Posted on

Mapalad ang mga taong walang inaasahan kundi ang Diyos

Mapalad ang mga taong walang inaasahan kundi ang Diyos

3  
“Mapalad ang mga taong walang inaasahan kundi ang Diyos, sapagkat mapapabilang sila sa kaharian ng langit.

4  
“Mapalad ang mga nagdadalamhati, sapagkat aaliwin sila ng Diyos.

5  
“Mapalad ang mga mapagpakumbabá, sapagkat mamanahin nila ang daigdig.

6  
“Mapalad ang mga nagugutom at nauuhaw sa katuwiran, sapagkat sila’y bubusugin.

7  
“Mapalad ang mga mahabagin, sapagkat kahahabagan sila ng Diyos.

8  
“Mapalad ang mga may malinis na puso, sapagkat makikita nila ang Diyos.

9  
“Mapalad ang mga gumagawa ng paraan para sa kapayapaan, sapagkat sila’y ituturing na mga anak ng Diyos.

10  
“Mapalad ang mga inuusig nang dahil sa kanilang pagsunod sa kalooban ng Diyos, sapagkat mapapabilang sila sa kaharian ng langit.

11  
“Mapalad ang mga nilalait at inuusig ng mga tao, at pinaparatangan ng lahat ng uri ng kasamaan na pawang kasinungalingan nang dahil sa akin.

12  
Magsaya kayo at magalak sapagkat malaki ang inyong gantimpala sa langit. Gayundin ang ginawa ng mga tao sa mga propetang nauna sa inyo.”

Matthew 5 in Tagalog

Matthew 5 in English

Posted on

Mapalad ang taong hindi nakikinig sa payo ng masama

Mapalad ang taong hindi nakikinig sa payo ng masama

1  
Mapalad ang taong hindi nakikinig sa payo ng masama, at hindi sumusunod sa masama nilang halimbawa. Hindi siya nakikisama sa mga kumukutya at hindi nakikisangkot sa gawaing masama.

2  
Sa halip, kasiyahan niyang sumunod sa kautusan ni Yahweh. Binubulay-bulay niya ito sa araw at gabi.

3  
Katulad niya’y punongkahoy sa tabi ng isang batisan, laging sariwa ang dahon at namumunga sa takdang panahon. Ano man ang kanyang gawin, siya’y nagtatagumpay.

4  
Hindi gayon ang sinumang gumagawa ng masama, ito ay tulad ng ipa, hangin ang siyang nagtatangay.

5  
Sa araw ng paghuhukom, parusa niya’y nakalaan siya’y ihihiwalay sa grupo ng mga banal.

6  
Sa taong matuwid, si Yahweh ang pumapatnubay, ngunit ang taong masama, kapahamakan ang hantungan.

Psalm 1 in Tagalog

Psalm 1 in English

Posted on

Ang Panalangin ng Panginoon – Ama Namin

Ang Panalangin ng Panginoon - Ama Namin

9  
Ganito kayo mananalangin, ‘Ama naming nasa langit, sambahin nawa ang iyong pangalan.

10  
Nawa’y maghari ka sa amin. Sundin nawa ang iyong kalooban dito sa lupa tulad ng sa langit.

11  
Bigyan mo kami ngayon ng aming pagkain sa araw-araw

12  
at patawarin mo kami sa aming mga kasalanan, tulad ng pagpapatawad namin sa mga nagkakasala sa amin.

13  
At huwag mo kaming hayaang matukso, kundi iligtas mo kami sa Masama!’

Matthew 6 in Tagalog

Matthew 6 in English

Posted on

Ano ang mga huling salita ni Hesus Kristo sa krus?

Ano ang mga huling salita ni Hesus Kristo sa krus?

Ang pitong sinabi ni Hesus sa krus ay isang makapangyarihan at makabuluhang bahagi ng teolohiya at tradisyon ng mga Kristiyano. Ito ang mga huling salita na binigkas ni Hesus bago siya mamatay sa krus, at nagbibigay ng malalim na kaalaman tungkol sa kanyang kahariang-diyos, kahariang-tao, at huling sakripisyo.

Bawat salita ay may malalim na kahulugan at naglilingkod bilang paalala sa napakalawak na pagmamahal at biyaya na ipinakita ni Hesus sa sangkatauhan sa pamamagitan ng kanyang buhay at kamatayan. Ang mga salita na ito ay pinag-aralan at pinagnilayan ng mga Kristiyano sa loob ng mga siglo, at patuloy pa ring nagbibigay-inspirasyon at kaginhawahan sa mga mananampalataya sa buong mundo ngayon.

Sinabi…ginagawa: Sinabi ni Jesus, “Ama, patawarin mo sila sapagkat hindi nila nalalaman ang kanilang ginagawa.”] Pinaghati-hatian ng mga kawal ang damit ni Jesus. Sila’y nagpalabunutan upang malaman kung kani-kanino mapupunta ang bawat kasuotan niya.

Lucas 23:34

Sumagot si Jesus, “Sinasabi ko sa iyo, isasama kita ngayon sa Paraiso.”

Lucas 23:43

Nang makita ni Jesus ang kanyang ina at ang minamahal niyang alagad na nasa tabi nito, sinabi niya, “Ina, ituring mo siyang sariling anak!” At sinabi niya sa alagad, “Ituring mo siyang iyong ina!” Mula noon, sa bahay na ng alagad na ito tumira ang ina ni Jesus.

Juan 19:26-27

Nang mag-aalas tres na ng hapon, sumigaw si Jesus, “ Eli, Eli, lema sabachthani? ” na ang ibig sabihi’y “Diyos ko, Diyos ko, bakit mo ako pinabayaan?”

Mateo 27:46

Alam ni Jesus na naganap na ang lahat ng bagay. Kaya’t upang matupad ang kasulatan ay sinabi niya, “Nauuhaw ako!”

Juan 19:28

Nang masipsip na ni Jesus ang alak, sinabi niya, “Naganap na!” Iniyuko niya ang kanyang ulo at nalagot ang kanyang hininga.

Juan 19:30

Sumigaw nang malakas si Jesus, “Ama, sa mga kamay mo’y ipinagkakatiwala ko ang aking espiritu!” At pagkasabi nito, nalagot ang kanyang hininga.

Lucas 23:46

Posted on

Ngayon Pwede nang Maranasan ng Mga Anak Mo ang Pambatang Bible App sa Filipino (Tagalog)!

BAFK-Tagalog-email

Kasama ang One Hope, ikinagagalak naming ipaalam sa inyo na narito na ang Pambatang Bible App sa Filipino (Tagalog). Ngayon, mas marami ng bata ang magkakaroon ng pagkakataong maranasan ang Biblia sa mas personal at katangi-tanging paraan.

Ang pagsasalit-salit ng mga wika ay madali lang dahil andoon na sa app Settings! Siguraduhin lang na nai-update mo ang iyong app sa pinakabagong bersiyon nito pagkatapos ay hanapin sa Settings ang “Wika”. Pumili mula sa Afrikaans, Aleman, Arabe, Brazilenyong Portuges, Español, Farsi, Filipino (Tagalog), Frances, Hapon, Indonesiyo, Ingles, Koreano, Olandes, Ruso, Tsino (nagsasalita sa Mandarin gamit ang Pinasimple o Tradisyonal na titik), at Turko. Ang pagsasalita ay maririnig sa piniling wika, at ang teksto ay makikita sa wika ding iyon!

Tulungan ninyo kaming ipagdiwang ang napakagandang balitang ito!

 

 

BAFK-app-icon-1024


 

Patungkol sa Pambatang Bible App

Binuo kasama ang OneHope, ang Pambatang Bible App ang pinakabagong app mula sa YouVersion, may likha ng Bible App. Dinisenyo para bigyan ang bawat bata ng isang personal at kasiya-siyang karanasan sa Biblia, ang Pambatang Bible App ay nailagay na sa higit na 11 milyong Apple, Android at Kindle na aparato, at lagi-lagi, ito ay libre. Nae-enjoy na ng mga bata mula sa lahat ng dako ng mundo ang Pambatang Bible App―sa Afrikaans, Aleman, Arabe, Brazilenyong Portuges, Español, Farsi, Hapon, Indonesiyo, Ingles, Koreano, Olandes, Pranses, Ruso, Tsino (nagsasalita sa Mandarin gamit ang Pinasimple o Tradisyonal na titik), Turko, at ngayon…sa Filipino (Tagalog)!

Kunin ang App