YouVersion

Vier hierdie mylpaal saam met ons!

Die Bybeltoep van YouVersion het as ‘n idee in die sekuriteitslyn van ‘n lughawe begin.

Om egter hierdie idee ‘n werklikheid te maak, het ons een baie belangrike ding nodig gehad — die Bybel!

Oor die afgelope 15 jaar het ons Bybeluitgewers-vennote mildelik Bybelweergawes aan YouVersion verskaf omdat hulle glo in ons missie: om almal, oral, elke dag te bereik.

En as gevolg van hul vennootskap het ons sopas ‘n groot mylpaal bereik — daar is nou meer as 3 000 Bybelweergawes in 2 000 tale.

Vier vandag wat God doen deur die getrouheid van Bybeluitgewers-vennote deur jou gunsteling Bybelweergawe in die Bybeltoep te vind!

Verken Bybelweergawes

Deel op Facebook

Deel op Twitter

Deel per e-pos

Dit maak nie saak wat jy in die gesig staar nie, weet dit: God het ‘n doel met jou lewe, selfs wanneer jy dit nie sien nie.

In Prediker 3 sê die skrywer vir ons daar is ‘n tydperk vir alles — om te dans, treur en te lag.

Hierdie Skrifgedeelte beskryf die skoonheid van die lewe, maar ook die swaarkry wat daarmee gepaard gaan. Dit wys vir ons dat ons selfs tydens moeilike tye kan vertrou dat God aan die werk is.

“God het elke ding gemaak dat dit pas in ‘n bepaalde tyd … Tog kan die mens die werk van God van begin tot einde nie begryp nie.”

Prediker 3:11

God werk buite ons ideale tydsberekening om iets groter te skep as wat ons ooit kon dink.

Die Skrif sê vir ons dat ons ervarings — goed of sleg — in God se hande is, en sy tydsberekening is volmaak.

Dit voel dalk nie nou so nie, maar God beweeg in jou lewe of jy dit nou kan sien of nie.

Dink vandag na oor Prediker 3 en vra God om jou te help om Hom en sy tydsberekening te vertrou.

Lees Prediker 3

Deel op Facebook

Deel op Twitter

Deel per e-pos

Het jy al ooit gevoel dat jou harde werk onopgemerk gebly het of nie ‘n verskil gemaak het nie?

Koning Dawid is die enigste persoon in die Bybel wat God ‘n man na sy hart genoem het. Selfs Dawid het egter misken gevoel.

Toe God vir Samuel gesê het om die volgende koning van Israel te salf, het Samuel na Isai en sy seuns gegaan. Elkeen van Isai se seuns het gelyk of hulle die eienskappe van ‘n goeie koning het, maar God het nie een van hulle gekies nie.

“… Die Here het vir Samuel gesê: ‘Moenie na sy voorkoms of sy buitengewone lengte kyk nie, want Ek het hom nie gekies nie. Die Here kyk nie na dieselfde dinge as die mens nie. Die mens kyk na die uiterlike, maar die Here na die innerlike.’”

1 Samuel 16:7

Isai het gesê dat daar een seun oor was, Dawid, wat die skape opgepas het. Destyds is skaapwagters as onrein en vuil beskou, en dit is waarskynlik hoekom Dawid nie oorspronklik genooi is nie. Alhoewel ander hom oorgesien het, het God vir Dawid gekies om Israel te lei.

Selfs toe Dawid ongemerk was, het God hom raakgesien — net soos Hy jou nou raaksien.

As God vir Dawid, ‘n gewone skaapwagter, kan gebruik om wonderlike dinge te doen, dan kan Hy jou ook gebruik.

Wat jy doen as niemand kyk nie, is wat jou vorm in wie God jou geskep het om te wees en jou vir sy planne vir jou voorberei.

Net soos Dawid, moet jy voortgaan om ywerig jou geloof in God te stel. Onthou, selfs wanneer jy ongewaardeerd voel, kan jy vertrou dat God jou raaksien, jou liefhet en jou waardeer.

Deel op Facebook

Deel op Twitter

Deel per e-pos