Seeking God every day.
Neem ‘n oomblik om na te dink aan al die spesiale ma’s wat jy ken… Jou vriendin wat altyd daar is as jy haar nodig het. Daardie buurvrou wat haar gesin so goed versorg. Die vrou by die werk wat jou inspireer om die beste weergawe van jouself te wees. En daar is natuurlik jou eie ma.
Vandag is die ideale dag om jou ma te vertel hoeveel jy haar waardeer. Sê “dankie” met hierdie spesiale versbeeld. (Die meeste ma’s wat ons ken, waardeer ook telefoonoproepe.)
Wat keer jou om gereeld met God te praat?
Dit verg oefening om met gebed gemaklik te wees. En tog — as ons wil groei in ons geloof, is dit belangrik dat ons eerlike gesprekke met God het.
Voorbeeld:
God, ons weet dat U bo alle dinge is en dat U alles bymekaar hou. Word vandag verheerlik in ons wêreld. Mag mense wat U nog nooit ontmoet het nie, vir U vind. Amen.
“Wees waaksaam en bid gedurig vir al die gelowiges.”
Voorbeeld:
God, herstel asseblief die wêreld. Doen wat die beste vir u koninkryk is en vul u mense met genade, krag en blink idees, sodat ons ‘n geestelike bydrae tot ons wêreld kan maak. Amen.
Voorbeeld:
God, U weet wat ek nodig het voordat ek dit weet. Gee my asseblief vandag wat ek nodig het, sodat ek op U kan fokus en nie op my probleme nie. Wanneer dit dan by die behoeftes van môre kom, vertrou ek dat U sal voorsien. Amen.
Voorbeeld:
God, U alleen ken ons bedoelings. Vergewe asseblief die mense wat my te na gekom het, want ek het hulle vergewe. En Here, vergewe my, want ek het ook foute gemaak. Moet asseblief nie ons foute teen ons hou nie. Amen.
Voorbeeld:
God, daar is soveel lyding in ons wêreld. Genees asseblief die siekes en bring vrede en lewe aan ons vermoeide siele. Beskerm ons liggame en ons gedagtes, en gee ons u krag om versoekings en beproewinge te verduur. Amen.
Hierdie idees is nie nuut nie — Jesus het dit meer as 2 000 jaar gelede gebruik om sy dissipels te leer hoe om te bid:
Probeer ‘n gebedslys in jou Bybeltoep skep om jou te help om ‘n gereelde gebedsritme te skep. Kies elke dag ‘n paar dinge op die lys om op te fokus. (Jy kan ook vriende uitnooi na jou gesprekke met God, deur jou gebede met hulle te deel.)
Met verloop van tyd sal jy na daardie lys kan terugkyk en nadink oor wat God besig was om op daardie tydstip in jou lewe te doen.
|
|
Jy bly so veel as moontlik in jou huis, pas sosiale afstand toe en hoor hoe dit met familie, vriende en bure gaan. Ons wil graag nog iets voorstel wat jy kan doen om vir ander om te gee.
Ons almal kom voor uitdagings te staan in hierdie wêreldwye pandemie, maar wat jy dalk nie besef nie, is dat ons ook ‘n seisoen van groot geestelike ontwaking beleef. Regoor die wêreld soek mense antwoorde en hoop. Wat miljoene mense vind, is ‘n uitnodiging na ‘n verhouding met God.
Tydens die afgelope ses weke het ons aanskou hoe God op wonderbaarlike maniere werk en ons het ook die grootste toename ooit in die gebruik van die Bybeltoep gesien, met meer mense wat na hoop en vrede soek, Bybelverse en Versbeelde deel en gesinne wat saam God se woord lees deur middel van die Bybel App vir Kinders. Daar is ook meer as 1,6 miljoen gebede in die afgelope maand bygevoeg. Ons vrywilligers is meer aktief as ooit tevore en span hulle tyd en talente in om YouVersion se Gemeenskap te dien.
“YouVersion het my toegang tot die Bybel gegee, wat my verhouding met God versterk het en dit vir my moontlik gemaak het om elke dag sy woord te lees. Dis ‘n groot seën en ek is so dankbaar om in hierdie moeilike tyd aan goeie boodskappe herinner te word.” – Imani S
Ons weet dat God baie meer wil doen terwyl Hy voortgaan om mense regoor die wêreld nader aan Hom te trek. Baie mense sal terugdink aan hierdie tydstip in die geskiedenis as ‘n bepalende oomblik in hul verhouding met God. Hierdie werk maak nou saak en dit maak saak vir die ewigheid.
Ons glo heelhartig dat ‘n daaglikse roetine om God te soek, die krag het om lewens te verander. Ons hoop dat elke persoon in jou gemeenskap op ‘n belangrike reis is om te word wat God hulle gemaak het om te wees, terwyl hulle in Hom bly en elke dag nader aan Hom beweeg. Ons besef dat daar deesdae baie behoeftes in ons gemeenskappe is en ons hou aan om saam te bid vir ons wêreld en vir mense wat finansieel sukkel.
Ons besef ook dat baie die werk ondersteun wat hoop aan mense gee. Ons is bevoorreg om hande te vat in hierdie taak om mense in elke land op aarde te help om ons wonderlike, liefdevolle God elke dag te soek.
Vader God, dankie dat niks waarteen ons stry vir U onmoontlik is om te oorkom nie. Voor alles was Hy al daar, en deur Hom bly alles in stand.
Hierdie tydperk is vir ons almal moeilik, maar veral vir ons broers en susters wat teen verslawing stry. Help hulle om te besef dat hul stryd nie hul identiteit of waarde definieer nie.
Hulle is God se kinders, God het hulle geroep vir sy doel. Wys hulle dat hulle kettings gebreek is.
Help hulle om versoeking te weerstaan sodat hulle ten volle kan leef. Gee hulle u krag om aan te hou veg as hulle oorweldig voel en stuur mense na hulle toe wat hulle sal ondersteun.
Beskerm hul liggame, harte en gedagtes. Bewaar hulle teen versoeking en verlos hulle van die bose.
In die Naam van Jesus, amen.
Jy ken seker daardie gevoel van opwinding wanneer jou hoop opvlam? Of wanneer jou hart met vrede gevul word? Of as jy bemoedig word? Mense vertel dikwels van die diep insig wat hulle in die leesplanne vind. Ook oor hoe die daaglikse versbeelde die spesifieke behoeftes in hulle lewens aanspreek.
Jy kan allerhande dinge in die Bybeltoep deel: Bybelverse, versbeelde, leesplanne, gebede, kentekens en inhoud van daaglikse oordenkings. (Jy kan selfs die Bybeltoep deel.) Dis so maklik! Oral waar jy hierdie deel-ikone sien, druk daarop… en laat iemand anders saam met jou daaroor goed voel.
Deel op Facebook
Deel op Twitter
Deel per e-pos