Category: Gebed

Hoekom is Goeie Vrydag “goed”?

… “Hy het gesê: ‘Dit is volbring!’ Toe het Hy sy kop vooroor laat sak en die laaste asem uitgeblaas.”

JOHANNES 19:30

Die dissipels het toegekyk hoe Jesus uitroep: “Dit is volbring!” Tog, wat voltooi was, was nie Jesus se lewe nie – dit was alles wat ons van God se liefde geskei het.

“God by ons” het “God vir ons” geword toe Hy sy lewe opgeoffer het om ons te red.

Jesus het gely sodat die wêreld wat ly, God persoonlik kon ken … dit is wat Goeie Vrydag “goed” maak.

---

‘n Goeie Vrydag Gebed

Jesus,

My hart is seer dat die marteling en hartseer wat U aan die kruis moes verduur, nodig was om die mensdom te red. U wou nie hê dat ons slawe van vrees, angs of sonde moes wees nie — daarom het U Uself opgeoffer sodat die liefde kon oorwin.

Dis liefde wat aan die kruis gehang het en alles prysgegee het om ons te red. “Dit is volbring” was ‘n oorwinningskreet, want U het alles verslaan wat ons in ballingskap gehou het.

Te danke U opoffering kan ek vir altyd ‘n hegte verhouding met U ervaar. Dankie! Wys my hoe om u liefde vandag en elke dag bekend te maak.

Gebruik my om die wêreld te bereik vir wie U gesterf het sodat ons verlos kan word.

Amen.

Stoor Gebed

Terwyl die wêreld gebeure dophou wat in die Oekraïne afspeel, wil ons ons wêreldwye gemeenskap herinner aan die krag wat hulle het — die krag van gebed.

Gebed bring hoop.

Gebed verenig.

Gebed versterk.

Kom ons vra vir God om die mense van die Oekraïne te vertroos, beskerm en vir hulle te voorsien.

---

Vader,

ons het U nodig — soos nog altyd.

U is ons bron van krag en U sê vir ons om al ons bekommernisse aan U te gee.

Bring beskerming en genesing aan die mense in die Oekraïne. Wys hulle dat U by hulle is en dat U hul gebede verhoor.

Versterk asseblief enigiemand wat seergemaak, alleen of gebroke voel. Vervang enige gevoelens van angs, vrees en onsekerheid met U vrede en hoop.

Nader tot God, en Hy sal tot jou nader.

In die Naam van Jesus.

Amen.

---

Stoor dit in jou gebedslys sodat jy kan voortgaan om te bid.

Stoor Gebed

Ons besef hierdie tyd het gevoelens van chaos en onsekerheid regoor die wêreld geskep.

Waar jy ook al is, onthou dat God belowe om nooit diegene wat tot Hom nader te verlaat of in die steek te laat nie. Sy kinders is nooit alleen nie. Jy is nie alleen nie. Hy hou jou toekoms veilig in sy hande.

Vader,

herinner my dat liefde altyd naby is, omdat U nooit ver is nie.

Wanneer ek nie vir liefde waardig voel nie, herinner my dat U my waardig gemaak het. En wanneer ek nie in staat voel om liefde te betoon nie, help my om te onthou wat U vir my opgeoffer het.

Herinner my aan hoe geliefd ek is sodat ek ander kan herinner aan hoe geliefd hulle is.

In die Naam van Jesus,

amen.

Stoor in jou Gebedslys

Vader,

Ek is opgewonde oor ‘n nuwe jaar, en ek wil dit met vrymoedigheid en selfvertroue binnegaan. Ek moet egter eerlik wees; ek is onseker oor wat die jaar gaan inhou — en dit verontrus my.

Deurgrond my, o God, en ken my hart.

Help my asseblief om my verwagtinge vir hierdie jaar aan U te oorhandig. Vernuwe my denkpatrone namate ek nader aan U kom.

Deurgrond my, o God en bring my hart in ooreenstemming met u hart.

Help my om te onthou wat ek alreeds met u hulp oorkom het, terwyl ek die planne wat U vir my het nastreef.

Deurgrond my, of God, en genees my hart.

Ek weet U hou my in die palm van u hand, wat hierdie jaar ook al inhou. Niks is vir U onmoontlik nie!

Rig my weer op, Vader, en vernuwe my.

In die Naam van Jesus,

amen.

Stoor Gebed