Posted on

Hoe bestudeer jy die Bybel? Hier is vyf stappe …

Persoon wat op straat staan

Hierdie jaar moes baie van ons aanpas by ‘n “nuwe alledaagse” wat nie alledaags voel nie. Sulke skielike aanpassings kan ‘n mens se geestesgesondheid negatief beïnvloed en kan lei tot chroniese moegheid en uitbranding.

Te midde hiervan, roep God ons nog steeds om na Hom toe te kom en belowe om ons rus te gee. Een manier waarop ons nader aan God kom, is deur tyd in sy Woord deur te bring, maar hoe maak jy tyd met God ‘n daaglikse gewoonte? Hoe oorbrug jy die gaping tussen die kennis van die Skrif en die uitleef daarvan in jou alledaagse lewe?

Hier is vyf maklike stappe wat jou elke dag kan help om stil te raak, die Bybel te bestudeer en rus te vind — selfs al voel jy oorweldig.

Berei jou hart voor

Here, my hart is nie trots nie. Ek minag nie ander nie. Ek doen nie magtige dinge nie en ek kan nie wonderwerke doen nie. Maar ek is rustig en stil … en het vrede, soos ‘n baba by sy ma.

PSALM 131: 1-2

Begin jou stiltetyd deur hierdie Psalm hardop te lees en skryf dan jou besorgdhede en bekommernisse neer. Plaas in jou denke alles wat om jou aandag meeding in ‘n kassie en gee dit dan aan God. (Miskien moet jy hierdie proses ‘n paar keer herhaal voordat jy gereed voel om met die volgende stap voort te gaan.)

Vra die Here om met Jou te Praat

Voordat jy met jou daaglikse Bybelstudie begin, vra God om jou te help om sy Woord te verstaan en die Skrif korrek op jou lewe toe te pas. Hy belowe om ons sy wysheid te gee wanneer ons daarvoor vra.

‘n Gebed om Wysheid:

Onse Vader, maak my gedagtes stil, sodat ek U duidelik kan hoor. Ek vra u wysheid terwyl ek hierdie gedeelte bestudeer, sodat ek die Bybelse waarheid kan herken en op my lewe kan toepas. Help my om duidelik te sien hoe U in u Woord werk. Amen.

Stoor hierdie gebed in jou Bybeltoep

Ontleed hierdie Skrifgedeelte

Wanneer is die gedeelte geskryf? Wie was die beoogde gehoor? Wat is die hooftema? Is daar herhalende woorde en frases (indien wel, waarom)? Wat openbaar die gedeelte oor God se karakter?

Wanneer jy met jou Bybelstudie begin, lees die gedeelte ‘n paar keer deur en beantwoord elke keer ‘n ander vraag. Let veral op na frases of idees wat vir jou uitstaan.

Som die Skrif op

Wat het jou opgeval terwyl jy gelees het? Wy ‘n paar minute daaraan om die Here te vra om jou die waarhede in sy Woord te wys, en skryf dan een of twee belangrike waarhede uit die gedeelte neer. Dit sal jou help om tred te hou met die insigte wat God aan jou wys, en om dit te verwerk.

Beoefen wat jy Geleer het

As jy jou geloof wil versterk, is dit nie genoeg om bloot God se Woord te bestudeer nie — jy moet dit ook uitleef.

Skryf twee of drie maniere neer hoe jy die Skrif wat jy bestudeer, prakties wil toepas, en hou gereeld tred met jou vordering. Jy kan selfs in die Bybeltoep jou doelwitte in gebede omskep, en herinneringe stel om daaroor te bid!

Wanneer jy met jou Bybelstudie klaar is, wy ‘n paar minute aan stille nadenke en vra God om jou gedurende die dag aan alles te herinner wat jy geleer het.

Wanneer onsekerhede ons omring, sal ons besluit om daagliks tyd met God deur te bring, ons uiteindelik help om ons probleme en pyn vanuit sy ewige perspektief raak te sien. In hierdie proses sal ons rus vind vir ons siele en hernude hoop vir ons lewens.

FacebookDeel op Facebook

TwitterDeel op Twitter

E-posDeel per e-pos

Posted on

Vier wat God doen!

Vrou in 'n veld

‘n Nuwe tydperk is op hande…

Ongeag wat hierdie jaar tot dusver vir jou ingehou het, glo ons dat God iets nuuts wil doen. Omdat God deurlopend in jou lewe werk, kan jy enige tydperk benader, vol vertroue en die sekerheid dat dit wat God in jou begin het, Hy ook sal voltooi.

Vier vir ‘n oomblik wat God reeds vir jou gedoen het, deur met vriende en familie ‘n Versbeeld te deel, oor hoe dit jou beïnvloed het.

Deel ‘n Versbeeld

Posted on

Hoe om te bid as jy nie weet wat om te bid nie

Vrou wat bid

Wat keer jou om gereeld met God te praat?

Dit verg oefening om met gebed gemaklik te wees. En tog — as ons wil groei in ons geloof, is dit belangrik dat ons eerlike gesprekke met God het.

As jy nie seker is waaroor om te bid nie…

Hier is vyf voorbeelde van daaglikse gebede:

  1. Bid dat God Bekend sal Word

“Aan Hom wat deur sy krag wat in ons werk, magtig is om oneindig meer te doen as wat ons bid of dink… aan Hom kom die eer toe, in die kerk, deur ons verbondenheid met Christus Jesus, deur al die geslagte heen tot in alle ewigheid…”

EFESIËRS 3:20-21

Voorbeeld:

God, ons weet dat U bo alle dinge is en dat U alles bymekaar hou. Word vandag verheerlik in ons wêreld. Mag mense wat U nog nooit ontmoet het nie, vir U vind. Amen.

  1. Bid vir die Wêreld

“Wees waaksaam en bid gedurig vir al die gelowiges.”

EFESIËRS 6:18

Voorbeeld:

God, herstel asseblief die wêreld. Doen wat die beste vir u koninkryk is en vul u mense met genade, krag en blink idees, sodat ons ‘n geestelike bydrae tot ons wêreld kan maak. Amen.

  1. Bid vir Wat jy Nodig Het

“Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.”

FILIPPENSE 4:6

Voorbeeld:

God, U weet wat ek nodig het voordat ek dit weet. Gee my asseblief vandag wat ek nodig het, sodat ek op U kan fokus en nie op my probleme nie. Wanneer dit dan by die behoeftes van môre kom, vertrou ek dat U sal voorsien. Amen.

  1. Bid vir Vergifnis

“En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe.”

MARKUS 11:25

Voorbeeld:

God, U alleen ken ons bedoelings. Vergewe asseblief die mense wat my te na gekom het, want ek het hulle vergewe. En Here, vergewe my, want ek het ook foute gemaak. Moet asseblief nie ons foute teen ons hou nie. Amen.

  1. Bid vir Genesing en Beskerming

“As daar iemand van julle is wat siek is, moet hy die ouderlinge van die gemeente laat kom, en hulle moet vir hom bid en hom met olie salf onder aanroeping van die Naam van die Here.”

JAKOBUS 5:14

Voorbeeld:

God, daar is soveel lyding in ons wêreld. Genees asseblief die siekes en bring vrede en lewe aan ons vermoeide siele. Beskerm ons liggame en ons gedagtes, en gee ons u krag om versoekings en beproewinge te verduur. Amen.

Hierdie idees is nie nuut nie — Jesus het dit meer as 2 000 jaar gelede gebruik om sy dissipels te leer hoe om te bid:

Ons Vader wat in die hemel is,
laat u Naam geheilig word;
laat u koninkryk kom;
laat u wil ook op die aarde geskied,
net soos in die hemel.
Gee ons vandag ons daaglikse brood;
en vergeef ons ons oortredings
soos ons ook dié vergewe
wat teen ons oortree;
en laat ons nie in versoeking kom nie
maar verlos ons van die Bose.

MATTEUS 6:21

Probeer ‘n gebedslys in jou Bybeltoep skep om jou te help om ‘n gereelde gebedsritme te skep. Kies elke dag ‘n paar dinge op die lys om op te fokus. (Jy kan ook vriende uitnooi na jou gesprekke met God, deur jou gebede met hulle te deel.)

Met verloop van tyd sal jy na daardie lys kan terugkyk en nadink oor wat God besig was om op daardie tydstip in jou lewe te doen.

Bid Nou

FacebookDeel op Facebook

TwitterDeel op Twitter

E-posDeel per e-pos

Laai Die YouVersion Bybeltoep

Posted on

Wat gee vir jou hoop?

Gespreksballon

Wees altyd gereed om ‘n antwoord te gee aan elkeen wat van julle ‘n verduideliking eis oor die hoop wat in julle lewe.  1 Petrus 3:15

Gespreksballon

Almal hou van goeie nuus.

Jy ken seker daardie gevoel van opwinding wanneer jou hoop opvlam? Of wanneer jou hart met vrede gevul word? Of as jy bemoedig word? Mense vertel dikwels van die diep insig wat hulle in die leesplanne vind. Ook oor hoe die daaglikse versbeelde die spesifieke behoeftes in hulle lewens aanspreek.

Elke keer as jy een van daardie a-ha! oomblikke beleef, deel dit.

Deel-ikoon

Jy kan allerhande dinge in die Bybeltoep deel: Bybelverse, versbeelde, leesplanne, gebede, kentekens en inhoud van daaglikse oordenkings. (Jy kan selfs die Bybeltoep deel.) Dis so maklik! Oral waar jy hierdie deel-ikone sien, druk daarop… en laat iemand anders saam met jou daaroor goed voel.

Deel die Bybeltoep

Posted on

Drie Maniere om jou Kinders te Help om by die Nuwe “Alledaagse” aan te Pas

Ma en dogter wat 'n tablet gebruik

Moenie julle kinders so behandel dat hulle opstandig word nie, maar maak hulle groot met tug en vermaning soos die Here dit wil.

Efesiërs 6:4

Ma en dogter wat lag terwyl hulle 'n tablet gebruik

As jy soos baie ouers is wat ons ken, is jou hande vol met voorbereiding van maaltye, skoolbeplanning en hantering van kinders se verveeldheid, terwyl jy ook bekommerd is oor jou werk en toekoms. Ons wil hê jy moet weet: ons is hier vir jou.

Ongeag jou kinders se ouderdomme, is dit heel moontlik dat hulle baie vrae het oor wat aan die gebeur is. Amper oornag het al die daaglikse roetines waarop hulle vir standvastigheid staat gemaak het, verander. Een van die beste dinge wat ons nou vir hulle kan doen is om ‘n nuwe “alledaagse” te vestig.

Hier is drie dinge wat jy op verskillende tye gedurende die dag kan probeer om jou kinders met die aanpassing te help:

  1. Vra jou kinders waaroor hulle dink. Luister dan.

Al sê hulle moeilike of kommerwekkende dinge, probeer om nie geskok te lyk nie. Jou kinders het ‘n plek nodig waar hulle veilig voel om in hulle eie woorde te sê wat op hulle harte is en hoe hulle voel.

  1. Wees die voorbeeld van dit wat jy in jou huis wil sien.

Sorg geestelik goed vir jouself, sodat jy in staat sal wees om jou kinders die emosionele ondersteuning te kan gee wat hulle nodig het. Hier kan jy vrede en bemoediging vir jouself vind:

  1. Bid op ‘n gereelde basis saam met jou kinders.

Gebed is ‘n gesprek met God, waar jy Hom vertel wat jy dink en voel, dinge vra wat jy nodig het en Hom bedank (selfs vir klein oorwinnings). Jy kan enige tyd bid, maar om dit soggens saam te doen, tydens etenstye en voor slaaptyd, is ‘n maklike manier om ‘n daaglikse roetine te vestig. Hier is ‘n goeie voorbeeld:

Liewe Jesus, dankie vir my gesin. Help ons om mekaar lief te hê, om vir mekaar te sorg en vriendelik te wees. Wys ons asseblief hoe ons vir ons bure en vriende lief kan wees. Dankie. Amen.

Bonus! Beplan haarfyn hoe elke dag gaan verloop.

As jou kinders aan ‘n weeklikse rooster gewoond was — met jou wat gaan werk en hulle wat skool of dagsorg toe gaan — kan die dae maar inmekaar vervaag as almal by die huis is. Om vir elke dag ‘n ander tema te gee, kan help om ‘n ritme te skep, ‘n struktuur. Hier is ‘n paar voorbeelde:

  • Boerewors Dinsdag As jy nie broodrolletjies het nie, sny die wors in die helfte en sit dit op ‘n sny brood.

  • Deurmekaar Woensdag – Trek onpaar sokkies aan. Tik “resep” in die Google soekblokkie, met ‘n lys van bestanddele wat jy het en span almal in om die gereg te maak.

  • Grappige Vrydag – Speel saam. Wees laf. Maak grappies. Kyk na ‘n grappige rolprent of TV-vertoning. Maak Vrydagaand ‘n speletjiesaand vir die gesin.

  • Spesiale Sondag – Aanbid God saam. Soek ‘n aanlyn-kerkdiens. (Baie kerke stel nou ook kinderdienste aanlyn beskikbaar.) Kyk saam na ‘n video in die Bybeltoep en gesels daaroor.

FacebookDeel op Facebook

TwitterDeel op Twitter

E-posDeel per e-pos

Gee leiding aan ‘n jongmens oor hoe hy moet leef, en hy sal ook as hy al oud is nie daarvan afwyk nie.

Spreuke 22:6