Posted on

Љубовта е великодушна, полна со добрина

Љубовта е великодушна, полна со добрина

4  
Љубовта е великодушна, полна со добрина, љубовта не завидува, љубовта не се превознесува, не е горделива

5  
не е непристојна, не бара свое, не се срди, не памти зло

6  
не се радува на неправда, туку се ра­дува на вистина

7  
сѐ покрива, во сѐ верува, на сѐ се на­дева, сѐ поднесува.

8  
Љубовта никогаш не пропаѓа. А пророкувањата? Ќе минат. Јазиците? Ќе замолкнат. Знаењето? Ќе исчезне.

9  
Зашто само делумно спознаваме и само делумно пророкуваме

10  
а кога ќе дојде совршеното, тогаш ќе исчезне делумното.

11  
Кога бев дете, зборував како дете, како дете мислев, како дете размислував; а кога станав маж, го оставив детското.

12  
Сега гледаме како низ огледало, не­јасно, а тогаш – лице в лице; сега спознавам делумно, а тогаш ќе спознаам совршено како што и сум спознаен.

13  
А сега остануваат овие три работи: верата, надежта и љубовта; најголема меѓу нив е љубовта.

1 Corinthians 13 in Macedonian

1 Corinthians 13 in English

Posted on

Планови за читање – Јуни 2020

1 Коринтјаните

8 дена

Овој едноставен план ќе те одведе низ книгата на 1 Коринтјаните и ќе биде одличен за лично или групно проучување.

Радикална мудрост: Седумдневно патување за татковци

7 дена

Неверојатно е колку многу нè обликуваат нашите татковци. Никој не ја избегнува моќта и влијанието на својот земен татко. Бидејќи повеќето мажи не се чувствуваат подготвени да бидат татковци, важно е да се побара водство, од Светото Писмо и од другите татковци. „Радикална мудрост“ е патување за татковците, кон мудрост и проникливост, комбинирајќи ги принципите и мудроста од Светото Писмо со искуството на еден постар, помудар татко кој научил од своите грешки.

Адамант со Лиза Бевере

6 дена

Што е вистина? Нашата култура паѓа на лагата дека вистина е река која се менува со текот на времето. Но, вистината не е река—таа е карпа. Во бесното море на несогласувања, овој план ќе ти помогне да си ја прицврстиш душата—давајќи ти јасна насока во овој изгубен свет.
Posted on

Планови за читање – Мај 2020

Не си напуштен: Да се најде слобода како синови и ќерки на Совршен Татко

5 дена

Louie Giglio, Пасторот и Основачот на Passion Movement, го споделува овој 5-дневен план за да го разберете карактерот на Бог на начин на кој ќе ви се смени животот – како совршен Татко, кој сака да чекорите во слобода како Негови сакани синови и ќерки.

Божјиот план за твојот живот

6 дена

Кој е Божјиот план за твојот живот? Тоа е едно од највообичаените прашања кои ги имаме како следбеници на Христос. Но, доколку сме искрени, идејата за еден Божји план за нашите животи може да ни изгледа преголема. Во текот на ова шест-дневен план за читање ќе научиме дека Божјиот план не е толку сложен како што често си замислуваме, туку е многу подобар отколку што можеме да замислиме. 

7 нешта од Библијата за родителството

7 дена

Воспитувањето деца е тешко, па дури и во најдобрите околности. Во ова седумдневно читање, едни обични родители – кои истовремено се и вработени во YouVersion – раскажуваат како ги применуваат библиските принципи во оваа важна област од нивните животи. Читањето за секој ден опфаќа по една слика за библиски стих која можеш да ја употребиш за да ти помогне во твоето патување.

Римјаните

8 дена

Овој едноставен план ќе ве спроведе преку посланието до римјаните и ќе биде одличен за индивидуални или групни учења.

Posted on

Планови за читање – Април 2020

Приказната за Велигден

7 дена

Како ќе ја поминеш последната недела од твојот живот, ако знаеш дека ти е последна? Последната недела од животот на Исус, додека тој беше на земјата, беше исполнета со впечатливи моменти, исполнети пророштва, лични молитви, значајни дискусии, симболични дела, и настани кои го променија светот. Наменет да почне во понеделникот пред Велигден, секој ден од овој план за читање те води низ главите на четирите евангелија кои ја раскажуваат приказната за Светата седмица.

Јован

10 дена

Овој едноставен план ќе те води низ Евангелието според Јован од почеток до крај.
Posted on

Планови за читање – Март 2020

60 дневно патување низ Новиот Завет

60 дена

Овој план за читање на Библијата ќе те води низ Новиот Завет во 60 дена. Многу книги можат да те информираат, но Библијата ја има моќта да те трансформира. Прочитај ги дневните пасуси и ќе бидеш зачуден од моќта, увидот и трансформацијата што ќе се случи во твојот живот.

Марко

8 дена

Овој едноставен план ќе те води низ Евангелието според Марко од почеток до крај.

Потрагата

7 дена

Во овој 7 – дневен план за читање, Бет Мур користи прашања од Светото Писмо за да те воведе во интимноста со Оној кој најдобро те познава. Искривениот интерпункциски знак на крајот од реченицата зборува за љубопитност, интерес или можеби сомнеж. Прашањето е покана кон ранливост, кон интимност. Библијата не се срами од таква покана. Одново и одново гледаме како Божјите луѓе поставуваат прашања за својот Создател. Исто така гледаме како Бог на универзумот поставува прашања за своите созданија. Потрагата е предизвик да се прифати поканата. Научи се да копаш во Писмото, да одговориш на Божјите прашања и да ги поставиш своите прашања пред Него. Нека искривениот интерпункциски знак биде мапа која ќе те води кон поблиска врска со Таткото.