Idinagdag sa Panalangin sa YouVersion: Tumugon sa Mga Panalangin sa pamamagitan ng Mga Komento!

Huwag kayong mabalisa tungkol sa anumang bagay. Sa halip, hingin ninyo sa Diyos ang lahat ng inyong kailangan sa pamamagitan ng panalanging may pasasalamat.

MGA TAGA-FILIPOS 4:6

Ilang linggo lamang ang nakararaan, ibinahagi namin sa iyo ang pinakabagong tampok ng BibleApp, ang Panalangin sa YouVersion. Habang aming patuloy na dinidibelop ang tampok na ito sa nakalipas na mga buwan, hindi namin lubos akalain kung gaano natin ito kakailanganin ngayon. Sa panahon na ito ng kahirapan, tumutulong na ang Panalangin sa YouVersion na subaybayan ang mahigit isang milyong mga panalangin at higit pa.

Kung madalas mong nagagamit ang Panalangin sa YouVersion tulad namin, malamang ay alam mo na rin kung gaano ito nakapagpapalakas ng loob na makita na ipinagdarasal ka ng iyong mga kaibigan, at nagpo-post sila ng update sa kani-kanilang mga Panalangin.

Ngayon ay ibinabalita namin ang bagong adisyon sa Panalangin sa YouVersion na mag-uugnay sa bawat isa sa atin nang higit pa: Mga Komento.

Mga kapatid, ipanalangin natin ang bawat isa. At bilang karagdagan, magbigay din tayo sa bawat isa ng pampalakas ng loob, tulong, at suporta.

Ang Mga Komento sa Panalangin ay sisimulang ilabas nang paunti-unti sa linggong ito. Panatilihing updated ang iyong Bible App upang makita ito.

Tingnan kung may Update

Ang post na ito ay makikita rin sa: Ingles Afrikaans Indonesian Aleman Espanyol Pranses Italyano Dutch Portuguese Romanian Russian Hapon Chinese (Simplified) Chinese (Traditional) Korean