Humanap ng pampalakas ng loob sa Pamamagitan ng Gabay sa Biblia tungkol sa Pag-asa.

Mayroong
Mabuting Balita

Kung natatagpuan ninyo ang sarili ninyong pinanghihinaan ng loob dahil sa pabago-bagong balita tungkol sa Coronavirus, nasisiraan ng loob dahil sa social media, o nagagapi dahil sa suliranin sa pananalapi, hindi ka nag-iisa.

Kung minsan, tila gumuguho na ang ating mundo, at hindi tayo sigurado kung saan tayo babaling.

Narito ang ilang magandang balita:

Kung naghahanap ka ng pag-asa at nagnanais ka ng kagalakan, ito ay mas malapit kaysa sa iniisip mo.

Sa pamamagitan ng muling pagkabuhay ni Jesus, nabigyan tayo ng isang buhay na pag-asa na nagpapatatag sa ating mga kaluluwa kahit na sa pinakamahirap na panahon.

Puspusin nawa kayo ng Diyos na siyang bukal ng pag-asa, at nawa ay pagkalooban niya kayo ng kagalakan at kapayapaan sa pamamagitan ng inyong pananampalataya, upang mag-umapaw ang inyong pag-asa sa pamamagitan ng kapangyarihan ng Espiritu Santo.

Mga Taga-Roma 15:13

Naghahanap ka ba ng pampalakas ng loob? Maghanap ng pag-asa sa pamamagitan ng isa sa mga Gabay sa Biblia, at mag-imbita ng Kaibigan upang salihan ka.

1 & 2 Pedro
YouVersion, 4 Araw

Mga Taga-Filipos
YouVersion, 2 Araw

Pag-asa
Memlok, 3 Araw

Marami pang Gabay sa Pag-asa

2020-04-202020-04-17

Isang Panalangin para sa mga May Pinagdadaanan sa Pananalapi

At buhat sa hindi mauubos na kayamanan ng Diyos, ibibigay niya ang lahat ng inyong kailangan sa pamamagitan ni Cristo Jesus

Mga Taga-Filipos 4:19

O Diyos, alam Mo kung ano ang aming pinagdaraanan. At kami’y nagpapasalamat na kaya Mong kunin ang mga pinakamasaklap na kalagayan at gamitin ang mga ito para sa aming kabutihan at Iyong kaluwalhatian.

Kaya Mong panumbalikin ang lahat ng mga bagay—kaya aming hinihiling na Iyong ibalik ang mga nawalang trabaho, pananalapi, mga relasyon, mga pinagkukunan, at mga pag-asa.

Ipakita sa sinumang nakikibaka sa pananalapi na mahigpit Mo silang hinahawakan, at palibutan sila ng mga taong makatutulong sa kanila sa mga oras na ito. Mangyaring tugunan Mo ang kanilang mga agarang pangangailangan habang sila ay nagtitiwala sa Iyo para sa pangmatagalang solusyon.

Palitan Mo ang kanilang mga takot ng pananampalataya habang nalalantad ang Iyong mga mabubuting plano para sa kanila. Sa kanilang paghihintay, panumbalikin mo ang kanilang pag-asa at bigyan Mo sila ng katapangan upang muling mangarap. Paalalahanan Mo sila ng kanilang halaga, at puspusin Mo sila ng kapayapaan.

Aming Diyos, halika at gawin mo ang Ikaw lamang ang makagagawa.

Sa ngalan ni Jesus, Amen.

Ipanalangin sa Bible App

2020-04-172020-04-14

Naghahanap ka ba ng mga kasagutan?

Tayo ay nakatira sa isang mundong walang kasiguraduhan. Subalit anuman ang kinakaharap natin, ang Salita ng Diyos ay nagbibigay ng pag-asa para sa ating kaluluwa. Kung napapaisip ka kung ano ang sinasabi ng Biblia tungkol sa iyong kasalukuyang sitwasyon, subukang maghanap ng mga kasagutan sa iyong Bible App.

Simulan lamang mag-type sa bar ng Hanapin () upang makakuha ng mga mungkahi para sa Banal na Kasulatan, mga Bersikulong Larawan, mga Gabay, at iba pa.

Kapag nahanap mo na ang mga kasagutang hinahanap mo, hikayatin ang iyong pamayanan sa pamamagitan ng pagbabahagi sa social media ng pag-asa na natagpuan mo.

Hanapin ang Katotohanan

2020-04-142020-04-13

Namimiss mo ba ang iyong mga kaibigan? Katagpuin sila rito:

Isang babaeng tinitingnan ang telepono na may mga social icons

Patuloy na makipag-ugnayan sa
iyong mga kaibigan.

…gisingin ang damdamin ng bawat isa sa pagmamahal sa kapwa at sa paggawa ng mabuti, huwag nating kaliligtaan ang pagdalo sa ating mga pagtitipon… sa halip, palakasin natin ang loob ng isa’t isa.

Mga Hebreo 10:24-25

Ang Biblia ay puno ng mga kuwento ng mga taong nagdiriwang nang sama-sama sa masasayang panahon… at nagtutulungan sa mga panahon ng kagipitan. Kailangan mo ng mga pakikipag-ugnayan sa mga malalapit na kaibigang mapagkakatiwalaan. At ngayon, higit kailanman, kailangan ka nila.

Sino ang mga kakilala mong magpapalakas ng loob mo?

“Nagbabasa ako ng Mga Awit sa aking telepono. Tinanong ko ang aking asawa kung ayos lang bang basahin ko ang isang kabanata nang malakas sa iba’t-ibang salin. Mula nang araw na iyon, nagbabasa na kami ng isa o dalawang kabanata tuwing gabi bago matulog. Ganap na binago nito ang kasiglahan ng aming pagsasama.”
Debbie L.

Sino sa mga kakilala mo ang magmamahal sa iyo?

Sino sa mga kakilala mo ang magbibigay-inspirasyon sa iyo?

“Mas malawak ang aking pag-unawa sa Kaisipan ng Diyos sa pamamagitan ng mga pananaw ng aking mga kaibigan. Nakikipag-ugnayan rin ako sa marami kong mga kaibigan sa iba’t-ibang panig ng mundo, at nagbabahaginan kami at pinalalakas ang loob ng bawat isa. Ang galing!”
Eme I.

Sino sa mga kakilala mo ang hahamon sa iyo?

Sino sa mga kakilala mo ang magdarasal para sa iyo?

Anyayahan ang iyong mga kaibigan upang samahan ka
sa Bible App ngayon.

Imbitahin ang Mga Kaibigan

2020-04-142020-04-10

Paano mo binabasa ang Biblia? 🤔

Babaeng nasa telepono

Kahit tapat kang nagbabasa ng Biblia araw-araw, ang kaalaman kung saan magsisimula (at kung papaano ipoproseso ang iyong binabasa) ay maaaring maging nakakalito. Gayunpaman, upang lumago ang iyong pananampalataya, mahalagang magtatag ng pundasyon sa Salita ng Diyos. Kaya, saan ka magsisimula? Paano mo uumpisahan — at ipagpapatuloy?

Ugaliing pag-aralan ang Biblia araw-araw at matuto kung papaano isasabuhay ang Salita ng Diyos sa iyong buhay gamit ang listahang ito ng mga Gabay sa Biblia.