YouVersion - Page 6 of 8 - Seeking God every day.

2021-02-012021-10-15

គំរោងអាន – កុម្ភៈ 2021

ជារៀងរាល់ថ្ងៃ យើងធ្វើការជ្រើសរើស ទៅលើជម្រើស ដែលមានឥទ្ធិពលនៅលើរឿងរ៉ាវជីវិតរបស់យើង។ តើជីវិតរបស់អ្នកនឹងទៅជាយ៉ាងណា ប្រសិនបើអ្នកក្លាយជាអ្នកជំនាញខាងការធ្វើការជ្រើសរើសនោះ? នៅក្នុងគម្រោងអានព្រះគម្ពីរ ស្ដីអំពី ការដឹកនាំដោយចេស្ដានៃព្រះ (Divine Direction) ដោយអ្នកនិពន្ធលក់ដាច់បំផុត តាមសារព័ត៌មានញ៉ូវយ៉កថែមស៍ និងជាគ្រូគង្វាលរៀមច្បងនៃ ក្រុមជំនុំ Life.Church គឺលោកគ្រូ ហ្រ្កេក ហ្រ្កូឆែល លោកគ្រូបានលើកទឹកចិត្ដយើងជាមួយនឹងគោលការណ៍ចំនួន ៧ យ៉ាង ដែលមានប្រភពចេញមកពីសៀវភៅ ការដឹកនាំដោយចេស្ដានៃព្រះ។ គោលការណ៍ទាំងនោះ គឺ ដើម្បីជួយឱ្យអ្នកស្វែងរកឃើញនូវប្រាជ្ញារបស់ព្រះ សម្រាប់ការសម្រេចចិត្តជាប្រចាំថ្ងៃរបស់អ្នក។ ចូរស្វែងយល់ពីការណែនាំខាងឯវិញ្ញាណ ដែលអ្នកត្រូវការ ដើម្បីរស់នៅក្នុងដំណើររឿងនៃជីវិត ដែលពេញដោយការគោរពដល់ព្រះ និងជាអ្វីដែលអ្នកនឹងចូលចិត្ដប្រាប់ដល់អ្នកផងទាំងពួងដែរ។

ការអធិស្ឋាន

21 ថ្ងៃ

ចូររៀនពីរបៀបអធិស្ឋានដ៏ប្រសើរបំផុត ទាំងពីការអធិស្ឋានរបស់មនុស្សស្មោះទៀងត្រង់ និងពីការអធិស្ឋានចេញពីព្រះបន្ទូលផ្ទាល់របស់អង្គព្រះយេស៊ូ។ ចូរស្វែងរកការលើកទឹកចិត្ដ ដើម្បីបន្តនាំយកសំណូមពររបស់អ្នក ទៅចំពោះព្រះជាម្ចាស់ ជារៀងរាល់ថ្ងៃ ទាំងដួងចិត្ដស៊ូទ្រាំ និងអត់ធ្មត់។ ចូរស្វែងយល់ពី សេចក្ដីអធិស្ឋាន របស់ពួកអ្នកមានពុត អ្នកមានចិត្ដទទេ ទន្ទឹមនឹង ការអធិស្ឋានដ៏ស្អាតស្អំ របស់អស់អ្នកដែលមានដួងចិត្ដបរិសុទ្ធ។ ចូរអធិស្ឋានដោយឥតឈប់ឈរ។

សេចក្ដីអធិស្ឋានដ៏គ្រោះថ្នាក់

7 ថ្ងៃ

តើអ្នកហត់នឿយនៅក្នុងរបៀបប្រើប្រាស់ជំនឿរបស់អ្នក ឱ្យតែមួយបានៗ ឱ្យតែបានសុខ ដែរឬទេ? តើអ្នកត្រៀមខ្លួនប្រឈមមុខនឹងការភ័យខ្លាច ត្រៀមកសាងជំនឿ និងត្រៀមបញ្ចេញនូវសក្ដានុពលរបស់អ្នកហើយឬនៅ? តាមរយៈគម្រោងអាន មានរយៈពេល ៧ ថ្ងៃ ដោយដកស្រង់ពី សៀវភៅរបស់លោកគ្រូគង្វាល ហ្គ្រេក ហ្រ្គូឆែល (Craig Groeschel) ក្រោមចំណងជើងថា សេចក្ដីអធិស្ឋានដ៏គ្រោះថ្នាក់ (Dangerous Prayers) នឹងជំរុញឱ្យអ្នកហ៊ានអធិស្ឋានយ៉ាងឆេះឆួល យ៉ាងគ្រោះថ្នាក់—ពីព្រោះការដើរតាមព្រះយេស៊ូវមិនដែលមានន័យថានាំឱ្យយើងមានសុខសុវត្ថិភាពរហូតនោះទេ។

របៀបចាប់ផ្តើមអានព្រះគម្ពីរ

4 ថ្ងៃ

ចូរឱ្យយើងនិយាយឱ្យស្មោះត្រង់តែម្ដងទៅ៖ យើងដឹងថា វាពិតជាគំនិតដ៏ល្អ សម្រាប់ឱ្យយើង អានព្រះគម្ពីរ ប៉ុន្តែយើងក៏មានការពិបាក ក្នុងការដឹង ថាត្រូវចាប់ផ្ដើមពីទីកន្លែងណា ទៅទីកន្លែងណាដែរ។ នៅប៉ុន្មានជាបីបួនថ្ងៃបន្តបន្ទាប់ខាងមុខ យើងនឹងរៀនអំពី សារៈសំខាន់នៃព្រះគម្ពីរ ការស្គាល់ពីទម្លាប់នៃការអានជាប្រចាំថ្ងៃ និងការដឹងពីរបៀបនៃការអនុវត្ដព្រះបន្ទូលទាំងនោះ ទៅក្នុងជីវិតរបស់យើងនាសព្វថ្ងៃនេះ។

2021-01-312021-06-07

គំរោងអាន – មករា 2021

អាពាហ៍ពិពាហ៍

៥ ថ្ងៃ

ការរៀបការគឺជាការជំរុញមួយដ៏ខ្លាំងនិងជារង្វាន់សំរាប់ទំនាក់ទំនង ហើយយើងភាគច្រើនភ្លេចថា “ខ្ញុំយល់ព្រម” គឺគ្រាន់តែជាការចាប់ផ្ដើមប៉ុណ្ណោះ។ តាមពិត ព្រះគម្ពីរមានអ្វី ច្រើនចង់និយាយពីការរៀបការចេញពីផ្នត់គំនិងរបស់ប្ដីនិងប្រពន្ធ។ អត្ថបទគម្ពីរសង្ខេប នឹងជួយលោកអ្នកក្នុងការពើបប្រទះជាប្រចាំថ្ងៃដែលតាក់តែងឡើងក្នុងការជយយលោកអ្នកអោយរីកចំរើនឡើង និងយល់ពីការរៀបចំរបស់ព្រះក្នុងអាពាហ៍ពិពាហ៍—ដែលជួយដល់ដំណើរការនៃទំនាក់ទំនងដ៏ស៊ីជំរឿរបស់ប្ដីប្រពន្ធ។

ថ្វាយអាទិភាពទីមួយទៅព្រះអង្គ

5 ថ្ងៃ

ការថ្វាយអាទិភាពទីមួយទៅព្រះអង្គនៅក្នុងការរស់នៅរបស់យើង គឺមិនមែនធ្វើតែម្តង…ប៉ុន្តែវាគឺជាដំណើរដែលកើតឡើងពេញមួយជីវិតរបស់យើង។ មិនថាយើងជាអ្នកដែលទើបតែចាប់ផ្តើមទទួលជឿព្រះអង្គ ឬជាអ្នកដើរតាមព្រះអង្គ“យូរហើយ” អ្នកនឹងឃើញថាផែនការនេះងាយយល់ និងអនុវត្តន៍ និងជាយុទ្ធសាស្រ្តដ៏មានប្រសិទ្ធភាពខ្ពស់បំផុត សម្រាប់ភាពជោគជ័យក្នុងការរស់នៅរបស់គ្រិស្តបរិស័ទ។ ដកស្រង់ចេញពីសៀវភៅ “ ចេញពីផែនដីនេះ : សៀវភៅណែនាំគ្រិស្តបរិស័ទឲ្យរីកចម្រើន និងមានគោលបំណង “ ដោយលោក David J. Swandt ។

អ្នកត្រូវការអធិស្ឋាន

6 ថ្ងៃ

ស្វែងយល់អំពីគោលការណ៍នៅក្នុងការកសាងជីវិតដែលមានអំណាច និងជីវិតនៃការអធិស្ឋានដែលមានប្រសិទ្ធិ
ភាព។ អធិស្ឋានគឺជាការមានទំនាក់ទំនងជាមួយនឹងព្រះជាម្ចាស់ដោយផ្ទាល់ខ្លួន គឺជាកូនសោរនៅក្នុងការមើលឃើញការផ្លាស់ប្តូរជាវិជ្ជមាន ក្នុងជីវិតរបស់យើង និងអ្នកដែលនៅជុំវិញយើង។ ដកស្រង់ចេញពីសៀវភៅ “ ចេញពីផែនដីនេះ : សៀវភៅណែនាំគ្រីស្តបរិស័ទឲ្យរីកចម្រើន និងមានគោលបំណង “ ដោយលោក David J. Swandt ។

រស់នៅជីវិតពេញដោយគោលបំណង

7 ថ្ងៃ

ជីវិតពេញដោយគោលបំណងមានអំណរ គឺសាងសង់នៅលើទំនាក់ទំនង ជំនឿ និងសេចក្តីស្រលាញ់។ ប្រសិនបើអ្នកពិនិត្យមើលឲ្យបានច្បាស់ អំពីផែនការរបស់ព្រះជាម្ចាស់សម្រាប់ជីវិតរបស់អ្នក សូមភ្ជាប់ផែនការនេះ ដើម្បីជួយអ្នកនៅក្នុងការផ្តោតទៅលើការស្រាវជ្រាវ និងការស្វែងរករបស់អ្នក។ ដកស្រង់ចេញពីសៀវភៅ “ ចេញពីផែនដីនេះ : សៀវភៅណែនាំគ្រីស្តបរិស័ទឲ្យរីកចម្រើន និងមានគោលបំណង “ ដោយលោក David J. Swandt ។

ការរស់នៅជាមួយកម្លាំង និងភាពក្លាហាន

8 ថ្ងៃ

អ្នកនឹងមិនឯកកោឡើយ មិនថាអ្នកបាន១ថ្ងៃ ឬ៣០ឆ្នាំដំណើរនៅក្នុងជំនឿគ្រិស្តបរិស័ទរបស់អ្នក សេចក្តីពិតនេះគឺឈរយ៉ាងរឹងមាំ សម្រាប់គ្រប់រសជាតិជីវិតទាំងអស់ ដែលអាចនឹងមកប្រឈមជាមួយនឹងយើង។ រៀនពីរបៀបទទួលយកជំនួយដ៏មានប្រសិទ្ធិភាពរបស់ព្រះជាម្ចាស់នៅក្នុងផែនការនេះ។ ដកស្រង់ចេញពីសៀវភៅ “ ចេញពីផែនដីនេះ : សៀវភៅណែនាំគ្រីស្តបរិស័ទឲ្យរីកចម្រើន និងមានគោលបំណង “ ដោយលោក David J. Swandt ។

ការប្រើប្រាស់ពេលវេលារបស់អ្នកសម្រាប់ព្រះជាម្ចាស់

៤ ថ្ងៃ

គម្រោងអានសញ្ជឹងគិតព្រះបន្ទូលរយៈពេល៤ថ្ងៃ ដោយលោក R.C Sproul ក្នុងប្រធានបទ ត្រូវចេះប្រើប្រាស់ពេលវេលារបស់អ្នកសម្រាប់ព្រះជាម្ចាស់។ រាល់គម្រោងអានមួយថ្ងៃៗ អ្នកនិពន្ធ បានដាស់តឿនឲ្យអ្នកចេះរស់នៅក្នុងព្រះវត្ដមានព្រះ នៅក្រោមសិទ្ធិអំណាចរបស់ទ្រង់ និង រស់នៅបានជាសិរីរុងរឿងថ្វាយព្រះអង្គ។

ការព្រួយបារម្មណ៍

7 ថ្ងៃ

ជីវិតរបស់យើងងាយនឹងទទួលការវាយលុកដោយការខ្វល់ខ្វាយ និង ការភ័យខ្លាចចំពោះអ្វីដែលយើងមិនស្គាល់។ ផ្ទុយមកវិញ ព្រះជាម្ចាស់បានប្រទានមកអោយយើងនូវវិញ្ញាណនៃសេចក្ដីក្លាហាន មិនមែនការភ័យខ្លាចនិងការខ្វល់ខ្វាយនោះទេ។ គំរោងការអានរយៈពេលប្រាំពីរថ្ងៃនេះ នឹងជួយអោយលោកអ្នកចេះងាកទៅរកព្រះជាម្ចាស់នៅរាល់គ្រប់ស្ថានភាពទាំងអស់ក្នុងជីវិត។ ការសំរេចបានយ៉ាងជាញជ័យ ឈ្នះទៅលើការខ្វាយខ្វល់ គឺជាការចេះទុកចិត្តលើព្រះជាម្ចាស់។

2020-09-012021-10-12

គំរោងអាន – កញ្ញា 2020

ផ្ដល់អត្ថន័យលើការងាររបស់អ្នក

៤ ថ្ងៃ

មនុស្សយើងជាច្រើននឹងចំណាយពេល ប្រមាណជា ៥០% នៃជីវិត ពេលពេញវ័យរបស់ខ្លួន ដើម្បីធ្វើការងារ។ យើងចង់ដឹងថាជីវិតការងាររបស់យើង ពិតជាមានប្រយោជន៍ – គឺថាដំណើរការងារនោះពិតជាមានសារៈសំខាន់ដែរឬយ៉ាងណា។ ប៉ុន្តែ ភាពស្មុគស្មាញ តម្រូវការទាមទារ និងភាពខ្វះខាត នឹងបណ្ដាលឱ្យយើង ត្រូវខិតខំប្រឹងធ្វើការងារលំបាកជាងមុនទៅទៀត – ហើយក៏ជាការងារដែលយើងត្រូវធ្វើខានមិនបានដែរ។ គម្រោងអាននេះ នឹងជួយដល់អ្នក ដើម្បីឱ្យអ្នកអាចសម្គាល់នូវអំណាច និងអាចជ្រើសរើស ថាការងារដែលអ្នកធ្វើនោះ គឺជាអ្វីវិជ្ជមាន ហើយមានឫសគល់់ស្ថិតនៅក្នុងសេចក្ដីជំនឿពិតប្រាកដ។

ការសម្លាប់មេរោគខាងវិញ្ញាណ ជាមួយនឹងលោក ចន បឺវៀរ (John Bevere)

៧ ថ្ងៃ

ប្រៀបដូច ស៊ូភើមេន (Superman) ដែលជាមនុស្សអាចកម្ចាត់រាល់មារនិងខ្មាំងសត្រូវរបស់ខ្លួន អ្នកក៏ជាអ្នកដើរតាមព្រះគ្រីស្ទ ដែលមាននូវសមត្ថភាពលើសពីធម្មជាតិ ដើម្បីអាចយកឈ្នះលើរាល់ឧបសគ្គនានា ដែលអ្នកនឹងជួបប្រទះដែរ។ ប៉ុន្តែ មានបញ្ហាមួយដែលសូភើមេន និងអ្នកប្រឈម នោះគឺថា មាននូវ គ្រីបតូណែក (Kryptonite) ឬហៅថា ភាពកម្សោយ ដែលនឹងមកលួចនូវកម្លាំងរបស់អ្នក។ គម្រោងអាននេះ នឹងជួយដល់អ្នក ឱ្យអាចដកឫសនៃភាពកម្សោយខាងឯព្រលឹងវិញ្ញាណ នៅក្នុងជីវិតរបស់អ្នក ដើម្បីឱ្យអ្នកអាចបំពេញនូវសក្ដានុពល ដែលព្រះជាម្ចាស់បានប្រទានដល់អ្នក ហើយអាចនឹងឱបក្រសោបនូវជីវិតដែលគ្មានកំណត់ព្រំដែនរបស់អ្នកនោះវិញ។

2020-08-012021-10-12

គំរោងអាន – សីហា 2020

ទុកចិត្ដ រួសរាន់ និងសម្រាក

4 ថ្ងៃ

ព្រះគម្ពីរបានបង្គាប់បញ្ជាដល់យើង ឱ្យយើងចេះខិតខំប្រឹងធ្វើការងារ ប៉ុន្តែ ព្រះបន្ទូលក៏ប្រាប់ដល់យើងថា អ្នកដែលបង្កើតលទ្ធផលតាមរយៈកិច្ចការងាររបស់យើង នោះគឺជាព្រះទៅវិញ—មិនមែនជាយើងទេ។ ដូចដែលគម្រោងអានរយៈពេល ៤ថ្ងៃនេះ នឹងបង្ហាញ អ្នកជំនាញ អ្នកជំនួញ ជាគ្រីស្ទបរិស័ទ ត្រូវចេះចុះចូល ឱបក្រសោប នូវសម្ពាធរវាង “ការទុកចិត្ដ” និង “ការរួសរាន់” ដើម្បីឱ្យបានរកឃើញនូវថ្ងៃសប្ប័ទ ដែលជាថ្ងៃឈប់សម្រាក ដ៏ពិតប្រាកដ។

អេភេសូ

3 ថ្ងៃ

គំរោងផែនការនេះនឹងនាំលោកអ្នកទៅកាន់សៀវភៅអេភេសូ និង ជាប្រភពដ៏ប្រសើរសំរាប់ការសិក្សាផ្ទាល់ខ្លួន ក៏ដូចជាការសិក្សាជាក្រុម។

2020-05-15

ឥឡូវនេះកូនរបស់អ្នកអាចទទួលបទពិសោធន៌ក្នុងកម្មវិធីព្រះគម្ពីរសម្រាប់កុមារជាភាសាខ្មែរ

កម្មវិធីព្រះគម្ពីរសម្រាប់កុមារ

ថ្ងៃនេះរួមជាមួយដៃគូរបស់យើង OneHope យើងមានសេចក្តីរីករាយសូមប្រកាសបើកដំណើរការកម្មវិធីព្រះគម្ពីរសម្រាប់កុមារជា ភាសាខ្មែរ ។ ឥឡូវនេះ មានកុមារជាច្រើន នឹងមានឱកាសក្នុងការរីករាយជាមួយនឹងព្រះគម្ពីរដោយផ្ទាល់។

ផ្លាស់ប្ដូររវាងភាសា ងាយស្រួលទេ អ្នកអាចធ្វើបាន នៅលើការកំណត់ផ្សេងៗនៅក្នុងកម្មវិធី៖

ត្រូវពិនិត្យឱ្យច្បាស់ថាអ្នក បានធ្វើបច្ចុប្បន្នភាពកម្មវិធីរបស់អ្នក លើកំណែថ្មីបំផុតនៃកម្មវិធី ដែលបានចេញផ្សាយ។
បើកកម្មវិធីហើយ ចុចលើរូបតំណាងស្ពឺ () ដើម្បីបើក ការកំណត់។
ចុចប៉ះលើ ភាសា ហើយជ្រើសរើសយកភាសាណាមួយដែលអ្នកចង់បាន។

ឥឡូវនេះសំឡេងនឹងត្រូវបានលេងជាភាសានោះហើយអត្ថបទនឹងលេចឡើងក្នុងភាសានោះផងដែរ!

សូមជួយយើងអបអរនូវដំណឹងដ៏អស្ចារ្យនេះ!

ចែករំលែកនៅលើហ្វេសប៊ុក

ចែករំលែកនៅលើ Twitter

ចែករំលែកតាមអ៊ីមែល

កម្មវិធីព្រះគម្ពីរសម្រាប់កុមារ ព្រះយេស៊ូ

អំពីកម្មវិធីព្រះគម្ពីរសម្រាប់កុមារ

បានរចនាកសាងឡើង ដោយមានកិច្ចសហការរួមជាមួយ OneHope, កម្មវិធីព្រះគម្ពីរសម្រាប់កុមារ គឺបានមកពី YouVersion, ដែលជាម្ចាស់គម្រោងបង្កើត កម្មវិធីព្រះគម្ពីរ។ កម្មវិធីព្រះគម្ពីរសម្រាប់កុមារ ត្រូវបានរចនាឡើង ដើម្បីផ្តល់ឱ្យកុមារទទួលបាននូវបទពិសោធន៍ពីព្រះគម្ពីរតាមលក្ខណៈមួយផ្ទាល់ខ្លួនរបស់ពួកគេ។ កម្មវិធីព្រះគម្ពីរសម្រាប់កុមារ ក៏ត្រូវបានដំឡើងលើសជាង 41 លានគ្រឿង រួចហើយ នៅលើឧបករណ៍ អេបផល អេនដ្រយ និង ឃិនដល ហើយកម្មវិធីនេះក៏តែងតែផ្តល់ជូនដោយឥតគិតថ្លៃផងដែរ។ ឥឡូវនេះ កុមារជាច្រើន នៅទូទាំងពិភពលោក កំពុងតែរីករាយជាមួយនឹង កម្មវិធីព្រះគម្ពីរសម្រាប់កុមារ ដែលមានជាង 55 ភាសា — ហើយឥឡូវនេះ ក៏មានរាប់បញ្ចូលជា ភាសាខ្មែរដែរ!