Posted on

Пляны чытаньня Бібліі – Кастрычніка 2021

Пасланьне Якуба

3 дні

Гэты просты плян пазнаёміць вас з пасланьнем Якава. Плян выдатна падыходзіць як для асабістага, так і для супольнага вывучаньня.

Чытайма Біблію разам (кастрычнік)

31 дзень

Дзесятая частка з 12. Гэты плян дапамагае прачытаць усю Біблію супольна за 365 дзён. Запрашайце іншых далучацца, калі будзеце пачынаць новую частку штомесяц. Для гэтага пляна выдатна пасуюць аўдыё Бібліі – слуханьне зойме менш за 20 хвілін штодня. Кожны дзень вы будзеце чытаць разьдзел са Старога й Новага Запаветаў і Псальм. Частка 9 уключае наступныя кнігі: Эклезіяста, Ярэміі, Плач Ярэміі ды Эвангельле паводле Яна,

Верыць, што Бог добры, што б ні было

5 дзён

Сёньня ў царкве ды за яе межамі ходзяць розныя паведамленьні, якія псуюць сапраўднае значэньне Божае ласкі. Насамрэч, Бог не абавязаны забясьпечваць нас, але Ён усё адно жадае тое рабіць! Наступныя пяць дзён дапамогуць вам па-новаму паглядзець навокал сябе, заўважаючы перакручаныя факты й бачачы дасканалую ды празьмерна вялікую дабрыню Бога.
Posted on

Пляны чытаньня Бібліі – Верасня 2021

Пасланьне да Галятаў

3 дні

Гэты плян прысьвечаны Пасланьню да Галятаў і выдатна падыходзіць для асабістага і супольнага вывучэньня.

Чытайма Біблію разам (верасень)

30 дзён

Дзевятая частка з 12. Гэты плян дапамагае прачытаць усю Біблію супольна за 365 дзён. Запрашайце іншых далучацца, калі будзеце пачынаць новую частку штомесяц. Для гэтага пляна выдатна пасуюць аўдыё Бібліі – слуханьне зойме менш за 20 хвілін штодня. Кожны дзень вы будзеце чытаць разьдзел са Старога й Новага Запаветаў і Псальм. Частка 9 уключае наступныя кнігі: Нэгэміі, Эстэр, Ёэля, Амоса, Абдыі, Навума, Абакука, Сафоніі, Агэя, Захарыі, Малыхіі, ліст да Ціта, ліст да Філімона, ліст да Цімафея, ліст Якуба.

Выкарыстоўваць свой час для Бога

4 дні

4-дзённы плян ад Р. С. Спраўла, які навучыць вас выкарыстоўваць час для Бога. Кожны дзень вас будуць клікаць перажываць прысутнасьць Божую, пад Божым кіраўніцтвам, дзеля Божай славы.
Posted on

ПСАЛТЫР 22: Гасподзь – Пастыр мой

1  
Псальма Давідава. Гасподзь – Пастыр мой; я ніякай нястачы ня мецьму

2  
Ён пасьвіць мяне на пашах зялёных, на ціхія воды водзіць мяне.

3  
Ён душу маю мацуе, кіруе мяне на сьцежкі праўды дзеля імя Свайго.

4  
Калі я пайду далінай сьмяротнага ценю, не ўбаюся ліха, бо Ты са мною; Тваё жазло і твой посах – яны супакойваюць мяне.

5  
Ты перада мною паставіў трапезу на вачах у маіх ворагаў; намасьціў алеем галаву маю; чара мая перапоўнена.

6  
Так, ласка і мілажаль хай будуць са мною ва ўсе дні жыцьця майго, і я буду ў доме Гасподнім многія дні.

Psalm 22 in Belarusian

Psalm 23 in English

Posted on

Пляны чытаньня Бібліі – Жніўня 2021

Пасланьне да Эфэсцаў

3 дні

Гэты плян прысьвечаны Пасланьню да Эфэсцаў і выдатна падыходзіць для асабістага і супольнага вывучэньня.

Чытайма Біблію разам (жнівень)

31 дзень

Восьмая частка з 12. Гэты плян дапамагае прачытаць усю Біблію супольна за 365 дзён. Запрашайце іншых далучацца, калі будзеце пачынаць новую частку штомесяц. Для гэтага пляна выдатна пасуюць аўдыё Бібліі – слуханьне зойме менш за 20 хвілін штодня. Кожны дзень вы будзеце чытаць разьдзел са Старога й Новага Запаветаў і Псальм. Частка 8 уключае наступныя кнігі: першую й другую кнігу Хронікаў, Эздры й лісты да Тэсалёнцаў.
Posted on

калі хто хоча ісьці за Мною, хай адрачэцца ад сябе і возьме крыж свой і ідзе за Мною

калі хто хоча ісьці за Мною, хай адрачэцца ад сябе і возьме крыж свой і ідзе за Мною

Ісус, зірнуўшы на яго, палюбіў яго і сказаў яму: аднаго табе не стае: ідзі, усё, што маеш, прадай і раздай убогім і мець будзеш скарб на нябёсах; і прыходзь, і ідзі сьледам за Мною, узяўшы крыж. А ён, ад гэтага слова сумеўшыся, адышоў замаркочаны, бо ў яго была вялікая маёмасьць.

МАРКА 10:21-22

І паклікаўшы людзей з вучнямі Сваімі, сказаў ім: хто хоча ісьці за Мною, зрачыся сябе, і вазьмі крыж свой, і ідзі за Мною сьледам; бо, хто хоча душу сваю ўратаваць, той страціць яе; а хто страціць душу сваю дзеля Мяне і Дабравесьця, той уратуе яе

МАРКА 8:34-35

і хто не бярэ крыжа свайго і ня йдзе сьледам за Мною, той ня варты Мяне.

МАЦЬВЕЯ 10:38

і ўжо ня я жыву, а жыве ўва мне Хрыстос. А што цяпер жыву ў целе, дык жыву вераю ў Сына Божага, Які палюбіў мяне і аддаў Сябе за мяне.

ГАЛЯТАЎ 2:20

А да ўсіх прамовіў: калі хто хоча ісьці за Мною, адрачыся ад сябе і вазьмі крыж свой і ідзі за Мною; бо, хто хоча душу сваю захаваць, той страціць яе: а хто страціць душу сваю дзеля Мяне, той захавае яе, бо што карысьці чалавеку здабыць увесь сьвет, а сябе самога загубіць, альбо пашкодзіць сабе?

ЛУКАША 9:23-25

кажучы: Войча! о, калі б Ты дабраволіў пранесьці чару гэтую міма Мяне! зрэшты, не Мая воля, а Твая хай будзе. І зьявіўся Яму анёл зь нябёсаў і мацаваў Яго.

ЛУКАША 22:42-43

А тыя, якія Хрыстовыя, укрыжавалі цела з пажадлівасьцю і пахацінствамі.

ГАЛЯТАЎ 5:24

Тады Ісус сказаў вучням Сваім: калі хто хоча ісьці за Мною, хай адрачэцца ад сябе і возьме крыж свой і ідзе за Мною; Бо хто хоча душу сваю ўратаваць, той страціць яе; а хто страціць душу сваю дзеля Мяне, той знойдзе яе; бо якая карысьць чалавеку, калі ён увесь сьвет здабудзе, а душу сваю змарнуе? альбо які выкуп дасьць чалавек за душу сваю? Бо прыйдзе Сын Чалавечы ў славе Айца Свайго з анёламі Сваімі, і тады аддасьць кожнаму паводле спраў ягоных.

МАЦЬВЕЯ 16:24-27

Бо думаю, што цяперашнія часовыя пакуты нічога ня вартыя ў параўнаньні з тою славаю, якая адкрыецца ў нас.

РЫМЛЯНАЎ 8:18

Дабрашчасны чалавек, які вытрывае выпрабаваньне, бо пасьля выпрабаваньня ён атрымае вянок жыцьця, які паабяцаў Гасподзь тым, хто любіць Яго.

ЯКАВА 1:12