Hoe sal dit vir ons wees om God se koninkryk te sien en hoe sy wil op aarde geskied?
Ons wil sien dat mense uit elke stam, taal, volk en nasie daagliks nader aan God kom. Alles wat ons by YouVersion skep, ontwerp ons om dit te laat gebeur.
Dit werk: oor die afgelope paar maande het ons gesien hoe God meer mense na Hom toe trek om met Hom deur sy Woord kontak te maak. Ons het gesien hoe mense na liefde, vrede en geregtigheid in die Bybel soek, dit wat hulle gevind het met ander deel, deur middel van 40 miljoen verse elke maand. Ons het gesien hoe meer gesinne as ooit tevore die Bybelse waarhede in die Bybel App vir Kinders verken. Ons het ook gesien hoe miljoene gebede bygevoeg is sedert YouVersion Gebed vroeër vanjaar bekend gestel is.
Baie dankie aan al ons vrygewige vennote en ondersteuners. Julle maak dit vir ons moontlik om daagliks Christus se hoop en genesing aan ‘n wêreld in pyn te weerspieël. Julle maak dit vir mense soos Gulshan moontlik om hoop in God se Woord te vind:
Gulshan S. – Mumbai, Indië
“YouVersion was soos ‘n oase in die woestyn. YouVersion het my geestelike lewe verryk met daaglikse verse en leesplanne propvol Goddelike oplossings. YouVersion het my geleer hoe om te bid en probleme te hanteer en help my nog steeds daarmee.”
Ons kan nie wag om te sien wat Hy volgende gaan doen nie.
Terwyl daar regoor die wêreld mense na hoop en rigting soek, mag dit een van die grootste geleenthede wees — nie net om die wêreld vandag te verander nie, maar om ‘n verskil in die ewigheid te maak. Bid dus asseblief saam met ons en sluit by ons aan om mense regoor die wêreld te help om ‘n geestelik-verrykte roetine te ontwikkel deur elke liewe dag intiem na God te soek.
Deel op Facebook
Deel op Twitter
Deel per e-pos
