Moedig die vroue in jou lewe aan…

Herinner iemand dat sy bewonder word.

Wil jy nie vandag… hierdie woorde met iemand deel wat jou hart aangeraak het nie?

Jou vriendin, wat altyd goeie raad het…

Jou buurvrou, wat haar kinders goed grootmaak…

Daardie meisie saam met wie jy werk, wat jou altyd die waarheid sal vertel, al is dit moeilik…

Jou suster, wie jou beter ken as enigiemand – en jou nog steeds liefhet…

Jou ma, wat altyd ‘n deel van jou sal wees…

Jou dogter, wat jou inspireer om ‘n ouer te word wat haar waardig is…

Jou vrou, want jy kan nooit te veel sê: “Ek is lief vir jou” nie…

Deel die Versbeeld

2020-03-042020-03-02

Probeer om dit vir die Eerste Vyf Minute van Elke Dag te Doen

Vers-van-die-dag ikoon

Wat is die eerste ding wat jy doen as jy soggens wakker word? Gryp jou selfoon en blaai deur Instagram? Gaan jou boodskappe en e-posse na? Lees die nuus?

Daardie eerste vyf minute kan die stemming vir die res van jou dag bepaal. Hoe laat jou keuses jou gedurende hierdie tyd voel? Gespanne? Angstig? Asof jy agter raak nog voor jy uit die bed opgestaan het?

Gestel jy nooi God uit om eerste in jou dag te praat? Môre, voordat jy iets anders doen:

1. Bid ‘n eenvoudige gebed.

Dalk so iets:

Hemelse Vader, voorsien asseblief vandag in my gesin se behoeftes. Maar gee asseblief vir my meer as kos, Here — praat asseblief met my deur u Woord. Help my om u stem te hoor. Amen.

2. Lees of luister na die Vers-van-die-dag en let op na enigiets wat jou tref.

Ons sal hierdie vers as voorbeeld gebruik:

Geliefdes, ons moet mekaar liefhê, want liefde kom van God, en elkeen wat liefhet, is ‘n kind van God en ken God.

1 JOHANNES 4:7

Voorbeelde van notas wat jy kan maak:

– Wie is “mekaar”?

– Liefde kom van God af

– Ek moet “God ken” om waarlik lief te hê

3. Dink na oor hoe jy dit kan toepas wat God vir jou wys.

Hier is ‘n paar idees vir ons voorbeeldvers:

– Vandag moet ek ‘n vriend aanmoedig

– Kan ek by ‘n kerkgroep aansluit en by ander volgelinge van Jesus inskakel?

– Kan ek ‘n maaltyd vir iemand voorsien wat deur ‘n moeilike tyd gaan?

4. Bid weer ter afsluiting.

Vra God hierdie keer om jou te help met alles wat Hy vandag aan jou gewys het. Byvoorbeeld:

Vader, dankie vir u volmaakte liefde. Wys my asseblief hoe ek U beter kan leer ken. Help my om mense lief te hê soos U dit doen. Wys my asseblief wat U wil hê ek volgende moet doen. Dankie, Here. Amen.

Dis dit! Jy kan elke dag dieselfde tegniek gebruik—met enige Skrifgedeelte. Of, selfs nog beter, teken in op Vers-van-die-dag, sodat die Bybel Toep jou elke dag kan herinner om God en sy stem eerste te stel.

Teken in vir die Vers-van-die-dag

Bekendstelling… YouVersion Gebed

Openhartige gesprekke met God,
in ‘n gemeenskap.

YouVersion Gebedsopdatering

Maak Gebed ‘n deel van jou daaglikse lewe.

Gebedslys op die Tuisblad

Hou rekord waarvoor jy bid – Gebede wat jy skep en wat vriende vir jou stuur.

Vra vriende om vir jou te bid. Jy kan ‘n gebed privaat hou, dan sien net die mense wie jy uitgenooi het die gebed. Jy kan ook ‘n gebedsketting skep waar jou vriende en vriende se vriende jou gebed kan deel.

Opdateer Gebede

Jy kan jou gebede opdateer, as beantwoord merk en selfs in die argief plaas (jy behou hulle, maar hulle verskyn nie op jou gebedslys nie).

Bid Bybelverse

Wanneer Bybelverse tot jou spreek, kan jy dit in jou gebedslys stoor as ‘n gebed.

YouVersion Gebed

Openhartige gesprekke met God,
in ‘n gemeenskap.

YouVersion Gebedsopdatering

Bid gedurig. Wees in alle omstandighede dankbaar, want dit is wat God in Christus Jesus van julle verwag.

1 Tessalonisense 5: 17-18

Die 21-Dae Uitdaging se resultate is HIER!

Man wat op 'n rots staan - 21-Dae Uitdaging

Gedurende Februarie het julle, die wêreldwye YouVersion Gemeenskap, bymekaargekom en meer as 120 miljoen Leesplandae voltooi, wat ‘n nuwe rekord is!

Julle inspireer ons.

Aan elkeen wat aan die 21-Dae Uitdaging deelgeneem het: Baie dankie. Julle toewyding om God en gemeenskap te soek, is die rede waarom hierdie uitdaging ‘n sukses was.

Behou nou net… jou momentum.

Elke Leesplandag wat jy vir die 21-Dae Uitdaging voltooi het, help om jou Bybellees gewoonte te vestig. Een manier om jou momentum te behou, is om jou aaneenlopende weke te vermeerder. Hou net aan om Leesplanne te lees, een week na die ander.

En met duisende leesplanne om van te kies, is jy net ‘n paar klikke van jou volgende gunsteling af:

Vind Jou Volgende Leesplan

Het jy die 21-Dae Uitdaging voltooi? Mooi so!

Gaan na jou profiel (in die Bybel Toep) om jou kenteken te sien, en kies Kentekens.¹

Deel op Facebook

Deel op Twitter

E-pos Deel per e-pos

¹ As jy nog nie jou 21-dae kenteken kan sien nie, moenie bekommerd wees nie! Dit mag dalk ‘n paar dae neem om te wys.

2020-02-262020-02-20

Jy is hiervoor geskape…

Grasbedekte heuwel

Maak Tyd vir Wat Saak Maak…

Met soveel verantwoordelikhede wat elke dag om ons aandag meeding, is dit maklik om die enigste ding wat nodig is, uit die oog te verloor: om God te ken.

In die weke voor Opstanding Sondag wil ons jou uitnooi om aan die Vastydperk deel te neem en elke dag tyd deur te bring om na God te soek en terug te dink aan wat Hy vir jou gedoen het.

Vind meer uit oor hierdie tyd van besinning, in een van hierdie spesiale leesplanne.