Tapusin ang dekada na malakas:
Kumpletuhin ang isa sa mga pinakasikat na Mga Gabay sa Biblia ng 2019 at ihanda ang iyong puso para sa mga plano ng Diyos para sa iyo sa 2020:
News in Filipino (Tagalog)
Kumpletuhin ang isa sa mga pinakasikat na Mga Gabay sa Biblia ng 2019 at ihanda ang iyong puso para sa mga plano ng Diyos para sa iyo sa 2020:
2,000 taon na ang nakalilipas, naparito si Jesus sa mundo upang maging Emmanuel, “Kasama natin ang Diyos.” At sa pamamagitan ng sakripisyong ito ng pag-ibig, ngayon ay nararanasan nating maging malapit sa Diyos magpakailanman!
Habang ipinagdiriwang natin ang kapanganakan ni Jesus ngayon, narito ang isang paraan kung paano mo maipalalaganap ang dakilang balita ng Kanyang pag-ibig: ibahagi ang Bersikulong Larawan na nasa itaas sa iyong mga kaibigan at pamilya.
Mula sa aming lahat sa YouVersion, nais namin kayong batiin ng isang Napakaligayang Pasko!
Panginoon, salamat sa lubos na pag-ibig Mo sa amin na ibinigay Mo ang Iyong Anak para sa amin, kahit bago Ka pa namin ibigin.
Salamat sa pag-anyaya sa amin sa Iyong pamilya.
Para sa aming lahat na magkakapatid sa pananampalataya, tulungan Ninyo kaming magmahalan sa ganap na pagkakaisa.
Ama, tulungan Ninyo kaming makita ang bawat tao tulad ng pagtingin Ninyo sa kanila.
Tulungan Ninyo kaming ibigin sila tulad ng pag-ibig Ninyo sa kanila — kahit hindi nila kami ibigin pabalik.
Ipakita po Ninyo sa amin kung paanong patuloy na lumakad kaagapay ang Iyong pag-ibig, iyong ganap na pag-ibig na pumapawi sa anumang pagkatakot.
Mahal namin Kayo, Panginoon.
Amen.
Magsimula ng Isang Gabay na Pampasko o Pang-Adbiyento
Ibahagi sa pamamagitan ng Email
Ang Panalanging Pang-Adbiyento na ito ay ang huli sa serye ng apat.
Unang Linggo – Isang Panalanging Pang-Adbiyento sa Pag-asa
Ikalawang Linggo – Isang Panalanging Pang-Adbiyento sa Kapayapaan
Ikatlong Linggo – Isang Panalanging Pang-Adbiyento sa Kagalakan
Ika-apat na Linggo – Isang Panalanging Pang-Adbiyento sa Pag-Ibig
Ilang linggo na nating inihahanda ang ating mga puso nang may pag-asam na puno ng pag-asa, at ngayon, isang linggo na lamang ay Pasko na. Magdiwang kasama namin habang pinagninilayan natin ang ganap na kaloob ng Diyos para sa atin: ang Kanyang nag-iisang anak, si Jesus. Habang kayo ay nagtitipon kasama ang iyong mga kaibigan at pamilya ngayong kapaskuhan, alam naming ikatutuwa mong kumonekta sa Salita ng Diyos sa pamamagitan nitong mga maliliwanag na mga paalala ng pag-asa at kagalakan na mayroon tayo kay Cristo.
Ang Kwento ng Pasko
YouVersion, 5 Araw
Basahin o pakinggan ang kumpletong biblikal na salaysay ng kapanganakan ni Cristo, mula sa mga pahayag patungkol sa Tagapagligtas na darating, sa kanyang mababang pinagmulan sa isang sabsaban, hanggang sa Emmanuel: ang Diyos na kasama natin.
Ipagdiwang ang pagdating ni Jesus na may masasaya, touch-activated na mga animation at makukulay na likhang sining. Ang mga kabataan sa iyong buhay ay gugustuhing tuklasin ang lahat ng 41 na mga kuwento sa Pambatang Bible App. Magugustuhan mo rin kung papaano ang mga gawain na Story Mixup, Story Memory Match, at Story Sticker Time ay makatutulong sa kanila na maalala ang mga bagay na kanilang pinag-aaralan. Binuo ng YouVersion ang Pambatang Bible App sa pakikipagtulungan ng OneHope upang bigyan ang mga bata ng sarili nilang karanasan sa Biblia. Naka-install na sa mahigit na 34 milyong mga device sa buong mundo, ang Pambatang Bible App ay nasa 50 na mga wika — at ito ay palaging libre.
Natatandaan mo ba noong una mong mapagtantong talagang mahal ka ng Diyos? Na ninanais Niyang magkaroon ng pakikipag-ugnayan sa iyo? Ang mga sandaling katulad nito ang dahilan kung bakit masidhi ang aming pagnanasang matulungan ang mga taong kumonekta sa Diyos.
Lumaki ako sa simbahan, ngunit hindi ko talaga nakilala o minahal ang Diyos. Nang mamatay ang lolo ko, nakaramdam ako ng lungkot at matinding kapighatian… at naisip ko pa ngang magpakamatay. Pinadalhan ako ng kaibigan ko ng link sa Josue 1:9. Nagpasya akong i-download ang app dahil sa bersikulong iyon. Sumubok ako ng isang debosyonal, na siyang tumulong sa akin upang maunawaan ko ang Diyos at ito ang umakay sa akin upang maging malapit sa Kanya. Isang araw na nagbabasa ako sa aklat ng Mga Awit, naramdaman kong tinatawag ako ng Diyos: hinahabol ako nitong nag-uumapaw, walang taros na pag-ibig. Nanalangin akong kasama ang aking pastor, at ang ang kabigatan ay nawala. Binago ni Jesus ang buhay ko. Ngayon ay minamahal ko na ang Panginoon at pinaglilingkuran ko Siya araw-araw. Salamat, Jesus!
NATHAN, ALABAMA, USA
Kapag nagbibigay ka sa YouVersion, namumuhunan ka sa isang bagay na may walang hanggang kapalit: mga buhay na binago.
Ang pagbabasa o pakikinig sa Salita ng Diyos ay may kapangyarihang baguhin ang mga buhay. Pinalalakas namin ang aming teknolohiya upang matulungan ang henerasyong ito upang sila ang maging pinakamasigasig sa Biblia sa ating kasaysayan. Kapag nagbigay ka sa YouVersion, matutulungan mo kaming madala ang Banal na Kasulatan sa mas marami pang mga tao, sa mga lugar tulad ng India, Poland, Guatemala, at Nigeria. Mga taong tulad ni Hazel:
Maraming taon akong sinisindak, at may pinagdaraan akong isang kasawian. Ayokong mapag-isa ako sa aking mga pag-iisip. Isang araw ay binuksan ko ang YouVersion at nabasa ko ang Bersikulo ng Araw. Iyon ang perpektong salita ng pagpapalakas ng loob, kaya naging ugali ko nang gawin iyon. Araw-araw ay magsisimula ako sa Bersikulo ng Araw, pagkatapos ay babasahin ko ang Kabanata kung saan kinuha ang bersikulo, at matatagpuan ko na lamang ang sarili kong nasa kalagitnaan ng isang Kuwento. Nakita kong inalis ni David ang baluti ni Saul at kinuha ang kanyang tirador. Naglakad ako sa palasyo kasama si Ester. Nakiiyak ako kay Ana. Nakita ko ang sarili ko sa kanilang mga kahinaan at kapintasan. Ginamit ng Diyos ang YouVersion upang maging buhay sa akin ang Kanyang salita. Binago ng YouVersion ang buhay ko, simula sa Bersikulo ng Araw hanggang sa Mga Gabay.
HAZEL, NIGERIA, AFRICA
Anong mangyayari kung ang bawat tao sa mundo ay agad-agad na makukuha ang Salita ng Diyos sa kanilang sariling wika? Sabay nating tuklasin.
Sa buong mundo, parami nang parami ang mga taong bumabaling sa Salita ng Diyos upang marinig kung anong nais Niyang sabihin sa kanila. Kapag nagbigay ka sa YouVersion, matutulungan mo kaming ikonekta sila sa Kanya. Ang bawat isa sa mga taong ito ay may pangalan, may kuwento. Katulad ni Hazel. Katulad ni Jenny:
Hindi maganda ang nangyayari sa aming buhay may-asawa. Pasama nang pasama ang buhay ko, Nasa simula ako ng isang emosyonal na pakikipagrelasyon. Nag-iipon ako ng lakas ng loob na ipadala sa kanya ‘ang’ teks: ang teks na babago sa aming relasyon mula sa pagiging magkaibigan patungo sa bawal na pakikipagrelasyon. Natatakot ako, habang isinusulat ko ang alam kong maaaring maging sanhi ng pagtatapos ng aking buhay may-asawa. Ngunit ang Espiritu Santo ay nakikipaglaban para sa akin. Ang salitang TUKSO ay saglit na dumaan sa aking mga mata. Hindi ko alam kung anong dapat kong gawin, kaya binuksan ko ang YouVersion at isinulat ko ang salitang ‘tukso’ sa patlang sa paghanap. Habang binabasa ko ang bawat bersikulong ipinapakita sa akin ng app, pumatak ang mga luha ko. Tinawag ko ang pangalan ni Jesus, at lumayo ang diyablo. Binura ko ang teks na iyon at tinapos ko na ang pag-uusap. Kung wala ako ng Bible App na iyon noong araw na iyon, hindi ko alam kung anong maaaring nangyari. Salamat na sa tuwina ay nariyan at napakalapit ng Kanyang mga salita!
JENNY, COLORADO, USA*
Noong 2008, inilunsad namin ang YouVersion nang may 15 Biblia lamang, na nakasalin sa dalawang wika. Ngayon, salamat sa pagiging bukas-palad ng aming mga kasamahang may magandang pagtingin sa hinaharap — at sa suportang pinansyal ng mga taong katulad mo — isang pribilehiyo para sa aming maghandog ng mahigit sa 2,000 na bersyon, na may nilalamang mahigit sa 1,300 na wika.
Ibahagi sa pamamagitan ng Email
* Pinalitan ang pangalan at lokasyon, upang maprotektahan ang pribasya.