkulunkulu izinsuku ezingu 3 Wake waba sendaweni lapho udidekile ngokuthi iyini intando kaNkulunkulu esimweni esithile? Lolu hlelo lwezinsuku ezingu-3 luhlola ukuthi singathola kanjani intando Yakhe – kokubili, intando Yakhe ejwayelekile, kanye nentando Yakhe eqondile ezimpilweni zethu. Indlela YoMbuso izinsuku ezingu 5 UNkulunkulu uvusa iBandla Lakhe, futhi sidinga ukubona isithombe esikhulu. Lapho izikhathi ziba nzima, sizolingeka ukuba siyeke. Nokho, akusona isikhathi sokuyeka. Hlanganyela nathi njengoba sifunda ukufunda izikhathi esikuzo, futhi sizuze namasu okuthi singama kanjani futhi siqhubekisele phambili uMbuso kaNkulunkulu. Umkhuleko WeNkosi izinsuku ezingu-8 Hlanganyela noJ.John esifundweni sezinsuku eziyisishiyagalombili soMkhuleko WeNkosi, leyo mfundiso ejule ngendlela emangalisayo newusizo eyanikezwa uJesu mayelana nendlela okufanele sikhuleke ngayo. Ungakhathezeki Ngalutho izinsuku ezingu 3 Ukukhathazeka kuyisela lesikhathi sethu, amandla, nokuthula. Pho kungani sikwenza? Kule nkonzo yezinsuku ezingu-3, sizobheka ukukhathazeka, kungani sikwenza, nokuthi singakunqanda kanjani. Masifunde iBhayibheli ndawonye (uMbasa) izinsuku ezingu 30 Ingxenye yesi-4 kuchungechunge lwezingu-12, loluhlelo luhola imiphakathi ekufundeni iBhayibheli lonke ndawonye ezinsukwini ezingu-365. Mema abanye ukuhlanganyela nawe ngaso sonke isikhathi uqala ingxenye entsha ngenyanga ngenyanga. Loluchungechunge lusebenza kahle ngeBhayibheli eliqoshwe ngomsindo – lalela imizuzu engaphansi kongu-20 ngosuku. Ingxenye ngayinye inezahluko zeTestamente eliDala neliSha, kuthi amaHubo achaphake kuzo zonke izingxenye. Ingxenye 4 iqukethe izincwadi ezingokukaMathewu, kanye nekaJobe.
Posted on 2024-03-01Amaplani Ebhayibheli – Mashi 2024 Indoda Ephakathi NEsiphambano: Uhlelo lokufunda iPhasika Lezinsuku Ezingu-7 izinsuku ezingu-7 Cishe wonke umuntu uyavuma ukuthi lo mhlaba uphukile. Kodwa kuthiwani uma kukhona isixazululo? Lolu hlelo lwezinsuku eziyisikhombisa lwePhasika luqala ngesipiliyoni esiyingqayizivele sesela esiphambanweni futhi lubheka ukuthi kungani okuwukuphela kwempendulo yangempela yokuphulwa kutholakala ekubulaweni komuntu ongenacala: uJesu, iNdodana kaNkulunkulu. Thula: Umhlahlandlela Olula Wezikhathi Zokuthula izinsuku ezingu 5 Thula. Kwabanye, la magama amabili alula ayisimemo esamukelekayo sokwehlisa ijubane. Kwabanye, ezwakala engenakwenzeka, engenakufinyelela ezweni lethu eliba nomsindo ngokukhulayo, noma kunzima kakhulu ukuwagcina. UBrian Heasley ukhombisa ukuthi akudingeki ukuthi sime ukuze izinhliziyo zethu zithule, nokuthi ngisho naphakathi kwempilo egcwele, ematasa, singasichitha kanjani isikhathi esinokuthula noNkulunkulu. Okokheliwe: Umhlahlandlela Olula Womthandazo Ogqamile izinsuku ezi-6 Umthandazo uyisipho, ithuba elimangalisayo lokuba nobudlelwano noBaba wethu oseZulwini. Kulolu hlelo lwezinsuku ezingu-6, sizothola lokho uJesu asifundisa kona ngomthandazo futhi siphefumulelwe ukuba sithandaze ngokungaphezi nangesibindi esikhulu. Vuselela Inhliziyo Yakho: Izinsuku ezingu-10 Ukulwa neSono izinsuku eziwu 10 AmaKristu amaningi akholelwa ukuthi ukuphela kwendlela yokulwa nesono ukugedla amazinyo futhi sinqobe isilingo. Kodwa awukwazi ukulwa nesono ngengqondo yakho; kufanele ulwe naso ngenhliziyo yakho. Ngokusekelwe encwadini ethi Vuselela Inhliziyo Yakho, lokhu kubuka kwezinsuku eziyishumi kwamanye amavesi abaluleke kakhulu ngenhliziyo yakho kuzokusiza uthole ukuthi ungalwa kanjani nesono ngokuvumela iVangeli ukuthi livuselele inhliziyo yakho kabusha. Masifunde iBhayibheli ndawonye (Ndasa) izinsuku ezingu 31 Ingxenye yesi-3 kuchungechunge lwezingu-12, loluhlelo luhola imiphakathi ekufundeni iBhayibheli lonke ndawonye ezinsukwini ezingu-365. Mema abanye ukuhlanganyela nawe ngaso sonke isikhathi uqala ingxenye entsha ngenyanga. Loluchunechunge lusebenza kahle ngeBhayibheli eliqoshwe ngomsindo – lalela imizuzu engaphansi kongu-20 ngosuku! ingxenye ngayinye inezahluko zeTestamente eliDala neliSha, kuthi amaHubo achaphake kuzo zonke izingxenye. Ingxenye 3 iqukethe izincwadi ezinguNumeri, iZaga, kwabaseRoma, kanye nakumaHeberu.
Posted on 2024-02-02Amaplani Ebhayibheli – Februwari 2024 U-Ruthe: Indaba Yothando LukaNkulunkulu Oluhlengayo izinsuku ezingu-7 Mhlawumbe enye yezindaba ezimfushane ezihlaba umxhwele kunazo zonke ezake zaba khona, incwadi kaRuthe ilandisa ngothando lukaNkulunkulu oluhlengayo. Incwadi kaRuthe iyindaba emnandi yokuthi uNkulunkulu usebenzisa kanjani izimpilo zabantu abajwayelekile ukwenza intando Yakhe yobukhosi. Ngemifanekiso emihle yothando lukaKristu kanye nomhlatshelo wabantu Bakhe, sikhonjiswa ibanga uNkulunkulu ahamba ngabo ukuze ahlenge abantwana Bakhe. Usuku lwe-Valentine izinsuku ezingu 3 Usuku lwe-Valentine kungaba isikhathi esinzima kwabanye bethu. Singase sibe sesigabeni sempilo lapho singekho ebudlelwaneni, futhi sifuna ukuba khona, okungase kuphakamise imizwa ethile engakhululekile. Ezinsukwini ezintathu ezizayo kungakhathaliseki ukuthi bunjani ubuhlobo bakho, sivumele ukuba sikhuthaze inhliziyo yakho ngothando lukaNkulunkulu OLUHLE, OLUNGANEMIBANDELA, OLUTHULISAYO. Masifunde iBhayibheli ndawonye (uNhlolanja) izinsuku ezingu-28 Ingxenye yesi-1 kuchungechunge lwezingu-12, loluhlelo luhola imiphakathi ekufundeni iBhayibheli lonke ndawonye ezinsukwini ezingu-365. Mema abanye ukuze bahlanganyele ngaso sonke isikhathi uma uqala ingxenye entsha ngenyanga. Lochungechunge lusebenza kahle ngeBhayibheli eliqoshwe ngomsindo – lalela imizuzu engaphansi kongu-20 ngosuku! Ingxenye nengxenye inezahluko zeTestamente eliDala neliSha, bese AmaHubo ahlakazeka yonke indawo. Ingxenye yesi-2 iqukethe izincwadi ezinguGenesise, u-Eksodusi, uLevitikusi, kanye kwabaseGalathiya.
Posted on 2024-01-02Amaplani Ebhayibheli – Januwari 2024 Ukuphila Kushintshiwe: Ngonyaka Omusha izinsuku eziwu 4 NgoNyaka Omusha ngamunye kuza ithuba elisha lesiqalo esisha. Ungavumeli lokhu kube ngomunye unyaka oqala ngezinqumo ongeke uzigcine. Lolu hlelo lwezinsuku ezi-4 luzokuqondisa ekucabangeni kwakho futhi lunikeze umbono omusha ukuze wenze lo nyaka wakho ube ongcono kakhulu. Unyaka omusha, UNkulunkulu Osenguye izinsuku eziwu 4 Unyaka omusha usufikile futhi ngawo, izinjongo ezintsha nezinqumo esifuna ukuzifeza. Konke sekushintshile emhlabeni; nokho, sinoNkulunkulu ofanayo onamandla onke okwazi ukusinika unyaka obusisekile. Hlanganyela nami kulezi zinsuku ezingu-4 ezizosisiza ukuthi siqale unyaka ngokunenhloso. Unyaka omusha: Isiqalo Esisha izinsuku ezingu 5 Unyaka omusha ulingana nesiqalo esisha nesiqalo esihle. Yisikhathi sokusetha kabusha, ukuvuselela, nokugxila kabusha kulokho okubaluleke kakhulu empilweni yakho. Ukuba nonyaka omuhle kakhulu kungukuqala ngokwazi ukuthi wenziwe musha ngoJesu. Phila kabusha onyakeni omusha! Unyaka wakho Wokuphumelela: Izinsuku ezingu-5 Zokukhuthazwa ukuze Uqale Unyaka Wakho Omusha izinsuku ezingu 5 Unyaka omusha ungaba unyaka wakho wempumelelo. Ukuphumelela kwakho kuvuliwe ngakolunye uhlangothi lwesithiyo obhekane naso ngonyaka owedlule. Lona kungaba unyaka ekugcineni ozothola impumelelo edingekayo empilweni yakho. Uhlelo luzokwabelana ngesikhuthazo nogqozi oludingayo ukuze ube nonyaka wakho omuhle ongakaze ube nawo. Masifunde iBhayibheli ndawonye (uMasingana) izinsuku ezingu 31 Ingxenye yesi-1 kuchungechunge lwezingu-12, loluhlelo luhola imiphakathi ekufundeni iBhayibheli ndawonye ezinsukwini ezingu-365. Mema abanye ukuzohlanganyela nawe uma uqala ingxenye entsha njalo ngenyanga. Loluchungechunge lusebenza kahle neBhayibheli eliqoshwe ngomsindo – lalela imizuzu engaphansi kongu-20 ngosuku! Ingxenye ngayinye inezahluko zeTestamente eliDala neliSha, kuthi amaHubo achaphake kuzo zonke izingxenye. Ingxenye 1 iqukethe izincwadi ezingokukaLuka, iZenzo, uDaniyeli, kanye noGenesise.
