Ibahagi ang pag-ibig ngayon ❤️

Ano bang hitsura ng pag-ibig?

Maglaan ng isang minuto upang huminto nang sandali at pag-isipan kung anong mga salita ang iyong sinabi (o isinulat) nitong nakaraang linggo. Masasabi mo bang kilala ka sa kung paano kang magmahal sa iba?

Ito ang pag-ibig—hindi sa inibig natin ang Diyos, kundi tayo ang inibig niya at isinugo niya ang kanyang Anak upang maging handog para mapatawad ang ating mga kasalanan.

1 Juan 4:10

Bilang mga taga-sunod ni Cristo, tayo ay may natatanging pagkakataon upang magdala ng pag-asa kung saan may kaguluhan, at magpalaganap ng pag-ibig kung saan may pagkamuhi.

Mga minamahal, dahil ganoon kadakila ang pag-ibig ng Diyos sa atin, dapat din tayong magmahalan.

1 Juan 4:11

Sa sandaling ito, pagnilayan ang walang pasubaling pag-ibig ng Diyos para sa iyo, at pagkatapos ay ibahagi ang Bersikulong Larawang ito. Sa araw na ito, punuin natin ang internet ng mga paalala tungkol sa pag-ibig ng Diyos.

Ibahagi ang Pag-ibig

Share this post:

2020-10-312020-10-28

Gawing mahalaga ang sandaling ito.

Anino ng tao na nakatingin sa paglubog ng araw sa ibabaw ng tubig

May plano para sa iyong kinabukasan.

Kapag nagbalik-tanaw ka sa 2020, marahil ay maraming mga bagay ang babaguhin mo rito.

Maaaring ang taong ito ay naging malungkot at walang katiyakan. Marahil ay napuno ito ng mga bagbag na puso at sirang pangarap. Marahil ay iniwan ka ng taong itong naghahangad ng mas mahusay na mga bagay…

Ngunit kapag iniwan mo ang 2020, anong kontribusyon ang iyong iiwan?

Sapagkat tunay na may kinabukasan, at ang iyong pag-asa ay hindi mapaparam.

MGA KAWIKAAN 23:18

Gumugol ng ilang panahon sa pagtatanong sa Diyos kung ano ang nais Niyang magawa sa pamamagitan mo bago magtapos ang taong ito. Pagkatapos, subukan ang isa sa mga Gabay na ito at anyayahan ang ilang mga kaibigan na kumpletuhin itong kasama ka.

Usapang Pampamilya

GNPI, 5 Araw

Sirang Plaka

Grace School of Theology, 3 Araw

Araw-Araw na Debosyonal ng Pasasalamat ni Paul Tripp

Paul Tripp, 12 Araw

Magmahal Tulad ni Jesus

Life.Church, 13 Araw

Bagong Araw, Bagong Ikaw

Joyce Meyer, 14 Araw

Maghanap ng Marami pang mga Gabay

Share this post:

2020-10-262020-10-22

Nabibigatan ka na ba? Tandaan mo ito…

Ngunit nang mapansin niya na malakas ang hangin, siya’y natakot at nagsimulang lumubog. “Panginoon, sagipin ninyo ako!” sigaw niya.

Mateo 14:30

Anino ng isang tao

Hindi ka nag-iisa.

Bumaba si Pedro sa bangka at naglakad sa tubig patungo kay Jesus. Di naglaon, ang unos ay lumakas at, nadaig ng sitwasyong hindi niya kontrolado, si Pedro ay nagsimulang lumubog.

Agad-agad, iniligtas ni Jesus si Pedro. Ngunit nagtanong Siya:

“Kay liit ng pananampalataya mo, bakit ka nag-alinlangan?”

Kapag ang mga unos sa buhay ay nangyayari, madaling gayahin ang ginawa ni Pedro. Maaaring masyado tayong tumuon sa mga problema sa paligid natin na hindi natin nakikita ang ating Tagapagligtas na nakatayo sa tabi natin.

Ngunit kahit tila wala nang pag-asa, si Jesus ay malapit lang. Ang Kanyang patuloy na presensya ang ating katiyakang sa mga unos ng buhay, ang Diyos ay, at sa tuwina ay, may kapamahalaan.

Anumang pinagdaraanan mo sa ngayon, mahikayat ka rito: si Jesus ang iyong angkla, kaya Niyang gawin ang imposible, at hindi ka Niya pababayaang malunod. Panghawakan ang pag-asa sa pamamagitan ng pagtutuon ng iyong mga mata sa Kanya.

Sa araw na ito, palaganapin ang pag-asa ng Diyos sa pamamagitan ng pagbabahagi ng Bersikulong Larawan na ito:

Ibahagi ang Bersikulong Larawan na ito

Share this post:

2020-10-192020-10-16

Ngayon, sama-sama tayong manalangin para sa bawat isa

Mga puno sa harap ng mga bundok

“Tibayan ninyo ang inyong loob! Napagtagumpayan ko na ang sanlibutan.”

Pagkasabi ni Jesus ng mga pananalitang ito, ipinanalangin Niya ang Simbahan sa hinaharap upang ito’y “magkaisa,” kung paanong Siya at ang Ama ay iisa, upang ang mundo ay makilala Siya.

Ano ang pagkakaisa?

Ang pagkakaisa ay ang pagkakasama-sama para sa isang layunin at naisin, at napapaloob dito ang pakikipagpalit ng ating kalooban sa kalooban ni Cristo. Bagama’t mahirap ang pagkakaisa, naniniwala si Jesus na ito ay kailangan upang ang mundo ay makilala Siya.

Kapag nililinang natin ang pagkakaisa sa katawan ni Cristo, kinikilala nating si Jesus ang may kontrol at ang Kanyang biyaya ay sapat upang matakpan ang ating pagkakaiba-iba.

Sa araw na ito, hanapin natin ang puso ng Diyos at hilingin sa Kanyang pag-isahin Niya ang Kanyang Iglesia, upang ang mundo ay maniwala sa Nag-iisang ipinadala ng Diyos upang magkaisa tayo.

Jesus,

Salamat dahil napagtagumpayan mo na ang mundo. Dahil dito, maaari na naming maranasan ang pagkakaisang kasama Ka. At dahil maaari kaming maging kaisa sa Iyo, maaari naming maranasan ang pagkakaisa sa ibang tao.

Dahil sa Iyo ang lahat ay nasa kaayusan. Habang hinahangad naming maisentro ang buhay namin sa Iyo, tulungan Mo kaming makita ang lahat ng pamamaraan kung saan Ikaw ay gumagawa sa mundo.

Ilapit Mo kami sa Iyong puso upang makita namin ang isa’t-isa kung paano Mo kami nakikita. Mahihikayat kami nitong bantayan hindi lamang ang sarili naming kapakanan, kundi ang kapakanan ng iba.

Nais naming ang kaharian Mo ay dumating dito sa lupa tulad ng sa langit, kaya pag-isahin Mo kami sa layunin upang walang makahadlang sa mga taong naghahanap sa Iyo na maniwala sa Iyo. Nawa ay maranasan namin ang lubos na pagkakaisa upang malaman ng mundo na sinugo Mo kami at minamahal Mo sila nang walang pasubali.

Halika, Panginoong Jesus, at gawin Mo sa buhay namin ang bagay na tanging Ikaw lang ang makagagawa.

Sa pangalan ni Jesus, Amen.

IDAGDAG SA LISTAHAN NG PANALANGIN

Share this post:

2020-10-052020-10-02

Anong hitsura ng normal sa iyo?

Taong tinatanaw ang bundok

Tanggapin ang mas mabuting normal.

Minsan, ang pagbabago ay hindi komportable. Minsan, ang isang “bagong normal” ay parang hindi normal.

Kaya paano nating matatanggap nang may kagalakan kung ano ang ginagawa ng Diyos kung hindi natin nakikita lahat ng mga detalye? Paano natin haharapin ang bawat araw nang may tapang at kabutihan kung parang hindi na natin kaya ang mga nangyayari sa paligid natin?

Ngayong buwan, tuklasin natin kung paano lumikha ng isang mas mabuting normal sa pamamagitan ng masikap na paghangad ng mga katotohanang nasa Salita ng Diyos.