Category: Gebed

“Maar hou moed: Ek het die wêreld klaar oorwin.”

Onmiddellik nadat Jesus hierdie woorde gesê het, het Hy gebid dat die kerk eensgesind mag wees, net soos Hy en die Vader een is, sodat die wêreld Hom kan ken.

Wat is eensgesindheid?

Eensgesindheid beteken om dieselfde doel en strewe te hê; dit behels dat ons ons wil aan Christus se wil onderwerp. Selfs al is eensgesindheid moeilik, het Jesus geglo dit is nodig sodat die wêreld Hom kan ken.

Wanneer ons eensgesindheid in die liggaam van Christus kweek, erken ons dat Jesus in beheer is en dat sy genade voldoende is om ons verskille te bedek.

Kom ons soek vandag God se hart op en vra Hom om sy kerk volkome eensgesind te maak, sodat die wêreld kan glo in die Een wat God gestuur het om ons te verenig.

Jesus,

dankie dat U die wêreld oorwin het. Daarom kan ons eensgesindheid met U ervaar. Omdat ons met U verenig kan wees, kan ons ook eenheid met mekaar ervaar.

Dit is U wat alle dinge bymekaar hou. Terwyl ons U die middelpunt van ons lewens maak, help ons ook om al die maniere te sien hoe U in die wêreld aan die werk is.

Trek ons nader aan u hart sodat ons mekaar kan begin sien soos U ons sien. Laat dit ons aanmoedig om nie slegs na ons eie belange om te sien nie, maar ook dié van ander.

Laat u koninkryk kom, op die aarde, net soos in die hemel. Verenig ons dus in doel sodat niks mense sal sal weerhou daarvan om U te soek en in U te glo nie. Mag ons sulke volkome eenheid ervaar dat die wêreld sal weet dis U wat ons gestuur het en dat U hulle onvoorwaardelik liefhet.

Kom, Here Jesus, en doen in ons lewens wat slegs U kan doen.

In die Naam van Jesus, amen.

VOEG BY GEBEDSLYS

Wat kom in jou gedagtes op wanneer jy aan vrede dink?

Vrede kan baie dinge beteken, maar as die definisie nie in die Woord van God geanker is nie, dan is die vrede waarna ons smag slegs ‘n skadu van die vrede wat God verlang om aan ons te gee.

Kom ons vra op hierdie oomblik dat die vrede van God ons lewens en ons wêreld met hierdie twee gebede vul.

Ervaar God se Vrede

O God, my lewe is met beproewings en swaarkry gevul. Soms voel ek oorweldig en bedroef. Nogtans is ek dankbaar dat U in elke omstandigheid by my is. In U kan ek vrede hê. Selfs al gaan ek vandag deur donker dieptes, sal ek nie bang wees nie, want U is by my. Ek sal moed hou, want U het die wêreld klaar oorwin. Ek sal my vertroue op U stel. Terwyl ek dit doen, vul my met alle vreugde en vrede sodat my hoop al hoe sterker kan word, deur die krag van die Heilige Gees! Laat die vrede van God, wat alle verstand te bowe gaan, oor my hart en gedagtes die wag hou in Christus Jesus. Amen.

Stoor hierdie Gebed

Vrede vir Ons Wêreld

Liewe Vader, dankie dat U die wêreld klaar oorwin het. Dankie dat in al hierdie dinge ons meer as oorwinnaars is deur Hom wat vir ons liefhet. Help ons om vandag van die kwaad af weg te bly, “te doen wat goed is, vrede te soek en dit na te jaag.” Maak ons gretig om die eenheid wat die Gees tussen ons gesmee het, te handhaaf deur nie te gou te praat nie en nie te gou kwaad te word nie.

Mag wat ek sê en wat ek dink tog vir U aanneemlik wees, Here, my Rots en my Verlosser. Rig ons voetstappe op die pad van vrede sodat ons harte van wysheid kan bekom. Herstel ons land o Heer en seën u volk met oorvloedige vrede. Amen.

Stoor hierdie Gebed