YouVersion - Page 15 of 52 - Seeking God every day.

2022-04-032022-04-01

Ang Hamon para sa Pasko ng Pagkabuhay ay narito na!

Hamon para sa Pasko ng Pagkabuhay

Ang Hamon para sa Pasko ng Pagkabuhay ay magsisimula na ngayon!

Ang Pasko ng Pagkabuhay ay isang hayag na pagdiriwang ng tagumpay ni Jesus laban sa kamatayan at ang naibalik na relasyon na maaari nating makamit sa Diyos.

Ihanda ang iyong puso para sa Linggo ng Muling Pagkabuhay sa pamamagitan ng pakikilahok sa Hamon para sa Pasko ng Pagkabuhay.

Narito kung paano…

Kumpletuhin ang isang Gabay para sa Pasko ng Pagkabuhay simula ngayon hanggang sa Linggo ng muling Pagkabuhay upang makamit ang Hamon para sa Pasko ng Pagkabuhay Badge.

Anyayahan din ang iyong mga kaibigan! Sama-sama, ituon natin ang ating mga puso at isip sa muling nabuhay na si Cristo.

At kung namatay tayong kasama ni Cristo, naniniwala tayong mabubuhay din tayong kasama niya. Sapagkat alam nating si Cristoʼy muling nabuhay at hindi na muling mamamatay. Wala nang kapangyarihan sa kanya ang kamatayan.

MGA TAGA-ROMA 6:8-9

Ang mga Huling Aralin: Isang Gabay para sa Semana Santa

Becky Kiser, 10 Araw

Para sa Kagalakang Nakatakda sa Kanya: Isang Debosyonal para sa Pasko ng Pagkabuhay

Carol McLeod, 8 Araw

Ang Kuwento ng Pasko ng Pagkabuhay

Life.Church, 7 Araw

Marami Pang Gabay Para sa Pasko ng Pagkabuhay

Ibahagi sa Facebook

Ibahagi sa Twitter

Email Ibahagi sa pamamagitan ng Email

2022-04-032022-03-29

Ipinakikilala ang Mga Kuwento sa Bersikulo ng Araw

Marahil ay nakita mo na ang Bersikulo ng Araw sa iyong YouVersion Home feed. Marahil nabasa mo na ito at ninais mong maging mas malalim pa.

Ngayon, gamit ang Mga Kuwento sa Bersikulo ng Araw, magagawa mo na ito.

Tumigil, magdasal, at alamin ang tungkol sa pang-araw-araw na Bersikulo ng Araw sa pamamagitan ng isang maayos at ginabayang karanasan—ngayon sa iyong Home feed.

Pagnilay-nilayan ang mga tanong na idinisenyo upang tulungan kang mag-isip nang praktikal tungkol sa Banal na Kasulatan. Magkaroon ng isang na tapat na pakikipag-usap sa Diyos sa pamamagitan ng pang-araw-araw na panalangin, na pwedeng i-save sa iyong Listahan ng Panalangin. Magtapos sa pamamagitan ng pag-save at pagbabahagi ng Larawan ng Bersikulo ng Araw, na nagbibigay ng inspirasyon sa mga pinakamalalapit sa iyo.

Subukan Ngayon

Ibahagi sa Facebook

Ibahagi sa Twitter

Email Ibahagi sa pamamagitan ng Email

2022-03-082022-03-08

Isang Panalangin para sa Ukraine

Habang pinanonood ng mundo ang mga kaganapang nangyayari sa Ukraine, gusto nating ipaalala sa pandaigdigang Komunidad ang kapangyarihang taglay nila—ang kapangyarihan ng panalangin.

Ang panalangin ay nagdadala ng pag-asa.

Ang panalangin ay nagdudulot ng pagkakaisa.

Ang panalangin ay nagpapalakas.

Magsama-sama tayo at hilingin sa Diyos na aliwin, ingatan at maglaan para sa bansang Ukraine.

O Diyos,

Kailangan Ka namin—palaging kailangan namin.

Ikaw ang pinagmumulan ng aming kalakasan, at Inyong sinasabi sa amin na ibigay sa Inyo ang aming mga alalahanin.

Magdala ng proteksyon at pagpapagaling sa mga tao ng Ukraine. Ipakita sa kanila na Ikaw ay kasama nila, at na dinirinig Mo ang kanilang mga panalangin.

Mangyaring palakasin ang sinumang nasasaktan, nag-iisa, o nawasak. Palitan ang anumang damdamin ng pagkabalisa, takot, at kawalan ng katiyakan ng Iyong kapayapaan at pag-asa.

Lumapit Kayo sa amin habang kami ay lumalapit sa Inyo.

Sa ngalan ni Jesus,

Amen.

Isama ito sa iyong Listahan ng Panalangin para patuloy mong maipanalangin.

I-save ang Panalangin

Kinikilala namin na ang panahong ito ay lumikha ng mga damdamin ng kaguluhan at kawalan ng katiyakan sa buong mundo.

Nasaan ka man, tandaan na nangako ang Diyos na hinding-hindi iiwan o pababayaan man ang mga lumalapit sa Kanya. Ang Kanyang mga anak ay hindi kailanman nag-iisa. Hindi ka nag-iisa. At ang iyong kinabukasan ay ligtas sa Kanyang mga kamay.

2022-03-022022-02-28

Paano ka naghahanda para sa Pasko ng Pagkabuhay?

Pagsikat ng araw sa bundok

Ikaw ay inaanyayahan

Kapag iniisip mo ang Kuwaresma, anong mga salita ang sumasagi sa iyong isip? Disiplina sa sarili? Sakripisyo? Tungkulin?

Magsisimula ngayon ang Kuwaresma, at ito ay isang 40-araw na panahon ng pagbibigay-puwang para sa Diyos patungo sa Pasko ng Pagkabuhay. Taun-taon, milyun-milyong mga Cristiano ang pinipiling isuko ang mga bagay-bagay para unahin si Jesus.

Ang Kuwaresma ay maaaring tila isang obligasyon, ngunit sa katunayan ito ay isang imbitasyon. Ito ay tungkol sa pagkakait sa ating sarili upang matuto tayong lumakad sa hindi pinilit na ritmo ng biyaya ng Diyos.

Sa pagitan ng ngayon at Linggo ng Pasko ng Pagkabuhay, lumikha ng puwang para sa kung ano ang pinakamahalaga. Gumugol ng ilang minuto bawat araw kasama ang Diyos. At, malaman na milyun-milyong tao ang skasama mo, na inuuna si Jesus.

Pumili ng Gabay sa Kuwaresma: