Posted on 2020-02-012021-10-12Планови за читање – Февруари 2020 Молитва 21 дена Научете како најдобро да се молите, од молитвите на верните и од зборовите на Исус Христос лично. Најдете охрабрување за да ги пренесувате вашите барања до Господ секој ден, со упорност и трпеливост. Откријте ги примерите на празни, самоправедни молитви, балансирани наспроти чисти молитви од тие со чисти срца. Молете се усрдно. 40 дена на Голем пост 47 дена Големиот пост отсекогаш било време кога го насочуваме нашето внимание кон сето она што во Христа е направено за нас на крстот. За овој великодушен дар може да се размислува од година во година и сѐ уште да нѐ остави зачудени од воодушевување. Со овој план за читање, ќе поминеш низ евангелските извештаи по хронолошки редослед, следејќи ги стапките на Исус за време на последната недела на Неговата земна служба. Овој план за читање е долг 47 дена, но седумте неделни дена според традицијата се денови на одмор.
Posted on 2019-12-23Божиќни библиски стихови Затоа Тој ќе ги остави до времето додека роди онаа, која треба да роди; тогаш кај синовите Израелови ќе се вратат и нивните други браќа. Михеј 5:2 Затоа Самиот Господ ќе ви даде доказ: ете, Девица ќе зачне и ќе роди Син, и ќе Му го дадат името Имануел. Исаија 7:14 Но, штом помисли така, ангел Господов му се јави на сон и рече: „Јосифе, сине Давидов, не плаши се да ја земеш Марија, својата жена, зашто зачнатото во неа е од Светиот Дух. Таа ќе роди Син и ќе Му ставиш име Исус, зашто Тој ќе го спаси народот Свој од неговите гревови.“ Матеј 1:20-21 Зашто Бог толку го возљуби светот, што Го даде Својот Единороден Син, та секој што верува во Него да не загине, туку да има вечен живот. Јован 3:16 Неговата власт и мирот бескраен ќе растат врз престолот на Давид и во царството негово, за да го утврди Тој и да го зацврсти преку суд и правда отсега па довека. Тоа ќе го направи ревноста на Господ Саваот. Исаија 9:6 И Словото стана тело и се всели меѓу нас, полно со благодат и вистина; и ние ја видовме Неговата слава, слава како на Единороден од Отецот. Јован 1:14 но, кога се исполни времето, Бог Го испрати Својот Син, Кој се роди од жена и се потчини на Законот, за да ги откупи оние што се под Закон, та да го примиме посинувањето. Галатјаните 4:4-5 А ангелот им рече: „Не плашете се! Еве, ви навестувам голема радост, која ќе биде за сите луѓе; зашто денеска ви се роди во градот Давидов Спасител, Кој е Христос Господ. Лука 2:10-11 И одеднаш со ангелот се јави многубројно небесно воинство, кое Го славеше Бога, велејќи: „Слава на Бога во висините, а на земјата мир, меѓу луѓето добра волја!“ Лука 2:13-14 Тие, откако го ислушаа царот, си заминаа. И, ете, ѕвездата, што ја беа виделе на исток, врвеше пред нив, додека не пристигна и се запре над местото каде што беше Младенецот. А кога ја видоа ѕвездата, тие се зарадуваа со многу голема радост. И штом влегоа во куќата, Го видоа Младенецот со мајка Му Марија, и паднаа, па Му се поклонија; потоа ги отворија своите ковчежиња и Му принесоа дарови: злато, ливан и смирна. И откако примија предупредување на сон, не се вратија веќе кај Ирод, туку си заминаа по друг пат за својата земја. Матеј 2:9-12
Posted on 2019-11-012021-10-04Планови за читање – Ноември 2019 Псалми 31 ден Читањето на книгата на Псалмите е одлично за едноставно да те подигне. Кога минуваш низ тежок период, книгата на Псалмите може да послужи како утеха и охрабрување. Освалд Чемберс: Радост – Силата во Господ 30 дена Откриј ја мудроста на Освалд Чемберс, авторот на My Utmost for His Highest, преку ова богатство на размислувања за радоста. Секое дневно читање нуди цитати од Чемберс заедно со прашања за лично размислување. Како што ќе те инспирира и предизвикува со неговата едноставна и директна библиска мудорст, ќе се пронајдеш себеси како сакаш да поминуваш повеќе време во комуникација со Бог. Барајќи го секојдневно срцето Господово – Мудрост 5 дена Барајќи го дневно срцето Господово е петдневен план за читање, наменет за да те охрабри, предизвика и да ти помогне низ патот на секојдневието. Како што Бојд Бејли кажал:„ Барајте Го дури и кога не се чувствувате така или кога сте премногу зафатени и Тој ќе ја награди вашата верност“. Библијата вели: „Блажени се оние кои ги пазат сведоштвата Неговите и Го бараат со сето свое срце“. Псалм 119:2
Posted on 2019-10-012021-10-04Планови за читање – Октомври 2019 Откровение 11 дена Овој едноставен план ќе те одведе низ книгата на Откровение и ќе биде одличен за лично или групно проучување. Вдиши духовен копнеж во твојот брак 7 дена Преземено од неговата нова книга „Доживотна љубов“ (A Lifelong Love), Гери Томас зборува за трајните цели на бракот. Научи неколку практични алатки кои ќе ти помогнат да го претвориш твојот брак во инспиративна врска која ќе шири духовна живост кон другите.
Posted on 2019-09-012021-10-04Планови за читање – Септември 2019 Вера 12 дена Дали гледањето значи верување? Или дали верувањето значи гледање? Ова се прашања поврзани со верата. Овој план ти нуди длабоко проучување на верата – започнувајќи од старозаветните раскази за реални луѓе кои покажале храбра вера во невозможни ситуации па сѐ до Исусовите поуки на оваа тема. Преку четивата, ќе бидеш охрабрен да го продлабочиш твојот меѓусебен однос со Бог и да станеш поверен Исусов следбеник. 2 Коринтјаните 7 дена Овој едноставен план ќе те одведе низ книгата на 2 Коринтјаните и ќе биде одличен за лично или групно проучување. Простор за дишење 5 дена Дали понекогаш се чувствуваш како да не уживаш во ништо, бидејќи пробуваш да направиш премногу работи? Поминуваш низ животот дејствувајќи паралелно на повеќе полиња, заедно со твоите најмили. . .Постигнуваш резултати. Но, тоа те истоштува. Ти треба барем малку простор за да здивнеш. Со една покана која е изненадувачки едноставна, Бог ти нуди начин како да го замениш тоа напорно темпо на живот со нешто што ќе ти донесе мир. Овој план ќе ти покаже како.
