YouVersion - Page 19 of 61 - Seeking God every day.

2021-11-032021-11-02

Dank God vir sy Woord

Die Bybel is LEWENDIG

Kom Ons Bid Saam

Elke keer wanneer jy YouVersion oopmaak, kom jy in kontak met God deur sy Woord. En wanneer jy die toep oopmaak, het jy toegang tot die Skrif in ‘n taal wat jy verstaan.

Dink net wat ‘n geskenk dit is.

Die Skrif is egter nie net in jou eie taal beskikbaar nie — te danke aan ons vrygewige vennote, bied YouVersion die Bybel in meer as 1 700 tale aan.

Deur sy Woord, boei God die harte van mense wat na Hom soek en skep so ‘n wêreldwye gemeenskap wat om die Skrif gesentreer is.

En Hy het maar pas begin.

Namate YouVersion 500 miljoen installasies nader, laat ons God dank, wat dit vir ons moontlik maak om deur sy Woord tot Hom te nader. Kom ons vra God om voort te gaan om harte regoor die wêreld deur die Skrif te herskep, en kom ons bid vir die mense in ons lewens wat nog nie vir God persoonlik ken nie.

‘n Gebed om Fees te Vier

Vader,

Dankie dat U ‘n gemeenskap van gelowiges deur u Woord bymekaar gebring het. Die Skrif het ons lewens verander, ons harte en denke herskep en ons diepe behoefte aan U geopenbaar. U Woord is die rede waarom die YouVersion gemeenskap bestaan.

Vader, ons wil hê u Woord moet voortgaan om oor die wêreld te versprei omdat dit volmaak en waar is. U Woord keer nooit leeg terug nie. U het deur die Skrif geopenbaar wat goed en wys is. U Woord is vol beloftes wat ons lewens rig en ons pad verlig. Dit leer ons, lei ons, stel ons reg en troos ons. Ons wil sien dat U woorde aanhou om die wêreld te herskep.

Gee vir ons meer geleenthede om die Skrif met ander te deel. Namate U ons hierdie geleenthede gee, maak dan asseblief meer harte en denke gereed om U intiem te leer ken.

Laat ons die mense word wat U geskep het om te wees sodat ons U te alle tye kan eer. Ons is u volk en ons gee onsself volkome aan U.

In die Naam van Jesus,
amen.

Stoor Gebed

2021-11-012021-10-29

Voltooi ‘n spesiale leesplan en verwerf ‘n Kenteken!

Ontdek hoe die Bybel lewendig is.

Die God wat die heelal geskep het, blaas nuwe lewe in die wêreld deur die krag van sy Woord. En God se Woord is lewendig en aktief omdat ons God lewendig en aktief is.

Die Bybel vorm die YouVersion-gemeenskap, en hierdie maand nader ons ‘n groot mylpaal. Aangesien YouVersion naby 500 miljoen installasies is, besin ons wêreldgemeenskap oor wat God tot dusver gedoen het.

Sluit aan by die wêreldwye viering deur YouVersion se nuwe 7-dag Die Bybel is Lewendig leesplan te voltooi, en ontdek hoe God die Skrif gebruik om lewens regoor die wêreld te verander. Kom ons vier hoe die Bybel die geskiedenis herskep het.

Voltooi hierdie leesplan gedurende November, en verdien ook Die Bybel is Lewendig se eenmalige Kenteken.

Begin Leesplan

2021-10-292021-10-27

Nou beskikbaar: Begeleide Gebed!

Persoon wat bid

Wanneer jy met God wil praat, maar nie weet wat om te sê nie, sal Begeleide Gebed jou help om aan die gang te kom.

Probeer Begeleide Gebed

Waaroor praat jy met God?

In 2020 het ons YouVersion Gebed geloods: ‘n funksie wat ontwerp is om jou te help om eerlike gesprekke met God in die gemeenskap te voer. Nou kan jy ‘n nog dieper ervaring met God in jou persoonlike stiltetye hê deur die nuutste YouVersion Gebedservaring: Begeleide Gebed.

Deur die Ons Vader as model te gebruik, verskaf Begeleide Gebed aan jou daaglikse leiding om oor die Skrif na te dink, nader aan God te kom en met Hom te praat oor wat op jou hart is:

“Ons Vader wat in die hemel is, laat u Naam geheilig word …”

EER GOD

“Luister, Israel, die Here jou God, Hy is die enigste Here.

DEUTERONOMIUM 6:4

Lees weer hierdie gedeelte en dink na oor wat dit beteken om persoonlik deur die een, ware God geken te word. Sit en lees hierdie Skrifgedeelte vir ‘n paar minute en eer God met jou tyd.

“Gee ons vandag ons daaglikse brood …”

MY BEKOMMERNISSE

“As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.”

JAKOBUS 1:5

Praat met God oor jou behoefte. Oorweeg dit dan om daardie dinge by jou Gebedslys te voeg.

“en laat ons nie in versoeking kom nie maar verlos ons van die Bose …”

GOD SE BESKERMING

Vader, niks is vir U onmoontlik nie. Daar is nie ‘n siekte wat U nie kan genees nie en geen stryd wat U nie kan wen nie. Ek vra U dus nou om my te beskerm en te versterk. Ek het U in my lewe nodig. Doen wat net U kan doen. In die Naam van Jesus. Amen.

Die Begeleide Gebedservaring
is nou beskikbaar in jou
YouVersion Bybeltoep.

Probeer Begeleide Gebed

2021-10-262021-10-25

Ons is op die punt om ‘n GROOT mylpaal te bereik!

Iets wonderbaarlik
gebeur nou …

YouVersion is op koers om binnekort 500 000 000 toep installasies te bereik.

Gedurende die afgelope 13 jaar het ons gesien hoe God meer deur YouVersion doen as wat ons kon vra, dink of ons verbeel.

Toe die Toepwinkel in 2008 bekendgestel is, was YouVersion van die eerste 200 beskikbare toeps. Gedurende daardie eerste naweek het 83 000 mense die Bybel op hul toestelle geïnstalleer. Nou het ‘n gemeenskap van 83 000, wat die toep binne een naweek afgelaai het, byna ‘n halfmiljard bereik.

Hierdie getal verteenwoordig mense regoor die wêreld — uit verskillende volke, wat verskillende tale praat — wat aktief nader aan God kom deur sy Woord. En jy is een van hulle.

Vier die Woord van
God in aksie.

Terwyl ons hierdie mylpaal teen die middel van November nader, nooi ons die gemeenskap uit om saam met ons te vier dat die Bybel lewendig is. As jy YouVersion nou oopmaak, sal jy ‘n teller sien wat ons vordering tot by 500 miljoen intydse installasies volg. Wanneer jy die teller sien, dink wat daardie getal verteenwoordig. Dink ook na oor wat God deur sy Woord bereik het en vier sy getrouheid.

Kyk hoe die Bybel lewendig is

Gedurende die komende paar weke vier ons hierdie geskiedkundige oomblik — en ons wil hê jy moet by ons aansluit!

Kom ons begin die viering deur na hierdie spesiale video te kyk wat mense uitbeeld wie se lewens deur die Woord van God verander is.

(Om na hierdie video in jou eie taal te kyk, klik op video instellings (ratikoon), klik “Subtitles/CC”, en kies jou taal.)

Wil jy ‘n kenteken verwerf?

Terwyl ons tot by 500 miljoen aftel, kom sluit by die viering aan deur die YouVersion toep met ‘n vriend te deel!

Wanneer jy die YouVersion toep van binne die toep deel, sal jy die Deel YouVersion Kenteken verwerf.

Deel YouVersion

2021-10-202021-10-19

Is daar ‘n Bybel in jou taal?

Aardbol

BYBEL
VIR
ALMAL

God se woorde is lewendig en aktief en besit die krag om lewens te verander. Die lig breek deur die duisternis wanneer Hy praat. Die oue word nuut as God praat.

Hoe vorm die Woord van God jou?

Daar is miljoene mense wat YouVersion gebruik om God deur sy Woord te soek. Elke keer as jy die toep oopmaak het jy ‘n geleentheid om God in ‘n taal te hoor wat jy verstaan — ‘n taal wat met jou praat.

… Maar wat as jy nie kan nie?

Op hierdie oomblik is daar meer as 2 500 Bybelweergawes in meer as 1 700 tale in YouVersion beskikbaar …

Tog is daar nog steeds duisende tale wat vertaal moet word.

Hoe anders sou jou lewe wees as daar geen Bybelweergawes in jou taal beskikbaar was nie?

Op hierdie oomblik is byna ‘n miljard mense in staat om met hul moeders, vaders, broers en susters en bure, in hulle taal te praat … maar hulle het nog nooit ervaar hoe God deur sy Woord in hul eie taal met hulle praat nie.

Die Bybel bestaan glad nie in hulle hartstaal nie. Dink net wat in hulle gesinne, gemeenskappe en lande kan gebeur as dit sou verander.

Help om iemand se toekoms te vorm.

Op hierdie oomblik is daar ‘n beweging van mense wat daartoe verbind is om ons te help om die Bybel teen 2033 by almal te kry en jy kan ons help om hierdie doel te bereik.

Ons visie
vir 2033

95% van die wêreldbevolking
sal ‘n volledige Bybel hê

99,9% sal ten minste
die Nuwe Testament hê

100% sal ten minste
‘n gedeelte van die Skrif hê

Kom ons kry die Bybel by almal.

As jy aan die Bybel vir Almal gee, help jy ons wêreldwye Bybelvennote om die Skrif in elke taal te vertaal. Sodra ‘n nuwe weergawe voltooi is, kan ons dit byna onmiddellik regoor die wêreld aan die hele YouVersion Gemeenskap beskikbaar stel.

Ons visie is dat almal teen 2033 toegang het tot ten minste ‘n gedeelte van die Skrif — maar wat as God meer wil doen as wat ons ons kan voorstel? Wat as ons hierdie doel gouer kan bereik? Wat as God jou wil gebruik?

Sal jy by ons aansluit?

Alle bydraes wat deur die Bybel vir Almal-veldtogte ontvang word, sal uitsluitlik vir die vertaling van die Bybel gebruik word en oor verskillende vertaalprojekte van hoë impak versprei word. Namate elke projek voltooi word, sal enige oorblywende fondse dan aangewend word vir die volgende vertaalprojek wat deur YouVersion en sy vennote gekies word.