Posted on

Waarvoor bid jy?

'n Man wat bid

Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.

FILIPPENSE 4:6

Genesing? Vrede? Beskerming? ‘n Deurbraak? Bid jy vir jouself? Of vir iemand vir wie jy omgee? Waarvoor jy ook al bid, oorweeg om iemand wat jy vertrou uit te nooi om saam met jou te bid.

Dra mekaar se laste, en gee op dié manier uitvoering aan die wet van Christus.

GALASIËRS 6:2

Dalk het jy alreeds ontdek dat YouVersion se nuwe Gebedsfunksie ‘n goeie manier is op rekord te hou vir alles waarvoor jy bid. YouVersion Gebed laat jou ook toe om vriende in jou gesprek met God uit te nooi. Al wat jy moet doen om ander uit te nooi om te bid wanneer jy ‘n Gebed byvoeg, is om op Deel met Vriende te druk.

Deel met vriende op Gebedskaart

‘n Gebedsketting laat jou Bybeltoep Vriende toe om jou Gebed met hulle Vriende te deel, wat dit dan weer met hulle Vriende kan deel, ensovoorts.

Skep ‘n Gebedsketting

Laat jou Vriende en Vriende van jou Vriende toe om hierdie Gebed te deel

Skakel aan

Voeg ‘n Gebed by

FacebookDeel op Facebook

TwitterDeel op Twitter

E-posDeel per e-pos

Posted on

Dis moeilik om ‘n gesin groot te maak.

Wat behels dit om ‘n
“Goeie Ouer” te wees?

Dit kan moeilik wees om ‘n gesin groot te maak. Ons wil almal vir ons kinders meer gee as wat ons gehad — geborgenheid en standvastigheid, verrykende ervarings en geleenthede om te groei. Hoe moet ons ons kinders geestelik lei om ‘n beter wêreld te skep?

Gelukkig hoef ons dit nie self uit te dink nie. Baie mense voor ons het hulle ervarings oor dinge wat vir hulle werk, neergeskryf. Hierdie leesplanne kan jou deur die moeilike tye op jou geestelike reis help:

Kyk na die Leesplanne

Posted on

Voel die Lewe buite Beheer? Onhou Hierdie Drie Dinge:


Wees dus sterk en hou goeie moed, julle almal wat julle vertroue in die Here stel.

Psalm 31:25

Vier honderd jaar. Dis hoe lank die Israeliete vir God gewag het om hulle uit slawerny te bevry. Nadat hulle Egipte verlaat het, het God hulle nie reguit na die beloofde land gelei nie.

In plaas daarvan het hulle aan die voet van ‘n berg kamp opgeslaan terwyl God vir Moses instruksies gegee het. In daardie tyd het die magtige teenwoordigheid van die Here op die berg gebly.

Na ‘n vertraging van 40 dae het die Israeliete ongeduldig geraak…dus het hulle God verwerp en gedoen wat hulle wou.

Jy is nie die enigste een wat al ooit gefrustreerd gevoel het in ‘n onseker tyd wat langer aangehou het as wat jy verwag het nie.

Om te wag kan tot teleurstelling en frustrasie lei. In daardie oomblikke kan ons so op ons omstandighede gefokus raak, dat ons vergeet God is nog steeds in beheer. Ons vra dan: “As God in beheer is, waar is Hy dan? Hoekom het niks verander nie?”

Hier is drie waarhede om te onthou:

  1. Wat jy aanbid, word duidelik wanneer jy moet wag

    2. Toe die Israeliete se planne vertraag is, het dit wat hulle eintlik van waarde geag het, aan die lig gekom: hulle onmiddellike bevrediging.

    Wat doen jy as jy ontevrede is oor die omstandighede waarin jy jou bevind? Dit waarop jy fokus, onthul wat vir jou waardevol is en wat vir jou waarde het, bepaal wat jy aanbid.

  1. Om te wag is nooit ‘n mors van tyd nie

    2. God het nie sy belofte aan die Israeliete weerhou nie — Hy was besig om hulle daarvoor voor te berei.

    God se tydsberekening is anders as ons s’n. Die wagtydperk is miskien net die tyd waarin God jou voorberei vir die planne en doel wat Hy vir jou het.

  1. Om te wag help ons om op God se getrouheid te konsentreer

    2. Hy bly getrou. God, wat die Israeliete geduldig beskerm het en ook vir hulle voorsien het, het die dood oorwin sodat jy die ewige lewe kan hê.

    As jy moeg word vir die gewag, kyk na bo en kyk terug. Kyk na die bewyse van God se teenwoordigheid en kyk terug na wat Hy vir jou gedoen het. Dit sal jou help om te bly hoop.

Om op God te hoop is nooit verlore tyd nie, want die Een wat die dood oorwin het, is nog steeds in beheer en Hy werk terwyl jy wag.

Dink na oor God se Getrouheid

Posted on

Dink aan ‘n ma wat jou inspireer…

Die liefde is geduldig, die liefde is vriendelik - 1 Korintiërs 13:4 - versbeeld

Neem ‘n oomblik om na te dink aan al die spesiale ma’s wat jy ken… Jou vriendin wat altyd daar is as jy haar nodig het. Daardie buurvrou wat haar gesin so goed versorg. Die vrou by die werk wat jou inspireer om die beste weergawe van jouself te wees. En daar is natuurlik jou eie ma.

Vandag is die ideale dag om jou ma te vertel hoeveel jy haar waardeer. Sê “dankie” met hierdie spesiale versbeeld. (Die meeste ma’s wat ons ken, waardeer ook telefoonoproepe.)

Deel die Versbeeld

Posted on

Hoe om te bid as jy nie weet wat om te bid nie

Vrou wat bid

Wat keer jou om gereeld met God te praat?

Dit verg oefening om met gebed gemaklik te wees. En tog — as ons wil groei in ons geloof, is dit belangrik dat ons eerlike gesprekke met God het.

As jy nie seker is waaroor om te bid nie…

Hier is vyf voorbeelde van daaglikse gebede:

  1. Bid dat God Bekend sal Word

“Aan Hom wat deur sy krag wat in ons werk, magtig is om oneindig meer te doen as wat ons bid of dink… aan Hom kom die eer toe, in die kerk, deur ons verbondenheid met Christus Jesus, deur al die geslagte heen tot in alle ewigheid…”

EFESIËRS 3:20-21

Voorbeeld:

God, ons weet dat U bo alle dinge is en dat U alles bymekaar hou. Word vandag verheerlik in ons wêreld. Mag mense wat U nog nooit ontmoet het nie, vir U vind. Amen.

  1. Bid vir die Wêreld

“Wees waaksaam en bid gedurig vir al die gelowiges.”

EFESIËRS 6:18

Voorbeeld:

God, herstel asseblief die wêreld. Doen wat die beste vir u koninkryk is en vul u mense met genade, krag en blink idees, sodat ons ‘n geestelike bydrae tot ons wêreld kan maak. Amen.

  1. Bid vir Wat jy Nodig Het

“Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.”

FILIPPENSE 4:6

Voorbeeld:

God, U weet wat ek nodig het voordat ek dit weet. Gee my asseblief vandag wat ek nodig het, sodat ek op U kan fokus en nie op my probleme nie. Wanneer dit dan by die behoeftes van môre kom, vertrou ek dat U sal voorsien. Amen.

  1. Bid vir Vergifnis

“En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe.”

MARKUS 11:25

Voorbeeld:

God, U alleen ken ons bedoelings. Vergewe asseblief die mense wat my te na gekom het, want ek het hulle vergewe. En Here, vergewe my, want ek het ook foute gemaak. Moet asseblief nie ons foute teen ons hou nie. Amen.

  1. Bid vir Genesing en Beskerming

“As daar iemand van julle is wat siek is, moet hy die ouderlinge van die gemeente laat kom, en hulle moet vir hom bid en hom met olie salf onder aanroeping van die Naam van die Here.”

JAKOBUS 5:14

Voorbeeld:

God, daar is soveel lyding in ons wêreld. Genees asseblief die siekes en bring vrede en lewe aan ons vermoeide siele. Beskerm ons liggame en ons gedagtes, en gee ons u krag om versoekings en beproewinge te verduur. Amen.

Hierdie idees is nie nuut nie — Jesus het dit meer as 2 000 jaar gelede gebruik om sy dissipels te leer hoe om te bid:

Ons Vader wat in die hemel is,
laat u Naam geheilig word;
laat u koninkryk kom;
laat u wil ook op die aarde geskied,
net soos in die hemel.
Gee ons vandag ons daaglikse brood;
en vergeef ons ons oortredings
soos ons ook dié vergewe
wat teen ons oortree;
en laat ons nie in versoeking kom nie
maar verlos ons van die Bose.

MATTEUS 6:21

Probeer ‘n gebedslys in jou Bybeltoep skep om jou te help om ‘n gereelde gebedsritme te skep. Kies elke dag ‘n paar dinge op die lys om op te fokus. (Jy kan ook vriende uitnooi na jou gesprekke met God, deur jou gebede met hulle te deel.)

Met verloop van tyd sal jy na daardie lys kan terugkyk en nadink oor wat God besig was om op daardie tydstip in jou lewe te doen.

Bid Nou

FacebookDeel op Facebook

TwitterDeel op Twitter

E-posDeel per e-pos

Laai Die YouVersion Bybeltoep

Waar kan ek ‘n Bybel-toep in Afrikaans kry?