Posted on

Amaplani Ebhayibheli – Novemba 2022

Asifunde iBhayibheli sisonke (November)

izinsuku ezingu 30

Ingxenye 11 kwezingu 12, lePlani izosiza wonke umphakathi ukuba ufunde iBhayibheli uwonke, ndawonye, ezinsukwini eziwu 365. Mema abanye ukuba bakujoyine, njalo uma ingxenye entzsha inyanga nenyanga. Loluchungechunge lusebenza kangcono ngeBhayibheli elikhulumayo- lalela imizuzu engaphansi kuka 20 ngoSuku! ingxenye ngayinye inezahluko zeThestamente elidala nelisha, kanye namaHubo afakwe lapha nalaphaya. ingxenye 11 ineziHlabelelo zeziHlabelelo, uHezekeli, uHoseya, kanye neSambulo.

Uhambo luka Habakuki

izinsuku ezingu-6

Loluhlelo liwuhambo lwezikhathi ezinzima noHabakuki.

Imizwa Engcwele – Izimpendulo ZeBhayibheli Kuzo Zonke Izinselelo

izinsuku ezingu 30

UNkulunkulu wakwenza futhi wakubeka ngalomzuzu wesikhathi, ukuba uthande abangathandeki, ubonise ukuthula esiphithiphithi, futhi ubonise injabulo yokudela kuzo zonke izimo. Lokhu kungase kubonakale kungenakwenzeka, kodwa ungakwenza lokhu ngokufunda lokho iBhayibheli elikushoyo ngemizwa yakho engokwemvelo yomuntu nendlela yokuyilawula. Le nkonzo ihlanganisa izinselelo ezijwayelekile futhi kwesinye isikhathi ezimangalisayo esibhekana nazo nsuku zonke, futhi inikeza izinkomba zeBhayibheli zokuthi ungayilawula kanjani imizwelo yakho ngendlela kaNkulunkulu.
Posted on

Ningakhathazeki ngokuphila kwenu ukuthi niyakudlani noma niyakuphuzani

Ningakhathazeki ngokuphila kwenu ukuthi niyakudlani noma niyakuphuzani

25  
“Ngalokho-ke ngithi kini: Ningakhathazeki ngokuphila kwenu ukuthi niyakudlani noma niyakuphuzani, nangomzimba wenu ukuthi niyakwembathani. Ukuphila akukukhulu kunokudla nomzimba kunesambatho na?

26  
Bukani izinyoni zezulu ukuthi azihlwanyeli, azivuni, azibekeleli ezinqolobaneni; nokho uYihlo wasezulwini uyazondla. Nina kanizidluli kakhulu na?

27  
Ngumuphi kini ongelekela ebudeni bakhe ingalo ibe nye ngokukhathazeka na?

28  
“Nikhathazekelani ngesambatho na? Qaphelani iminduze yasendle ukuthi imila kanjani; kayikhandleki, kayiphothi

29  
kepha ngithi kini: NoSolomoni ebukhazikhazini bakhe bonke wayengembathisile okomunye wayo.

30  
Uma uNkulunkulu embathisa kanjalo utshani basendle obukhona namuhla, ngomuso buphonswe eziko, akayikunembathisa kakhulu nina eninokukholwa okuncane na?

31  
Ngakho-ke ningakhathazeki nithi: ‘Siyakudlani?’ noma: ‘Siyakuphuzani?’ noma: ‘Siyakwembathani na?’

32  
Ngokuba konke lokhu abezizwe bayakufunisisa; ingani uYihlo wasezulwini uyazi ukuthi niyakudinga konke lokhu.

33  
Kodwa funani kuqala umbuso kaNkulunkulu nokulunga kwakhe, khona konke lokhu kuyakwenezelwa nina.

34  
Ningakhathazeki ngengomuso, ngokuba ingomuso iyakukhathalela okwayo. Inkathazo yosuku yanele lona.

Matthew 6 in Zulu

Matthew 6 in English

Posted on

Amaplani Ebhayibheli – Okthoba 2022

Asifunde iBhayibheli sisonke (uMfumfu)

izinsuku ezingu 31

Isahluko 10 kwezingu 12, lendlela iholela kumphakathi wonke ukuba ufunde iBhayibheli lonke ezinsukwini ezingu 365. Mema abanye ukuba bakujoyine ngaso sonke isikhathi uqala enye ingxenye ngenyanga elandelayo. lengxenye isebenza ngeBhayibheli elikhulunywayo_ lalela imizuzu engaphansi kuka 20 ngosuku! Ingxenye ngayinye inezahluko zeThestamente elidala kanye nelisha, kanye namaHubo afakiwe. ingxenye ka 10 ifaka iNcwadi yoMshumayeli, uNgokukaJohane, uJeremiya, kanye neSililo

Amahubo

izinsuku ezingu 31

ukufunda encwadini YamaHubo kuhle ngezindlela ezilula zokucosha cosha. Uma udlula esikhathini esinzima, incwadi yeZaga ingakusiza ngokukududuza kanye nokukugqugquzela

Ngingakwazi Ngempela Ukusinqoba Isono Nezilingo?

izinsuku ezingu 5

Uke wazibuza, “Kungani ngisabambene naleso sono na?” Ngisho nomphostoli uPawulu washo okufanayo kweyabaseRoma 7:15: “Angikwenzi engikuthandayo, kodwa lokho engikuzondayo ngenza kona.” Simisa kanjani isono ukuthi simise izimpilo zethu zikamoya? Ingabe kungenzeka? ake sixoxe ngesono, isilingo, uSathane, futhi, ngokubonga, uthando lukaNkulunkulu.

Ukubuyisela Injabulo yakho

izinsuku ezingu 5

Uma ufuna injabulo empilweni yakho, kufanele uthole ibhalansi ohlelweni lwakho. Umfundisi uRick wabelana ngokuthi ungalungisa kanjani okufakile kanye nalokho okukhiphayo ukuze ukupha nokwamukela kwakho kukusize ubuyise injabulo yakho, ingakulahlekeli.
Posted on

Amaplani Ebhayibheli – Agasti 2022

Asifunde iBhayibheli sisonke (September)

izinsuku ezingu 30

Ingxenye yesi 9 kwezingu 12 eziwuchungechunge, leplani isiza imiphakathi ukufunda iBhayibheli lonke bebonke kwizinsuku eziwu 365. Mema abanye ngaso sonke isikhathi uqala ingxenye entsha ngenyanga. Loluchungechunge lusebenza kahle neBhayibheli elikhulumayo. Lalela imizuzu engaphanasi kuka 20 ngosuku! Ingxenye ngayinge inezahluko zeThestamente elidala nelisha, kanye namaHubo asezindaweni ezahlukene. Ingxenye 9 inezincwadi ezinjengo Nehemiya, Esteri, uThimothewu wokuqala nowesibili, uJoweli, u-Amose, u-Obadiya, uNahume, uHabakhuke, uZefaniya, uTitu, uFilemoni, uJakobe, uHagayi, uZekhariya, no Malaki.

U-Ruthe, Indaba yokuHlengwa

izinsuku ezingu 5

Bambalwa abantu esihlobene nabo ngokomzwelo eBhayibhelini ngaphezu kukaRuthe; umfokazi ompofu ongumfelokazi owenza uNkulunkulu waba ngowokuqala kuye futhi ebuka njengoba eshintsha ukuphila kwakhe. Uma ufuna isikhuthazo ezimweni zakho, ungaphuthelwa lolu hlelo lokufunda!

Sonke Isinyathelo Sokufika

izinsuku ezingu 5

Sithemba ukuthi lezi zinkonzo ezinhlanu ezivela ku-Eugene Peterson zithatha ingqondo nenhliziyo yakho noma yikuphi lapho zingaya khona, njengoba ungazi ukuthi uMoya uzosebenzisani ukuze ukhuthaze noma uphonsele inselelo noma ududuze. Ungase ukhethe ukusebenzisa imibuzo ecatshangwayo ekupheleni kwenkonzo ngayinye ukuze wenze owakho umthandazo wosuku—ngokuqinisekile hhayi njengendawo yokugcina kodwa njengesiqalo sokufikayo okukulindele.

Lapho Ukholo Lwehluleka: Izinsuku Eziyi-10 Zokuthola Unkulunkulu Ethunzini Lokungabaza

izinsuku eziwu 10

Ukulwa nokholo kanye nokungabaza kungaba nomzwangedwa futhi uziqhelanise. Abanye bahlupheka bethule kuyilapho abanye belahla inkolelo ngokuphelele, becabanga ukuthi ukungabaza akuhambisani nokholo. U-Dominic Done ukholelwa ukuthi lokhu kuyinhlekelele futhi kuyiphutha elijulile. Usebenzisa imiBhalo nezincwadi ukuze aphikise ngokuthi akukhona nje kuphela ukuthi ukungabaza kuyinto ejwayelekile kodwa ngokuvamile kuyindlela ebheke okholweni olucebile nolunamandla. Hlola ukholo nokungabaza kulolu hlelo lwezinsuku eziyi-10.
Posted on

izikhali zikaNkulunkulu

Kwabase-Efesu 6:10-18

10  
Elokugcina, qinani eNkosini nasemandleni ayo amakhulu.

11  
Hlomani izikhali zonke zikaNkulunkulu, ukuze nibe namandla okumelana namaqhinga kaSathane

12  
ngokuba asibambene negazi nenyama, kodwa sibambene nemibuso, namandla, nababusi bezwe balobu bumnyama, nabawomoya bobubi emkhathini.

13  
Ngakho hlomani izikhali zonke zikaNkulunkulu ukuba nibe namandla okuzabalaza ngosuku olubi, nalapho senifeze konke, nime.

14  
Ngakho yimani izinkalo zenu ziboshiwe ngeqiniso, nifakile isivikelo sesifuba sokulunga

15  
izinyawo zigqokisiwe ukulungela kukho ukushumayela ivangeli lokuthula

16  
kukho konke nithathe isihlangu sokukholwa eniyakuba namandla okucima ngaso yonke imicibisholo evuthayo yomubi

17  
namukele futhi isigqoko sensindiso, nenkemba kaMoya eyizwi likaNkulunkulu

18  
ngokukhuleka konke nokunxusa, nikhuleka ngezikhathi zonke ngoMoya; kulokho nilinde ngesineke sonke nangokunxusela abangcwele bonke

Ephesians 6 in Zulu

Ephesians 6 in English