Posted on 2023-06-01Унших Төлөвлөгөөнүүд – Зургаадугаар сар 2023 Тэнгэрлэг цаг зохицуулалт 6 өдөр Уламжлалт цагийн менежмент нь өөрийн хүч чадал, сахилга батаараа амьдралыг “хяналтад” байлгах зорилготой үед стресс үүсгэдэг. Гэхдээ бид Бурханд цаг заваа зориулах үед амар тайван ба амралт олж авдаг гэж Библид хэлдэг. Энэхүү 6 өдрийн төлөвлөгөөгөөр дамжуулан та Бурханд төвлөрсөн цагийн менежментийн хандлага нь Түүний баяр хөөр, амар амгаланг төдийгүй Түүний танд зориулан бэлдсэн бүх сайн сайхныг хүлээн авахад хэрхэн хөтөлж байгааг мэдэх болно. Бурхан минь, Та намайг мартчихсан уу? 5 ѳдөр Бид амьдралд баян ходоодонд явж байгаа мэт бас өдөр хоног өнгөрөхийн хэрээр харьцуулалтын дуу хоолой улам чангарч энэ бүхний дунд Бурхан хэрхэн ажиллаж буйг харахгүй өнгөрөх нь элбэг байдаг. Ийм л хором мөчид итгэл маань юунаас ч илүүтэйгээр шалгагддаг. Энэ чимээгүй цагийн материалыг унш мөн Бурханыг хүлээж байхдаа урамшуулагд. Аюулгүй байдалд бүү үлд 3 ѳдөр Өөртөө итгэлгүй байдал, эргэлзээ, айдсын дуу хоолойны эсрэг зогсохгүй бол эдгээр нь амьдралыг тань тэр чигээр нь эзэмдэх болно. Тэдгээр дуу хоолойг зүгээр чимээгүй болгох эсвэл тоохгүй байх ямар ч боломжгүй. Энэ 3 өдрийн уншлагын төлөвлөгөөгөөр Сара Жэйкс Робертс өнгөрсөнийхөө хязгаарлагдмал байдлыг хайхралгүйгээр зогсоошгүй нэгэн болохын тулд тохь тухгүй байдлыг хэрхэн өөрийн болгохыг танд харуулах болно. Та бол Хайрлагдсан 4 өдөр Бурхан танд хайртай. Та хэн ч байсан, та амьдралынхаа аль ч үед байсан, Бурхан танд хайртай! Бид энэ сард, хайрын баярыг тэмдэглэх үедээ Бурханы таныг хайрлах хайр бусад хайраас илүү агуу гэдгийг мартуузай. Энэхүү дөрвөн өдрийн төлөвлөгөөгөөр өөрийгөө Бурханы хайранд умбуулаарай.
Posted on 2023-04-28Унших Төлөвлөгөөнүүд – Тавдугаар сар 2023 Өөрчлөгдсөн амьдралаар амьдрах нь: Хэн болохоо хүлээн зөвшөөрөх нь 6 өдөр Хэн байхыг маань хэлэх асар олон дуу хоолойн дунд хэн болохоо хаана оршин байхын төлөө тэмцэлддэгт гайхах зүйл огт үгүй. Бурхан биднийг ажил мэргэжил, гэрлэлтийн байдал эсвэл алдаануудаараа тодорхойлогдсон байгаасай гэж хүсдэггүй. Түүний үзэл бодол амьдралд маань хамгийн дээд эрх мэдэл маань байгаасай гэж Тэр хүсдэг. Та хэн болох мөн Христ дотор хэн болохыг Библид юу гэж хэлдэг талаар суралцахад энэ зургаан өдрийн төлөвлөгөө танд туслах болно. Бүү бууж өг 7 өдөр Бууж өгөхийг үнэхээр хүсэн амьдралдаа цөхрөн эсвэл ялагдсан мэт мэдрэмж танд төрж байсан уу? Тууштай байх болоод урагшилсаар байхад урамшуулсан зүйл Библид асар олон бий! Энэ 7-өдрийн төлөвлөгөө өмнө чинь буй аянд таныг сэргээх болно. Донтолтоос эргэн буцах нь 3 ѳдөр Таны амьдрал Бурханы Үгтэй нийцэхгүй бол та зовлонт үр дагаврыг мэдрэх болно. Олон хүмүүс өвчинтэйгөө тэмцэж, ажлаасаа халагдаж, харилцаагаа тасалж, донтолт зэргээс болж Бурханаас холддог. Мансууруулах бодис, порнограф гэх мэт нь ноцтой донтолт, хоолонд дурлах, зугаа цэнгэл хөөх гэх мэт нь арай гайгүй донтолт гэдгээс үл хамааран ямар ч төрлийн донтолт нь бидний амьдралыг сүйрүүлдэг. Энэхүү төлөвлөгөөгөөр дамжуулан Бестселлер зохиолч Тони Эванс танд эрх чөлөөнд хүрэх замыг зааж өгөх болно. Бурхан яагаад намайг хайрладаг вэ? 5 ѳдөр Асуултууд: Бурханы талаар хүн бүрт л асуух асуултууд байдаг. Байнга харьцуулалт хийдэг соёлд амьдардаг болохынхоо хувьд, өөрсдөөсөө бидний хамгийн ихээр асуудаг байж болох асуулт бол, “Бурхан яагаад намайг хайрладаг вэ?” эсвэл магадгүй, “Тэр яаж намайг хайрлаж чадах вэ?” гэсэн асуултууд байж болох юм. Энэ төлөвлөгөөний явцад, та нийтдээ 26 Бичээсийн хэсгийг авч үзэх бөгөөд—тус бүр нь таныг гэсэн Бурханы нөхцөл үл шаардах хайрын талаархи үнэнийг өгүүлэх болно.
Posted on 2023-03-30Унших Төлөвлөгөөнүүд – Дөрөвдүгээр сар 2023 Яагаад Дахин амилсан баяр гэж? 5 ѳдөр Дахин амилсан баяр яагаад тийм чухал вэ? 2000 жилийн өмнө төрсөн хүнд яагаад тийм их сонирхол төрдөг юм бол? Есүсийн талаар яагаад тийм олон хүмүүс баярлан хөөрдөг вэ? Бидэнд Тэр яагаад хэрэгтэй вэ? Тэр яагаад ирсэн бэ? Тэр яагаад нас барсан бэ? Эдгээрийг олж мэдэхийг яагаад хүмүүс хүсдэг вэ? Энэхүү 5 өдрийн уншлагын төлөвлөгөөгөөр Никки Гамбел эдгээр асуултуудын хариултуудыг бидэнтэй хуваалцах болно. ХААН БОЛСОН ЕСҮС: Timothy Keller-ын эрхлэн гаргасан Дахин амилсан баярт зориулсан чимээгүй цаг 9 өдөр New York Times-ын хамгийн их гүйлгээтэй номын зохиогч болон алдартай пастор Timothy Keller Марк номонд бичигдсний дагуух Есүсийн амьдралаас хийсэн цувралаа хуваалцаж байна. Эдгээр түүхүүдийг судалснаар бидний амьдрал болон Бурханы Хүүгийн амьдралын холбоосыг, Дахин амилсан баярт чиглүүлсэн шинэ ойлголтуудыг бид олж авах болно. ХААН БОЛСОН ЕСҮС бол ном хаана зарагдаж байна тэндээс авах боломжтой бөгөөд эсийн бүлэгт зориулсан удирдамж бас ном юм. 1 & 2 Тимот 5 ѳдөр Энэхүү энгийн уншлагын төлөвлөгөө нь таныг 1 ба 2 Тимот номоор хөтлөх бөгөөд ганцаарчилсан эсвэл групп судлалд тохиромжтой. Нийгмийн өөрчлөлтийн тухай Библийн дагуух үзэл бодол 5 ѳдөр Олон Христитгэлт хүмүүс сүнслэг хэрэгцээг эсвэл материаллаг хэрэгцээг алыг нь хангах ёстой вэ хэмээн санаа зовдог. Христитгэлтнүүдийн хувьд бидний нэн тэргүүнд тавих зүйл юу байх ёстой вэ? Энэ сэдвээр Библиэс бид юуг сурч болох вэ?
Posted on 2023-03-02Унших Төлөвлөгөөнүүд – Гуравдугаар сар 2023 Зургаан өдөр Бурханы нэрсээр 6 өдөр Бурханы олон нэрийн дотроос, Тэрээр Өөрийн зан чанар болон мөн чанарыг харуулдаг нэрсийг бидэнд илчилсэн. Библид Эцэг, Хүү, Ариун Сүнснээс гадна Бурханы 80 гаруй өөр нэрсийг харуулдаг. Энд итгэгч таныг Цорын ганц Үнэн Бурханд ойртоход туслах зургаан нэр болон тэдгээрийн утгыг тайлбарласан болно. Доктор Тони Эвансын бичсэн Бурханы нэрсийн хүчийг мэдрэхүй: Амьдрал бэлэглэгч чимээгүй цаг (Experience the Power of God’s Names: A Life-Giving Devotional) номоос товчлон авав, Harvest House Publishers, Eugene, Oregon 2017. Сонгогдсон: Өдөр бүр өөртөө Сайнмэдээг сануулдаг бай 7 өдөр Хэрэв та өглөө сэрээд, сайн мэдээг өдөр бүр өөртөө сануулдаг байх юм бол яах вэ? Энэ 7 өдрийн чимээгүй цагийн судлал нь танд зөвхөн үүнийг л хийхэд туслах болно. Сайн мэдээ биднийг авараад зогсдоггүй бидний амьдралын туршид мөн тусалж дэмждэг. Зохиогч, Евангелист Матт Браун, Райан Скоог нарын бичсэн 30 өдрийн чимээгүй цагийн материал дээр тулгуурлан энэхүү уншлагын төлөвлөгөөг боловсруулсан. Ажилдаа утга учрыг өг 4 өдөр Бидний ихэнх маань насанд хүрсэн амьдралынхаа 50 орчим хувийг ажил дээрээ өнгөрүүлэх болно. Ажил маань учир утгатай эсэхийг-ажил маань чухал эсэхийг бид мэдэхийг хүсдэг. Гэвч стресс, шаардлагууд, бэрхшээлүүдээс болоод ажил бол хүнд хүчир зүйл – давж гарах хэрэгтэй зүйл мэтээр харахад хүрдэг. Энэхүү Уншлагын төлөвлөгөө итгэл дээр үндэслэсэн эерэг утга учрыг сонгох эрх мэдэл танд буй болохыг ойлгоход туслах болно. Ариун Сүнсээр удирдуулсан амьдрал: Жон Пайпертай хамт хийх чимээгүй цаг 7 өдөр Ариун Сүнсний талаарх Жон Пайперийн бэлтгэсэн 7 хоногийн чимээгүй цагийн уншлага
Posted on 2023-02-02Унших Төлөвлөгөөнүүд – Хоёрдугаар сар 2023 Есүс надад хайртай 7 өдөр “Христитгэлтэн болохын тулд би юунд итгэх хэрэгтэй вэ?” гэж хэн нэгэн хүн таниас асуувал та юу гэж хэлэх вэ? “Есүс надад хайртай даа, Библи надад хэлсэн дээ” гэдэг олны дуртай дууны энгийн үгсийг ашиглах замаар сэтгүүлчээс пастор болсон нэгэн хүн итгэдэг зүйл тань юу болох, яагаад гэдгийг ойлгоход танд туслах болно. Хамгийн их борлуулалттай номыг зохиогч Жон Эс. Дикерсон христитгэлийн гол чухал итгэлүүдүүд тодорхой бас итгэмжтэйгээр тайлбарлан мөн яагаад эдгээр итгэлүүд чухал болох талаар харуулдаг. Зорилго уруугаа алхан ор 5 ѳдөр Миний зорилго юу бол? Миний амьдралын утга учир юунд оршиж байгаа бол? Надад зориулсан Бурханы төлөвлөгөө юу бол? Эдгээр асуултуудын ихэнхийг бид амьдралынхаа аль нэг хэсэгт асуудаг. Таныг зорилгодоо хүрэхэд тань дэм болохын тулд бид зарим асуултад хариулахыг зорилоо. Манай C3 коллежийн цөөн хэдэн оюутнууд эдгээр сэдвийн талаар хөнгөхөн хуваалцсан юм. Амьсгаа авах газар 5 ѳдөр Та бүх зүйлийг хийх гэж оролдож байгаа тул ямар ч зүйлээс таашаал авдаггүй юм шиг санагддаг уу? Хайртай хүмүүстэйгээ амьдралынхаа туршид олон зүйлийг нэгэн зэрэг хийх. . .Та үр ашигтай. Гэхдээ та үнэхээр эцэж цуцталаа ядарсан. Танд ердөө л амьсгаа авах газар хэрэгтэй. Нэг гайхамшигтай энгийн урилгын хамтаар Бурхан танд амар амгаланг авчирч чадахуйц арга замаар хэт ахадсан хурдыг тань солихыг санал болгодог. Энэ төлөвлөгөө нь танд хэрхэн үүнийг хийхийг харуулах болно. Аврагдсан мөрөөдлүүд 7 өдөр Мөрөөдөлдөө хүрч чадахгүй мэт эсвэл мөрөөдөл минь замхарсан мэт санагдах үед бид юу хийх хэрэгтэй вэ? Хүчирхийлэл, шарх бас гэр бүл цуцлалтын зүрхний шархыг давж гарсан хүний хувьд энэ асуулт надад дахин дахин гардаг байлаа. Гамшиг, хэн нэгнийг алдах үгүйрэл эсвэл удаан хугацаагаар хүлээх урам хугаралттай та нүүр тулж байсан ч бай хамаагүй таны амьдрал дахь Бурханы мөрөөдөл амьд хэвээрээ байгаа шүү! Найзуудаа, дахин мөрөөдөх цаг ирээд байна.
