Seeking God every day.
News in Filipino (Tagalog)
Anuman ang naganap sa iyong taong hanggang sa kasalukuyan, naniniwala kaming may gustong gawing bago ang Diyos. At dahil patuloy ang pagkilos ng Diyos sa iyong buhay, mahaharap mo ang kahit anong panahon nang may buong katiyakan na lulubusin ng Diyos ang pinasimulan Niya sa iyo.
Panandaliang tumigil upang ipagdiwang ang nagawa ng Diyos sa pamamagitan ng pagbahagi ng isang Bersikulong Larawan na tumatak sa iyo sa iyong mga kaibigan at pamilya.
Alalahanin mo lahat ng ama-amahan na nangusap sa iyong buhay. Nagbahagi ng ilang napapanahong karunungan. Nanghikayat sa iyo. Prinotektahan ka mula sa kapahamakan. Iningatan ang iyong kapakanan. Nandiyan kapag kailangan mo sila.
Ngayon araw, bakit hindi mo ipaalam sa mga espesyal na lalaki sa iyong buhay kung gaano sila kahalaga sa iyo? Kailangan lang ng isang sandali upang bigyan sila ng karangalan at pasasalamat. Ibahagi itong nakapanghihikayat na Bersikulong Larawan mula sa iyong Bible App. (Ang isang text o tawag sa telepono ay mabuti rin.)
Paggaling? Kapayapaan? Proteksyon? Isang pambihirang tagumpay? Nagdarasal ka ba para sa iyong sarili? O para sa isang taong pinahahalagahan mo? Anuman ang iyong ipinagdarasal, pag-isipang mag-imbita ng isang taong iyong pinagkakatiwalaan upang manalangin kasama ka.
Umaasa kaming natuklasan mo na na ang bagong tampok na Panalangin ng YouVersion ay isang magandang paraan upang masubaybayan ang lahat ng iyong ipinapanalangin. Ang Panalangin rin ng YouVersion ay hinahayaan kang isali ang iyong mga kaibigan sa iyong mga pakikipag-usap sa Diyos. Kapag nagdagdag ka ng Panalangin, ang kailangan mo lamang gagawin upang mag-imbita ng iba na magdasal ay pinduitin ang Ibahagi sa mga Kaibigan.
Ang isang Prayer Chain ay nagpapahintulot sa iyong mga Kaibigan sa Bible App na ibahagi ang iyong Panalangin sa kani-kanilang mga Kaibigan, at iba pa.
|
Lumikha ng Prayer Chain Pahintulutan ang iyong Mga Kaibigan at Mga Kaibigan ng Mga Kaibigan na ibahagi ang Panalanging ito |
|
|
Maaaring maging mahirap ang pagtataguyod ng isang pamilya. Lahat tayo ay nagnanais na makapagbigay nang higit sa mayroon tayo—kaligtasan at kapanatagan, mga magagandang karanasan, at mga pagkakataon upang lumago. Paano nga ba natin espirituwal na pamumunuan ang ating mga anak, patungo sa paglikha ng isang mas maayos na mundo?
Sa kabutihang palad, hindi natin ito kailangang pag-isipan nang mag-isa. Marami ang nauna sa atin, na nagdokumento ng kanilang mga karanasan sa mga bagay-bagay na nakatulong sa kanila. Ang mga Gabay sa Biblia ay makatutulong sa iyo sa iba’t-ibang yugto sa iyong paglalakbay:
400 taon. Iyon ang haba ng taon ng paghihintay ng mga Israelita upang iligtas sila ng Diyos mula sa pagkaalipin. Ngunit pagkatapos nilang umalis sa Egipto, hindi sila direktang dinala ng Diyos sa kanilang lupang pinangako.
Sa halip, nagkampo sila sa ibaba ng isang bundok habang binibigyan ng tagubilin ng Diyos si Moises. Sa panahong iyon, ang Bundok ng Sinai ay nalukuban ng kaluwalhatian ni Yahweh.
Ngunit pagkaraan ng 40 araw, ang mga Israelita ay nainip sa pagkaantala…kaya itinakwil nila ang Diyos at ginawa nila ang anumang nakalulugod sa kanila.
Kung naranasan mo nang madismaya sa isang walang katiyakang panahon na mas tumatagal kaysa sa iyong inaasahan, hindi ka nag-iisa.
Ang paghihintay ay maaaring humantong sa pagkabigo at pagkadismaya. Sa mga sandaling iyon, maaari tayong maging mas nakatuon sa ating mga kalagayan na nakakalimutan nating ang Diyos ang may kontrol pa rin. Kung ang Diyos ang may kontrol, maaari nating matanong, kung gayon ay nasaan Siya? Bakit walang nagbabago?
Nang maantala ang mga plano ng mga Israelita, agaran silang nagkasiyahan sapagkat iyon ang talagang pinapahalagahan nila.
Kapag nahahanap mo ang iyong sarili na hindi nasisiyahan sa iyong sitwasyon, ano ang pinagbabalingan mo? Ang pinagtutuunan mo ng pansin ay nagpapakita kung ano ang iyong pinahahalagahan, at kung ano ang iyong pinahahalagahan ay tumutukoy kung ano ang iyong sinasamba.
Hindi ipinagkait ng Diyos ang Kanyang pangako mula sa mga Israelita –Sila ay inihahanda Niya para rito.
Ang timeline ng Diyos ay naiiba kaysa sa atin, ngunit ang iyong paghihintay ay maaaring naghahanda sa iyo para sa mga plano at layunin na mayroon ang Diyos para sa iyo.
Ang katapatan ng Diyos ay hindi nagbabago. Ang Diyos na matiyagang nangalaga at nagbigay para sa mga Israelita ay napagtagumpayan rin ang kamatayan upang ikaw ay makaranas ng buhay na walang hanggan.
Kung nakikita mo ang iyong sarili na napapagod sa paghihintay, tumingala ka at magnilay. Maghanap ng katibayan ng presensiya ng Diyos, at alalahanin mo ang nagawa Niya para sa iyo. Ito ay makakatulong sa iyo na magkaroon ng pag-asa.
Ang pag-asa sa Diyos ay hindi sayang dahil ang Siyang nakagapi sa kamatayan ang Siyang may kontrol pa rin, at Siya ay palaging kumikilos sa iyong paghihintay.
Ibahagi sa Facebook
Ibahagi sa Twitter
Ibahagi sa pamamagitan ng Email