Posted on

⏰ Hindi pa huli ang lahat…

Gitnang-Taong Hamon

Hamunin ang iyong sarili na maging malapit kay Cristo.

Nais ng Diyos na baguhin tayo araw-araw at bigyan ng bagong buhay ang ating mga nakagawiang gawain, relasyon, at ang paraan ng ating pagsasalita at pag-iisip.

Ito ang dahilan kung bakit ginagawa natin ang Gitnang-Taong Hamon: ito ay isang pagkakataon na makipagtulungan sa Diyos upang itaguyod ang patuloy na panibagong-sigla.

Hindi pa huli ang lahat upang simulan ang Hamon! Upang makuha ang Badge, kumpletuhin ang hindi bababa sa isang araw ng isang Plano sa loob ng 7 araw na magkakasunod sa Hulyo.

Pumili ng Gabay upang magsimula ngayon:

Tumingin ng iba pang mga Gabay

Share this post:
Posted on

Simulan ang Gitnang-Taong Hamon!

Gitnang-Taong Hamon

Ngunit muling lumalakas at sumisigla ang nagtitiwala kay Yahweh. Lilipad silang tulad ng mga agila. Sila’y tatakbo ngunit hindi mapapagod, sila’y lalakad ngunit hindi manghihina.

ISAIAS 40:31

Sandaling pagbulayan ang mga nakaraang buwan. Anong natutunan mo? Anong napagtagumpayan mo? Paano ka naging mas malapit kay Cristo?

Sa sandaling ito, anuman ang mga nangyari noong mga nakalipas na buwan, may pagkakataon tayong hayaan ang Diyos na baguhin ang ating mga isip at kaluluwa.

At isa sa mga pinakamainam na paraan upang makipagtuwang sa Diyos habang kumikilos Siya sa ating mga buhay ay ang magkaroon ng mga bagong hamon. Kaya sa buwang ito, magkasama nating itaguyod si Cristo sa pamamagitan ng pakikilahok sa Gitnang-Taong Hamon.

Paano Simulan ang Gitnang-Taong Hamon:

Makakamit ang 2021 Gitnang-Taong Hamon Badge sa pamamagitan ng pagkumpleto ng kahit isang araw ng isang Gabay sa 7 sunod-sunod na araw sa buwan ng Hulyo.

Gitnang-Taong Hamon Badge

Upang masulit ang iyong Hamon, mag-imbita ng ilang mga pinagkakatiwalaang kaibigan na sumali sa iyo. At, siguraduhing walang makakaligtaang araw sa pamamagitan ng paggawa ng pang-araw-araw na paalala sa iyong mga setting ng Gabay.

Handa ka na bang magsimula? Pumili na ng iyong Gabay ngayon:

Tumingin ng iba pang mga Gabay

FacebookIbahagi sa Facebook

TwitterIbahagi sa Twitter

EmailIbahagi sa pamamagitan ng Email

Share this post:
Posted on

Saan ka dinadala ng iyong mga saloobin?

Huwag kayong makiayon sa takbo ng mundong ito. Mag-iba kayo sa pamamagitan ng pagbabago ng inyong pag-iisip upang maunawaan ninyo ang kalooban ng Diyos; kung ano ang mabuti, kalugud-lugod at ganap na kalooban niya.

MGA TAGA-ROMA 12:2

Isang Panalangin upang Baguhin ang Iyong Isipan

Diyos Ama, minsan kapag tinitingnan ko ang mundo sa paligid ko, ako ay nababalot ng pagkabalisa, at nagsisimulang umikot ang aking mga iniisip. O Diyos, tulungan Ninyo ako. Kailangan ko na baguhin Ninyo ang aking isipan.

Ang Inyong kaisipa’y hindi namin kaisipan, at ang Inyong kaparaanan ay mas mabuti kaysa sa akin. Nagbibigay Kayo ng pag-asa sa mga walang pag-asa at kalakasan sa nanghihina. Kayo po lamang ang may kakayanang baguhin ang aking isipan at paalalahanan ako ng aking layunin sa buhay.

Kaya ngayon, tulungan Ninyo akong gapiin ang bawat isipan habang ibinibigay sa Inyo ang aking mga alalahanin. Ipaalala Ninyo sa akin na kasama ko Kayo, at magpapatuloy Kayo sa pagtuturo at pagpapatnubay sa akin.

Payuhan Ninyo ako habang ako’y nagbubulay sa Inyong Banal na Salita, at tulungan po Ninyo akong ipamuhay ang Inyong mga katotohanan. Bigyan po Ninyo ako ng kalakasan na aking kailangan upang gawin kung ano ang tama, at tulungan Ninyo po akong unahin Kayo higit pa sa lahat—palagi.

Sa ngalan ni Jesus, Amen.

I-save ang Panalangin

Share this post:
Posted on

Salamat sa Diyos para sa mga Makadiyos na Lalaki

Ama at Anak

Sa mga tatay na nagmalasakit sa mga oras ng paghihirap, at pumalakpak sa amin sa masasayang panahon…

Sa mga kalalakihang nagpakita sa amin kung ano ang ibig sabihin ng pagsusumikap at laging nariyan…

Sa mga modelong ama na nagbigay sa amin ng mga napapanahong payo at praktikal na pagtulong…

Sa mga lalaking patuloy na sumusuporta, nagpapasigla, at nagbibigay ng inspirasyon sa amin…

Salamat sa pagpapakita sa amin kung paano ang isang maka-diyos na ama. Nakikita ka. Tinawag ka. Pinahahalagahan ka. Minamahal ka.

Nawa ang natatanging Bersikulong Larawang ito ay magbigay ng lakas ng loob sa iyo:

Mga Kawikaan 20:7 Bersikulong Larawan

Ngayon—kung ikaw man ay ama o ina, tagapagturo, o mag-aaral—isipin ang mga modelong tatay na nagkaroon ng mabuting epekto sa buhay mo. Ipaalam sa kanila na pinahahalagahan mo sila sa pamamagitan ng pagbabahagi ng Bersikulong Larawan na ito. Saglit na panahon lang ang kailangan mo upang magpakita ng paggalang at pasasalamat sa isang tao.

Ibahagi ang Bersikulong Larawan

Share this post:
Posted on

Nais mo bang bumago ng buhay? Mamuhay nang bukas-palad.

Mag-asawang nakatingin sa telepono

Sapagkat kung saan naroroon ang iyong kayamanan, naroroon din ang iyong puso.

MATEO 6:21

Kung titingnan mo kung saan mo ginugugol ang iyong oras at mga pag-aaring yaman, ano ang ihahayag ng mga ito na iyong pinahahalagahan?

Dito sa YouVersion, ang aming misyon ay tulungan ang ating Komunidad na maranasan ang pagiging malapit sa Diyos araw-araw. Nais naming makita ang mga tao mula sa bawat bansa at wika na lumalapit araw-araw sa Diyos. Iyon ang isa sa mga dahilan kung bakit nagbabahagi kami ng mga panalangin, mga aral sa video, at mga Bersikulong Larawan: upang maranasan ng mga tao sa buong mundo ang pag-ibig at katotohanan ng Diyos sa mga bago at personal na pamamaraan.

Hindi namin nais na may anumang pumigil sa mga katulad mo upang personal na makilala ang Diyos, na isa sa mga dahilan kung bakit ang YouVersion ay walang bayad sa tuwina.

Hangad namin na maranasan mo ang pag-ibig ng Diyos, baguhin nito ang iyong pinahahalagahan, at magbigay inspirasyon sa iyo upang mabuhay din na bukas-palad.

Kapag ibinabahagi mo kung ano ang binigay sa iyo ng Diyos, nagiging huwaran ka ng pag-ibig ng Diyos sa isang sirang mundo. Pinapalalim nito ang iyong malapit na ugnayan sa Diyos, at lumilikha din ito ng mga pagkakataon para sa ibang tao na lumapit sa Kanya.

Isipin mo lamang—ang iyong pagiging bukas-palad ay maaaring makaapekto sa buhay sa kawalang- hanggan ng isang tao.

Ang isang paraan upang malinang ang isang buhay na mapagbigay ay sa pamamagitan ng pagsuporta sa pananalapi sa ministeryo ng YouVersion. At kapag ginawa mo ito, nakikilahok ka sa isang bagay na may pangmatagalang halaga: ang pagtulong sa mga tao sa buong mundo na maranasan ang bukas-palad na pag-ibig ng Diyos.

Ngayon, pag-isipang hilingin sa Diyos na ipakita sa iyo kung paano Niya nais na gamitin mo ang mga pag-aaring yamang ibinigay Niya sa iyo, at pagkatapos ay tunghayan Siyang matapat na paramihin ang iyong mga kaloob upang mapagpala ang iba.

Magbigay Ngayon

Nakapagbigay na sa YouVersion?
Pag-isipan ang pag-set up ng isang umuulit na kaloob.

FacebookIbahagi sa Facebook

TwitterIbahagi sa Twitter

EmailIbahagi sa pamamagitan ng Email

Share this post: