‘n Adventgebed oor Vrede

Hier is my Dienaar
wat Ek aangestel het,
my Geliefde
oor wie Ek My verheug;
Ek sal my Gees op Hom laat kom, en Hy sal die
wil van God
aan die nasies bekend maak.
MATTEUS 12:18

Hemelse Vader, dankie dat U u Seun Jesus gestuur het, die Vredevors.
Dankie dat U vir ons sorg, en dankie dat U belowe om ons vrede te gee.
Hou asseblief die wag oor ons harte en gedagtes, met u vrede.
U weet van die dinge wat ons neerdruk, en bekommer, angstig en vreesagtig maak.
Here, help ons asseblief eerder om ons gedagtes op U te rig en op u Gees. Dankie dat U lewe en vrede aan ons belowe.
Ons kan onbesorg gaan lê en dadelik aan die slaap raak, want U laat ons veilig voel.

Begin met ‘n Kersfees of Advent Leesplan

Deel op Facebook

Deel op Twitter

E-pos Deel per e-pos

Hierdie Adventgebed is die tweede in ‘n reeks van vier.
Week 1 – ‘n Adventgebed oor Hoop
Week 2 – ‘n Adventgebed oor Vrede
Week 3 – ‘n Adventgebed oor Blydskap
Week 4 – ‘n Adventgebed oor Liefde

2019-12-042019-11-26

‘n Oorsig van 2019:

2019

Delf Dieper,
Kom Nader.

Dink terug aan die stryde en oorwinnings wat jy hierdie jaar ervaar het. Hoe het God Homself aan jou in daardie oomblikke geopenbaar?

Ons is opgewonde oor alles wat God in 2020 deur YouVersion gaan doen. (Hou dop: Groot dinge is op pad!) Kom ons neem nou eers ‘n oomblik om terug te dink aan ‘n paar kragtige maniere waarop God in 2019 in ons wêreldwye YouVersion gemeenskap gewerk het:

Verhoudings
Herstel

Mfon – Nigerië

Mfon se huwelik was op die rotse en sy het moed opgegee. Toe het sy elke dag op pad werk toe op die bus, die leesplan oor die huwelik in die Bybel Toep begin lees. Soos wat Mfon God se Woord begin studeer het, het haar hart versag en sy het besef daar is nog hoop vir haar huwelik. Sy het met haar man versoen onder die inspirasie van God se Woord.

…Mfon se storie eindig egter nie daar nie…

Op ‘n dag het ‘n vrou wat agter Mfon op die bus gesit het, met haar begin praat en erken dat sy elke dag die Bybel Toep oor Mfon se skouer saam met haar lees. Hierdie vrou het ook ‘n moeilike huwelik gehad. Een van die leesplanne het haar hart aangeraak en sy het haar man vergewe. As gevolg van Mfon se besluit om ‘n leesplan te lees, is twee huwelike nou herstel.

Mfon se storie is kragtig, maar dit is egter net een van baie. Elke leesplan dag wat in hierdie jaar voltooi is, verteenwoordig ‘n lewe wat God besig is om te verander:

1.1	Miljard

Leesplan Dae is in 2019 voltooi.

Om Sig te verloor… en om Klank te Vind

Alice – VSA

In 2014 is Alice met gedeeltelike gesigsverlies gediagnoseer en wettig blind verklaar. Sy kon nie meer lees nie en moes ‘n ander manier vind om nader aan God te kom. Sy het ontdek dat sy ‘n tablet kon gebruik as die lig net reg was. Dis toe dat Alice die Klankbybels op YouVersion ontdek het. Sy het elke nag daarna begin luister. Hoe meer sy geluister het, hoe meer het God se Woord vir haar lewendig geword en haar ‘n dieper begrip van God gegee.

Alice glo nou dat mense die Bybel moet kan hoor. Gelukkig maak Klankbybels dit makliker om God se Woord te hoor – te enige tyd, op enige plek.

5.6	Miljard

Klankhoofstukke is in 2019 gespeel.

Hoe kan ons sulke groot getalle soos hier onder begryp? Deur te herken wat hulle in werklikheid verteenwoordig: oomblikke wanneer mense na God toe uitreik en Hy hulle harte aanraak. Kom ons vier fees en wy ons daaraan toe om 2019 sterk te voltooi!

35.6 Miljard

Bybelhoofstukke Gelees

2 Miljard

Kleurmerke, Boekmerke en Notas

478 Miljoen

Verse Gedeel

Bybellees Vermeerdering volgens Land:

Bybellees op 'n kaart aangedui, met vermeerdering volgens land

Hierdie lande het die hoogste groei getoon wat Bybellees aanbetref in 2019.

2019 Se Vers-van-die-Jaar:

Filippense 4:6

“Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.”

Die Bybelvers wat die meeste gedeel, geboekmerk, en deur die wêreldwye YouVersion Gemeenskap gekleurmerk was.

Die Versbeeld Wat Die Meeste Gedeel Is, Volgens Taal:


Engels	Filippyns	Spaans
Psalms 103:13	Efesiërs 4:26	Psalms 56:3

Koreaans	Portugees	Japanees
Jesaja 40:31	Psalms 103:13	1 Petrus 4:8

Frans	Italiaans	Roemeens
Psalms 103:13	1 Korintiërs 13:13	Psalms 103:13

Duits	Russies	Nederlands
Johannes 11:25	Psalms 102:13	1 Korintiërs 13:4

Chinees	Indonesies	Afrikaans
Psalms 46:1	Filippense 4:6	Psalms 103:13

Die Versbeeld wat die meeste kere in 2019 die deur die wêreldwye YouVersion Gemeenskap gedeel is, volgens taal.

Ontdek Jou Storie

Ons het ‘n storie om te vertel.

Sien hoe jy hierdie jaar, d.m.v. die YouVersion Bybel Toep, nader aan God beweeg het – met ‘n verpersoonlikte 2019 Bybel Toep Oorsig!

Kom ons wees bly oor wat God in jou lewe doen:

Wat sou gebeur as jou volgende besluit ‘n nalatenskap het?

Oop hande

Wat kan jy doen om die wêreld ‘n beter plek te maak?

Gee jouself aan
iets groter.

Vandag is Donasie Dinsdag, ‘n beweging waar mense gee aan ‘n saak waaroor hulle passievol is en ander inspireer om iets te doen.

Mense regoor die wêreld ondervind alreeds die lewensveranderende krag van God se Woord: die YouVersion Bybel Toep is al op amper 400 miljoen toestelle geïnstalleer. Dis miljoene mense wat God nader aan Hom trek… en dis maar net die begin.

Met een klik kan jy help om ‘n ewige impak op hierdie geslag en ander te maak.

Vat hande met die wêreldwye YouVersion beweging, deur te gee, en deel dan jou storie op sosiale media met die hutsmerk #GivingTuesday (#DonasieDinsdag). Moedig jou vriende en familie aan om jou te volg en laat ons so saam die liggaam van Christus versterk:

Gee Nou

2019-11-302021-12-08

‘n Advent Geskenk vir Jou:

Stel jou ‘n stil, sterrenag voor en jy is in ‘n veld met ‘n klomp skape rondom jou. Skielik verskyn ‘n magdom engele en sê vir jou dat, na ongeveer 400 jaar se gewag, die hoop van die wêreld gebore is – ‘n baba wat Immanuel, “God met ons” genoem word.

Die Adventtyd begin vandag, 1 Desember, en gee vir ons vier weke om na te dink oor die hoop, vrede, vreugde en liefde wat Jesus se geboorte na die wêreld gebring het.

Terwyl ons die dae aftel tot by Kersfees, onthul ons elke Advent Sondag ‘n gebed oor die week se Advent tema. Hierdie week se tema is hoop: om God te vertrou en te verwag dat Hy sy beloftes sal nakom.

Dink na oor God se beloftes en gebruik ‘n oomblik om jou hart tot Jesus te rig, met hierdie gebed.

‘n Adventgebed oor Hoop:

God, soos ons Desember ingaan, verpoos ons ‘n oomblik en onthou alles wat U in ons lewens, families en gemeenskappe gedoen het.
Ons prys U, want U is die God wat red. U is Immanuel, God met ons.
Ons dank U dat ons hoop in U is, en nie in omstandighede of mense nie.
Omdat ons op U hoop, is ons selfversekerd dat U u beloftes aan ons sal nakom.
Laat ons vandag onthou wat werklik saakmaak. Rig ons harte op U. Help ons om te sien hoe U aan die werk is terwyl ons wag.
Trek ons nader aan U met hierdie Kersfeestyd en berei ons harte voor vir die vervulling van U beloftes.
Amen.

Maak Adventgebede ‘n deel van jou Kersfees tradisie, deur elke Sondag hier te kom lees. In die tussentyd kan jy aangaan om op Jesus se geboorte te fokus, deur ‘n Advent Leesplan te begin:

	Nader aan God met Kersfees deur Trevor Hudson Struik Christian Media, 5 Dae
	Gesinspret met Kersfees deur Ewald & Beatrix van Rensburg Struik Christian Media, 5 Dae
	Blydskap en goeie nuus deur Nina Smit Struik Christian Media, 5 Dae
$Dit Het Gebeur (Waardig, Waardig) Uit \Vertical Worship\$	Dit Het Gebeur (Waardig, Waardig) Uit \Vertical Worship\ Vertical Worship, 5 Dae
	Noël: Kersfees Is Vir Almal Calvary Chapel Ft. Lauderdale, 12 Dae
	Advent: Die Reis Tot By Kersfees Church of the Highlands, 25 Dae
	Reis Na Die Krip In Touch Ministries, 25 Dae
	Alles Rus: Ontvang Hierdie Kersfees Jesus se Rus Asheritah Ciuciu, 5 Dae
	Die Hoop Van Kersfees Rick Warren, 10 Dae
	Ek Wag Hier vir U, ‘n Adventreis van Hoop Passion Conferences, 7 Dae
	Advent: Christus Kom! Thistlebend, 28 Dae
	Vreugde! Vir Jou Wêreld! ‘n Aftelling tot Kersfees Carol McLeod Ministries, 25 Dae

Week 1 – ‘n Adventgebed oor Hoop
Week 2 – ‘n Adventgebed oor Vrede
Week 3 – ‘n Adventgebed oor Blydskap
Week 4 – ‘n Adventgebed oor Liefde

Kyk Na Nog Leesplanne

Deel op Facebook

Deel op Twitter

E-pos Deel per e-pos

In Afwagting van Kersfees

2019-10-272019-10-21

Kies jou vriende oordeelkundig.

Vriende staan saam

“Dit is my opdrag: Julle moet mekaar liefhê soos Ek julle liefhet. Niemand het groter liefde as dit nie: dat hy sy lewe vir sy vriende aflê.”

JOHANNES 15:12-13

Gemeenskap — ‘n groep individue wat in broederskap verenig is omdat hulle dieselfde gesindhede, belangstellings en doelwitte deel.

Kyk links, dan regs. Wie staan langs jou? Beskou jy hulle as vriende? Maak die tyd wat julle saam deurbring van julle almal beter mense? Of berou jy die dinge wat julle soms saam doen?

Wie met wyse mense omgaan, kry self wysheid; maar wie hom met dwase ophou, word self sleg.

SPREUKE 13:20

Verhoudings is soos voeding vir jou siel. Maak die mense wat die naaste aan jou is, jou gesonder? Of ooreet julle julself aan gemorskos? Jy word regstreeks beïnvloed deur die mense saam met wie jy die meeste tyd deurbring. Al voel jy nou dat jy anders as hulle is, sal jy oor vyf jaar… nie meer so voel nie.

…sodat daar nie verdeeldheid in die liggaam sou wees nie, maar dat die lede gelyke sorg vir mekaar dra. As een lid ly, ly al die lede saam; en as een lid geëer word, is al die lede saam bly. Julle is die liggaam van Christus, en afsonderlik is elkeen ‘n lid daarvan.

1 KORINTIËRS 12:25-27

God het ons gemaak om mekaar nodig te hê. Ons het almal verskillende gawes en sterkpunte, verskillende foute en swakhede. Wanneer ons saamstaan, kan ons omsien na mekaar, mekaar help, bemoedig, en mekaar selfs uitdaag om te groei.

Hier is drie maklike dinge wat jy kan doen om jou gemeenskap te begin bou:

Stap oor die Straat

Ken jy jou bure? As julle in dieselfde straat woon, of dalk in dieselfde gebou, het julle reeds iets in gemeen. Moenie te veel hieroor dink nie. Jesus het jou naaste lief. Dalk sal jy ook… jy weet dit nog net nie.

Uitdaging: Begin ‘n gesprek met ‘n handdruk en sê: “Verskoon my, ons het nog nie voorheen ontmoet nie. My naam is _____. Wat is jou naam?” Al is jy skaam, hoef jy net vir 30 sekondes dapper te wees.

Deel ‘n Ervaring

Ons almal het iets waaroor ons moet praat, uitdagings wat beter aangepak sal word as ons met iemand daaroor praat. En ons het almal iets om te bied, al is dit net ‘n gewillige oor.

Uitdaging: Nooi ‘n vriend(in) uit om iets saam met jou te doen: eet saam pak ‘n projek aan, of gaan stap saam. Gesels oor allerhande goed. Wees net openhartig en eerlik.

Uitnodiging vir Dieper Vriendskappe

Die Bybel herinner ons oor en oor daaraan dat ons verhoudings nodig het met mense wat ons kan vertrou: Maak vriende wat jou sal aanmoedig, inspireer, uitdaag, sal lief hê, en vir jou sal bid. En dis nodig dat jy dieselfde vir hulle doen.

Uitdaging: Nooi ‘n vriend(in) (of 3) om by jou aan te sluit in die Bybel Toep, en doen dan saam ‘n leesplan.

Soek Vriende

Deel op Facebook