‘n Advent Geskenk vir Jou:

Stel jou ‘n stil, sterrenag voor en jy is in ‘n veld met ‘n klomp skape rondom jou. Skielik verskyn ‘n magdom engele en sê vir jou dat, na ongeveer 400 jaar se gewag, die hoop van die wêreld gebore is – ‘n baba wat Immanuel, “God met ons” genoem word.

Die Adventtyd begin vandag, 1 Desember, en gee vir ons vier weke om na te dink oor die hoop, vrede, vreugde en liefde wat Jesus se geboorte na die wêreld gebring het.

Terwyl ons die dae aftel tot by Kersfees, onthul ons elke Advent Sondag ‘n gebed oor die week se Advent tema. Hierdie week se tema is hoop: om God te vertrou en te verwag dat Hy sy beloftes sal nakom.

Dink na oor God se beloftes en gebruik ‘n oomblik om jou hart tot Jesus te rig, met hierdie gebed.

‘n Adventgebed oor Hoop:

God, soos ons Desember ingaan, verpoos ons ‘n oomblik en onthou alles wat U in ons lewens, families en gemeenskappe gedoen het.
Ons prys U, want U is die God wat red. U is Immanuel, God met ons.
Ons dank U dat ons hoop in U is, en nie in omstandighede of mense nie.
Omdat ons op U hoop, is ons selfversekerd dat U u beloftes aan ons sal nakom.
Laat ons vandag onthou wat werklik saakmaak. Rig ons harte op U. Help ons om te sien hoe U aan die werk is terwyl ons wag.
Trek ons nader aan U met hierdie Kersfeestyd en berei ons harte voor vir die vervulling van U beloftes.
Amen.

Maak Adventgebede ‘n deel van jou Kersfees tradisie, deur elke Sondag hier te kom lees. In die tussentyd kan jy aangaan om op Jesus se geboorte te fokus, deur ‘n Advent Leesplan te begin:

	Nader aan God met Kersfees deur Trevor Hudson Struik Christian Media, 5 Dae
	Gesinspret met Kersfees deur Ewald & Beatrix van Rensburg Struik Christian Media, 5 Dae
	Blydskap en goeie nuus deur Nina Smit Struik Christian Media, 5 Dae
$Dit Het Gebeur (Waardig, Waardig) Uit \Vertical Worship\$	Dit Het Gebeur (Waardig, Waardig) Uit \Vertical Worship\ Vertical Worship, 5 Dae
	Noël: Kersfees Is Vir Almal Calvary Chapel Ft. Lauderdale, 12 Dae
	Advent: Die Reis Tot By Kersfees Church of the Highlands, 25 Dae
	Reis Na Die Krip In Touch Ministries, 25 Dae
	Alles Rus: Ontvang Hierdie Kersfees Jesus se Rus Asheritah Ciuciu, 5 Dae
	Die Hoop Van Kersfees Rick Warren, 10 Dae
	Ek Wag Hier vir U, ‘n Adventreis van Hoop Passion Conferences, 7 Dae
	Advent: Christus Kom! Thistlebend, 28 Dae
	Vreugde! Vir Jou Wêreld! ‘n Aftelling tot Kersfees Carol McLeod Ministries, 25 Dae

Week 1 – ‘n Adventgebed oor Hoop
Week 2 – ‘n Adventgebed oor Vrede
Week 3 – ‘n Adventgebed oor Blydskap
Week 4 – ‘n Adventgebed oor Liefde

Kyk Na Nog Leesplanne

Deel op Facebook

Deel op Twitter

E-pos Deel per e-pos

In Afwagting van Kersfees

2019-10-272019-10-21

Kies jou vriende oordeelkundig.

Vriende staan saam

“Dit is my opdrag: Julle moet mekaar liefhê soos Ek julle liefhet. Niemand het groter liefde as dit nie: dat hy sy lewe vir sy vriende aflê.”

JOHANNES 15:12-13

Gemeenskap — ‘n groep individue wat in broederskap verenig is omdat hulle dieselfde gesindhede, belangstellings en doelwitte deel.

Kyk links, dan regs. Wie staan langs jou? Beskou jy hulle as vriende? Maak die tyd wat julle saam deurbring van julle almal beter mense? Of berou jy die dinge wat julle soms saam doen?

Wie met wyse mense omgaan, kry self wysheid; maar wie hom met dwase ophou, word self sleg.

SPREUKE 13:20

Verhoudings is soos voeding vir jou siel. Maak die mense wat die naaste aan jou is, jou gesonder? Of ooreet julle julself aan gemorskos? Jy word regstreeks beïnvloed deur die mense saam met wie jy die meeste tyd deurbring. Al voel jy nou dat jy anders as hulle is, sal jy oor vyf jaar… nie meer so voel nie.

…sodat daar nie verdeeldheid in die liggaam sou wees nie, maar dat die lede gelyke sorg vir mekaar dra. As een lid ly, ly al die lede saam; en as een lid geëer word, is al die lede saam bly. Julle is die liggaam van Christus, en afsonderlik is elkeen ‘n lid daarvan.

1 KORINTIËRS 12:25-27

God het ons gemaak om mekaar nodig te hê. Ons het almal verskillende gawes en sterkpunte, verskillende foute en swakhede. Wanneer ons saamstaan, kan ons omsien na mekaar, mekaar help, bemoedig, en mekaar selfs uitdaag om te groei.

Hier is drie maklike dinge wat jy kan doen om jou gemeenskap te begin bou:

Stap oor die Straat

Ken jy jou bure? As julle in dieselfde straat woon, of dalk in dieselfde gebou, het julle reeds iets in gemeen. Moenie te veel hieroor dink nie. Jesus het jou naaste lief. Dalk sal jy ook… jy weet dit nog net nie.

Uitdaging: Begin ‘n gesprek met ‘n handdruk en sê: “Verskoon my, ons het nog nie voorheen ontmoet nie. My naam is _____. Wat is jou naam?” Al is jy skaam, hoef jy net vir 30 sekondes dapper te wees.

Deel ‘n Ervaring

Ons almal het iets waaroor ons moet praat, uitdagings wat beter aangepak sal word as ons met iemand daaroor praat. En ons het almal iets om te bied, al is dit net ‘n gewillige oor.

Uitdaging: Nooi ‘n vriend(in) uit om iets saam met jou te doen: eet saam pak ‘n projek aan, of gaan stap saam. Gesels oor allerhande goed. Wees net openhartig en eerlik.

Uitnodiging vir Dieper Vriendskappe

Die Bybel herinner ons oor en oor daaraan dat ons verhoudings nodig het met mense wat ons kan vertrou: Maak vriende wat jou sal aanmoedig, inspireer, uitdaag, sal lief hê, en vir jou sal bid. En dis nodig dat jy dieselfde vir hulle doen.

Uitdaging: Nooi ‘n vriend(in) (of 3) om by jou aan te sluit in die Bybel Toep, en doen dan saam ‘n leesplan.

Solank ons die geleentheid het, moet ons dus aan almal goed doen, veral aan ons medegelowiges.

GALASIËRS 6:10

2019-10-202022-02-25

Ek kyk op na die berge: waarvandaan sal daar vir my hulp kom?

Psalm 121 - I will life up my eyes to the hills

¹
Ek kyk op na die berge: waarvandaan sal daar vir my hulp kom?

²
My hulp kom van die Here wat hemel en aarde gemaak het.

³
Hy sal nie toelaat dat jy struikel nie; Hy wat jou beskerm, slaap nooit nie.

⁴
Waarlik, die Beskermer van Israel sluimer nie in nie en Hy slaap nie.

⁵
Die Here beskerm jou, die Here bewaar jou van alle gevare.

⁶
Bedags sal die son jou nie steek nie en snags sal die maan jou nie kwaad doen nie.

⁷
Die Here sal jou beskerm teen alle gevaar, jou lewe sal Hy beskerm.

⁸
Hy sal jou beskerm waar jy ook gaan, nou en vir altyd.

Psalm 121 in Afrikaans

Psalm 121 in English

2019-09-242019-09-20

Ontsluit splinternuwe Kentekens!

Kentekens

“Ek wil nader aan God kom, maar…”

Sommige dae voel ‘n mens net totaal en al oorweldig deur alles en almal wat aanspraak maak op jou aandag. Deur egter tyd in God se Woord te spandeer en Hom daarin te soek, kan jy positiewe verandering in jou lewe bring. Hoe kan jy daardie daaglikse roetine vestig? Deur klein doenbare doelwitte te stel… en dit dan dag-vir-dag te bereik.

Aankondiging
Splinternuwe Kentekens

Het ‘n spesifieke Bybelvers jou aangeraak? Kleurmerk dit om die Kleurmerk Kenteken te ontsluit. Hou aan om kleurmerke te maak, sodat jy die verskillende vlakke kan voltooi en mylpale bereik. Probeer dieselfde doen met Boekmerke, en ontsluit Boekmerk Kentekens op verskillende vlakke!

Kentekens

Motiveer jouself.

Voltooi een van ons jaarlikse uitdagings (bv. Kersfees Uitdaging) en kry ‘n Kenteken. Skryf in vir ‘n Bybel Leesplan om die Leesplan Inskrywing Kenteken te ontsluit. Voltooi daardie Leesplan om die Leesplan Voltooiing Kenteken te ontsluit. Hou aan met hierdie proses van begin en voltooi, om elke keer ‘n vlak aan te skuif.

Kentekens in jou Profiel

Bou momentum op.

Jou tuisvoer wys jou vordering met Kentekens. Gaan na jou profiel om al die Kentekens te sien wat jy sover ontsluit het… en watter nog beskikbaar is. As jy jouself aangemoedig het met die minder geringe Kentekens, gaan jy heel moontlik lus voel om die Hele Bybel Kenteken te verwerf.

Kentekens in Gemeenskap Tuisvoer

Inspireer ook ander mense.

Jou vriende sal jou Kentekens in hulle tuisvoer kan sien, of jy kan jou reis deel, deur hulle op sosiale media of per boodskap te nooi om by jou aan te sluit. Wanneer jy jou vriende se vordering met Kentekens in jou tuisvoer sien, kan jy daarop kommentaar lewer of daarvan hou.