Posted on

Ang YouVersion ay nagdiriwang ng 500 milyon na pag-install!

Ito ay nagsimula bilang katanungan.

“Paano kung maaaring magamit ng mga tao ang Biblia saan man sila magtungo?”

Noong 2008, ito ay naging YouVersion–isa sa mga 200 na libreng app sa App Store.

Ang pasimulang pagnanais na ang Banal na Kasulatan ay magamit ng lahat ng tao ay naging isang pandaigdigang kilusan ng mga taong nagnanais katagpuin ang Diyos sa araw-araw sa pamamagitan ng Kanyang Salita.

Bahagi ka ng kilusang ito…

… Kilusan na nailagay na sa kalahating bilyong mga aparato.

Isang kilusang naging posible sapagkat…

Ang Biblia ay BUHAY

Isang MALAKING bagay ang nangyayari.

Ang Diyos ay aktibong kumikilos sa pamamagitan ng YouVersion—at daan-daang milyong mga tao ang bahagi nito.

Sa tuwing may nag-i-install ng YouVersion, nagkakaroon sila ng agarang access sa isang Komunidad na nakasentro sa Biblia. Isang Pamayanang inaanyayahan ang Diyos na buuin ang kanilang buhay sa pamamagitan ng Banal na Kasulatan, Mga Gabay, at Panalangin.

T. Rushing

“Nang matuklasan ko ang [YouVersion], nag-aral, nagbasa ng Mga Gabay, at nakipag-ugnayan sa iba, napatuon ako sa kapangyarihan ng Diyos na dumadaloy sa YouVersion Community.”

T. Rushing

Ang Diyos ay hindi pa tapos.

Ngayon ay ating ipinagdiriwang ang 500 milyon na pag-install … ngunit hindi lamang natin iniisip ang mga nagawa ng Diyos, tayo ay umaasa rin sa Kanyang mga susunod pang gagawin.

Isipin isang araw sa hinaharap kung saan 1 bilyong tao ang nakapag-install ng YouVersion.

Ikaw ay maaaring makatulong upang maganap ito.

Ang pinakamahusay na paraan upang matulungan kaming ipagdiwang ang makasaysayang sandaling ito ay sa pamamagitan ng pagbabahagi ng YouVersion sa isang tao sa iyong buhay na hindi pa nababago ng Salita ng Diyos.

Milyun-milyong mga tao pa rin ang naghihintay na mabago ng Biblia, at ikaw ay perpektong nakaposisyon upang maabot ang ilan sa kanila. Hayaan ang Diyos na aktibong kumilos sa pamamagitan mo sa pamamagitan ng pag-anyaya sa ibang tuklasin na Ang Biblia ay Buhay.

Ibahagi ang YouVersion

Kapag ibinahagi mo ang YouVersion mula sa loob ng app, makakatanggap ka ng Ibahagi ang YouVersion Badge.

Posted on

Salamat sa Diyos para sa Kanyang Salita

Ang Biblia ay BUHAY

Manalangin tayong Sama-sama

Sa tuwing bubuksan mo ang YouVersion, nakikipag-ugnayan ka sa Diyos sa pamamagitan ng Kanyang Salita. At kapag binuksan mo ang app, may access ka sa Banal na Kasulatan sa isang wikang naiintindihan mo.

Isipin kung anong regalo iyon.

Ngunit ang Banal na Kasulatan ay hindi lamang magagamit sa inyong wika—sapagkat dahil sa ating mga mapagbigay na katuwang, ang YouVersion ay nag-aalok ng Biblia sa 1,700 na wika.

Ang Diyos ay bumibihag sa puso ng mga taong hinahanap Siya sa pamamagitan ng Kanyang Salita, at lumilikha ng pandaigdigang Pamayanan na nakasentro sa Banal na Kasulatan.

At Siya ay nagsisimula pa lamang.

Habang papalapit ang YouVersion sa 500 milyong mga pag-install, magpasalamat tayo sa Diyos na gumawa upang maging posible para sa atin na lumapit sa Kanya sa pamamagitan ng Kanyang Salita. Hilingin natin sa Diyos na magpatuloy na baguhin ang mga puso sa buong mundo sa pamamagitan ng Banal na Kasulatan, at ipanalangin natin ang mga tao sa ating buhay na hindi pa personal na nakakakilala sa Diyos.

Isang Panalangin ng Pagdiriwang

O Diyos,

Salamat sa pagbubuklod mo sa Pamayanan ng mga mananampalataya sa pamamagitan ng Iyong Salita. Binago ng Banal na Kasulatan ang aming mga buhay, binago ang aming mga puso’t isipan, at inihayag ang malalim na pangungulila namin sa Iyo. Ang Salita mo ang dahilan kung kaya’t naitatag ang Pamayanan ng YouVersion.

Panginoon, nais naming patuloy na lumaganap ang iyong Salita sa buong mundo sapagkat ito ay ganap at totoo. Ang iyong Salita ay hindi bumabalik nang walang laman. Sa pamamagitan ng Banal na Kasulatan, inilahad Mo kung ano ang mabuti at mahusay. Ang Iyong Salita ay puno ng mga pangakong gumagabay at tumatanglaw sa aming daan. Ito ay nagtuturo sa amin, gumagabay sa amin, nagwawasto sa amin, at nagbibigay ng aliw sa amin. Nais naming makita ang Iyong mga salita na patuloy na nagbabago ng aming mundo.

Pagkalooban Mo kami ng higit pang mga pagkakataon na maibahagi ang Banal na Kasulatan sa iba. At sa pagkakaloob Mo sa amin ng mga pagkakataon na ito, mangyaring ihanda Mo ang mga puso at isipan upang makilala Ka pa ng masinsinan.

Gawin Mo kaming mga nilalang na ayon sa Iyong pagkakalikha sa amin upang kami ay makapagbigay kaluwalhatian sa Iyo sa lahat ng oras. Kami ay Iyong bayan, at iniaalay namin nang buo ang aming mga sarili sa Iyo.

Sa ngalan ni Jesus,
Amen.

I-save ang Panalangin

Posted on

Buuin ang isang natatanging Gabay, at magkamit ng isang Badge!

Badge ng Gabay na Ang Biblia ay Buhay

Tuklasin kung paanong ang Biblia ay Buhay.

Ang Diyos na lumikha ng sansinukob ay naghihinga ng bagong buhay sa mundo sa pamamagitan ng kapangyarihan ng Kanyang Salita. At ang Salita ng Diyos ay buhay at aktibo dahil ang ating Diyos ay buhay at aktibo.

Ang Biblia ay humuhubog sa komunidad ng YouVersion, at sa buwang ito ay malapit na tayo sa isang mahalagang pangyayari. Habang papalapit ang YouVersion sa 500 milyong pag-install, ang ating pandaigdigang Komunidad ay nagbubulay-bulay sa kung ano na ang nagawa ng Diyos.

Sumali sa pandaigdigang pagdiriwang sa pamamagitan ng pagkumpleto sa bagong 7-araw na gabay ng YouVersion na Ang Biblia ay Buhay, at tuklasin kung paano ginamit ng Diyos ang Banal na Kasulatan sa pagbabago ng mga buhay sa buong mundo. Ipagdiwang natin kung paano binago ng Biblia ang kasaysayan.

Kumpletuhin ang Gabay na ito sa buwan ng Nobyembre, at makakakuha ka ng limitadong-edisyon na Badge ng Gabay na Ang Biblia ay Buhay.

Badge ng Gabay na Ang Biblia ay Buhay

Simulan ang Gabay

Posted on

Malapit na nating maabot ang isang malaking tagumpay!

Ang Biblia ay BUHAY

Isang bagay na hindi kapani-paniwala
ang nangyayari…

Mag-install ng counter sa Bible App

Ang YouVersion ay nasa takdang oras upang maabot ang 500,000,000 pag-install ng app sa nalalapit na panahon.

Sa nakaraang 13 taon, nakita natin ang Diyos na may ginawang higit pa sa maaari nating hilingin, isipin, o akalain sa pamamagitan ng YouVersion.

Nang mailunsad ang App Store noong 2008, ang YouVersion ay isa sa mga unang 200 apps na maaaring magamit. Noong katapusan ng unang linggo, 83,000 katao ang nag-install ng Biblia sa kanilang device. Ngunit ngayon, ang isang Pamayanang nagsimula sa 83,000 na mga pag-download sa isang linggo ay halos umabot na sa kalahating bilyon.

Ang bilang na iyon ay kumakatawan sa mga tao mula sa buong mundo—mula sa iba`t ibang mga bansa at nagsasalita ng iba’t ibang mga wika—na aktibong lumalapit sa Diyos sa pamamagitan ng Kanyang Salita. At isa ka sa kanila.

Logo ng Bible App

Ipagdiwang ang Salita ng
Diyos na kumikilos.

Habang papalapit na tayo sa mahalagang pangyayaring ito sa gitna ng Nobyembre, inaanyayahan namin ang Pamayanan na magdiwang kasama namin na ang Biblia ay Buhay. Kung bubuksan mo ang YouVersion ngayon, makakakita ka ng isang counter na sumusubaybay sa ating pagsulong tungo sa 500 milyong pag-install sa impuntong oras. Kapag nakita mo ang counter, isipin kung ano ang kinakatawan ng bilang na iyon. Pagkatapos, pagbulay-bulayan kung ano ang naisakatuparan ng Diyos sa pamamagitan ng Kanyang Salita, at ipagdiwang ang Kanyang katapatan.

Tingnan kung paanong ang Biblia ay buhay.

Sa mga susunod na linggo, ipagdiwang natin ang makasaysayang sandaling ito — at nais naming sumali ka sa amin!

Simulan ang pagdiriwang sa pamamagitan ng panonood ng espesyal na video na ito, na nagtatampok ng mga taong ang buhay ay binago ng Salita ng Diyos.

(Upang mapanood ang video na ito sa iyong wika, pumunta sa mga setting ng video (gear icon), i-tap ang “Mga Subtitle / CC,” at piliin ang iyong wika.)

Nais mong makakuha ng isang Badge?

Habang tayo ay patungo sa 500 milyon, sumali sa pagdiriwang sa pamamagitan ng pagbabahagi ng YouVersion app sa isang kaibigan!

At kapag ibinahagi mo ang YouVersion mula sa loob ng app, makakakuha ka ng Ibahagi ang YouVersion Badge.

Ibahagi ang badge ng YouVersion

Ibahagi ang YouVersion

Posted on

Mayroon bang Biblia sa iyong wika?

Mundo

BIBLIA
PARA SA
LAHAT

Ang mga Salita ng Diyos ay buhay at aktibo, at mayroon ang mga itong kapangyarihan na baguhin ang mga buhay. Kapag Siya ay nagsasalita, ang ilaw ay tumatagos sa kadiliman. Kapag nagsasalita ang Diyos, ang dati ay nagiging bago.

Paano ka hinuhubog ng Salita ng Diyos?

Mayroong milyon-milyong mga tao na naghahanap sa Diyos sa pamamagitan ng Kanyang Salita na makikita sa YouVersion. Sa tuwing bubuksan mo ang app, mayroong kang pagkakataon na makarinig mula sa Diyos sa isang wika na nauunawaan mo—isang wika na nangungusap sa iyo.

…Ngunit paano kung wala ka nito?

Sa ngayon, mayroong higit na 2,500 na mga Salin ng Biblia sa higit na 1,700 mga wika na magagamit sa YouVersion…

Ngunit mayroon pa ring libo-libong mga wika na kailangang maisalin.

Gaano mag-iiba ang iyong buhay kung walang mga Salin ng Biblia na magagamit sa iyong wika?

Sa ngayon, halos isang bilyong tao ang nakikipag-usap sa kanilang mga ina, kanilang mga ama, kanilang mga kapatid, at kanilang mga kapit-bahay sa kanilang wika … ngunit hindi nila kailanman naranasan ang Diyos na nangungusap sa kanila sa pamamagitan ng Kanyang Salita sa kanilang wika.

Ang Biblia ay literal na wala sa kanilang katutubong wika. Ngunit isipin kung ano ang mangyayari sa kanilang mga pamilya, mga pamayanan, at mga bansa kapag nagbago iyon.

Tumulong sa paghubog ng hinaharap ng isang tao.

Sa ngayon, mayroong isang kilusan ng mga taong nakatuon sa pagtulong na maipaabot ang Biblia sa lahat sa taong 2033, at maaari mo kaming tulungang maabot ang layuning ito.

Ang aming Pananaw
para sa 2033

95% ng populasyon ng mundo ay
magkakaroon ng isang buong Biblia

99.9% ay magkakaroon kahit
papaano ng Bagong Tipan

100% ay magkakaroon kahit papaano
ng isang bahagi ng Banal na Kasulatan

Ipaabot natin ang Biblia sa Lahat.

Kapag ikaw ay nagbigay sa Biblia para sa Lahat, iyong tinutulungan ang aming mga pandaigdigang katuwang sa Biblia na isalin ang Banal na Kasulatan sa bawat isang wika. At sa sandaling ang isang bagong bersyon ay nakumpleto, maaari naming gawing magagamit ito ng buong Pamayanan ng YouVersion.

Ang aming pananaw ay makita ang bawat isa na nakaaabot ng kahit sa isang bahagi ng Banal na Kasulatan pagsapit ng 2033—ngunit paano kung nais pang kumilos ng Diyos ng higit pa sa ating iniisip? Paano kung kaya nating maabot ang layuning ito nang mas mabilis pa? At paano kung nais kang gamitin ng Diyos?

Sasama ka ba sa amin?

Magbigay Ngayon

FacebookIbahagi sa Facebook

TwitterIbahagi sa Twitter

EmailIbahagi sa pamamagitan ng Email

Lahat ng mga ambag na natanggap sa pamamagitan ng kampanya ng Biblia para sa Lahat ay gagamitin lamang para sa layunin ng pagsasalin ng Biblia, at ikakalat sa iba’t-ibang mga proyekto sa pagsasalin na may malalaking epekto. Sa pagtatapos ng bawat proyekto, ang anumang natitirang mga pondo ay gagamitin sa susunod na proyekto sa pagsasalin na napili ng YouVersion at ng mga katuwang nito.