Posted on

Hoe om te bid as jy nie weet wat om te bid nie

Vrou wat bid

Wat keer jou om gereeld met God te praat?

Dit verg oefening om met gebed gemaklik te wees. En tog — as ons wil groei in ons geloof, is dit belangrik dat ons eerlike gesprekke met God het.

As jy nie seker is waaroor om te bid nie…

Hier is vyf voorbeelde van daaglikse gebede:

  1. Bid dat God Bekend sal Word

“Aan Hom wat deur sy krag wat in ons werk, magtig is om oneindig meer te doen as wat ons bid of dink… aan Hom kom die eer toe, in die kerk, deur ons verbondenheid met Christus Jesus, deur al die geslagte heen tot in alle ewigheid…”

EFESIËRS 3:20-21

Voorbeeld:

God, ons weet dat U bo alle dinge is en dat U alles bymekaar hou. Word vandag verheerlik in ons wêreld. Mag mense wat U nog nooit ontmoet het nie, vir U vind. Amen.

  1. Bid vir die Wêreld

“Wees waaksaam en bid gedurig vir al die gelowiges.”

EFESIËRS 6:18

Voorbeeld:

God, herstel asseblief die wêreld. Doen wat die beste vir u koninkryk is en vul u mense met genade, krag en blink idees, sodat ons ‘n geestelike bydrae tot ons wêreld kan maak. Amen.

  1. Bid vir Wat jy Nodig Het

“Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.”

FILIPPENSE 4:6

Voorbeeld:

God, U weet wat ek nodig het voordat ek dit weet. Gee my asseblief vandag wat ek nodig het, sodat ek op U kan fokus en nie op my probleme nie. Wanneer dit dan by die behoeftes van môre kom, vertrou ek dat U sal voorsien. Amen.

  1. Bid vir Vergifnis

“En wanneer julle staan om te bid, en julle het iets teen iemand, vergewe hom; dan sal julle Vader wat in die hemel is, julle ook julle oortredings vergewe.”

MARKUS 11:25

Voorbeeld:

God, U alleen ken ons bedoelings. Vergewe asseblief die mense wat my te na gekom het, want ek het hulle vergewe. En Here, vergewe my, want ek het ook foute gemaak. Moet asseblief nie ons foute teen ons hou nie. Amen.

  1. Bid vir Genesing en Beskerming

“As daar iemand van julle is wat siek is, moet hy die ouderlinge van die gemeente laat kom, en hulle moet vir hom bid en hom met olie salf onder aanroeping van die Naam van die Here.”

JAKOBUS 5:14

Voorbeeld:

God, daar is soveel lyding in ons wêreld. Genees asseblief die siekes en bring vrede en lewe aan ons vermoeide siele. Beskerm ons liggame en ons gedagtes, en gee ons u krag om versoekings en beproewinge te verduur. Amen.

Hierdie idees is nie nuut nie — Jesus het dit meer as 2 000 jaar gelede gebruik om sy dissipels te leer hoe om te bid:

Ons Vader wat in die hemel is,
laat u Naam geheilig word;
laat u koninkryk kom;
laat u wil ook op die aarde geskied,
net soos in die hemel.
Gee ons vandag ons daaglikse brood;
en vergeef ons ons oortredings
soos ons ook dié vergewe
wat teen ons oortree;
en laat ons nie in versoeking kom nie
maar verlos ons van die Bose.

MATTEUS 6:21

Probeer ‘n gebedslys in jou Bybeltoep skep om jou te help om ‘n gereelde gebedsritme te skep. Kies elke dag ‘n paar dinge op die lys om op te fokus. (Jy kan ook vriende uitnooi na jou gesprekke met God, deur jou gebede met hulle te deel.)

Met verloop van tyd sal jy na daardie lys kan terugkyk en nadink oor wat God besig was om op daardie tydstip in jou lewe te doen.

Bid Nou

FacebookDeel op Facebook

TwitterDeel op Twitter

E-posDeel per e-pos

Laai Die YouVersion Bybeltoep

Waar kan ek ‘n Bybel-toep in Afrikaans kry?

Posted on

Dis hoe jy kan help om hoop te versprei.

Hy is magtig om ONEINDIG MEER TE DOEN
as wat ons bid of dink!

Efesiërs 3:20

Jy bly so veel as moontlik in jou huis, pas sosiale afstand toe en hoor hoe dit met familie, vriende en bure gaan. Ons wil graag nog iets voorstel wat jy kan doen om vir ander om te gee.

Iets geskiedkundigs is aan die gebeur.

Ons almal kom voor uitdagings te staan in hierdie wêreldwye pandemie, maar wat jy dalk nie besef nie, is dat ons ook ‘n seisoen van groot geestelike ontwaking beleef. Regoor die wêreld soek mense antwoorde en hoop. Wat miljoene mense vind, is ‘n uitnodiging na ‘n verhouding met God.

Tydens die afgelope ses weke het ons aanskou hoe God op wonderbaarlike maniere werk en ons het ook die grootste toename ooit in die gebruik van die Bybeltoep gesien, met meer mense wat na hoop en vrede soek, Bybelverse en Versbeelde deel en gesinne wat saam God se woord lees deur middel van die Bybel App vir Kinders. Daar is ook meer as 1,6 miljoen gebede in die afgelope maand bygevoeg. Ons vrywilligers is meer aktief as ooit tevore en span hulle tyd en talente in om YouVersion se Gemeenskap te dien.

“YouVersion het my toegang tot die Bybel gegee, wat my verhouding met God versterk het en dit vir my moontlik gemaak het om elke dag sy woord te lees. Dis ‘n groot seën en ek is so dankbaar om in hierdie moeilike tyd aan goeie boodskappe herinner te word.” – Imani S

Dis maar net die begin.

Ons weet dat God baie meer wil doen terwyl Hy voortgaan om mense regoor die wêreld nader aan Hom te trek. Baie mense sal terugdink aan hierdie tydstip in die geskiedenis as ‘n bepalende oomblik in hul verhouding met God. Hierdie werk maak nou saak en dit maak saak vir die ewigheid.

Jy kan deel wees daarvan.

Ons glo heelhartig dat ‘n daaglikse roetine om God te soek, die krag het om lewens te verander. Ons hoop dat elke persoon in jou gemeenskap op ‘n belangrike reis is om te word wat God hulle gemaak het om te wees, terwyl hulle in Hom bly en elke dag nader aan Hom beweeg. Ons besef dat daar deesdae baie behoeftes in ons gemeenskappe is en ons hou aan om saam te bid vir ons wêreld en vir mense wat finansieel sukkel.

Ons besef ook dat baie die werk ondersteun wat hoop aan mense gee. Ons is bevoorreg om hande te vat in hierdie taak om mense in elke land op aarde te help om ons wonderlike, liefdevolle God elke dag te soek.

Gee aan YouVersion

Posted on

‘n Gebed vir Elkeen Wat teen Verslawing Stry

In die wêreld sal julle dit moeilik hê;
maar hou moed:
Ek het die wêreld klaar oorwin.”

Johannes 16:33

Vader God, dankie dat niks waarteen ons stry vir U onmoontlik is om te oorkom nie. Voor alles was Hy al daar, en deur Hom bly alles in stand.

Hierdie tydperk is vir ons almal moeilik, maar veral vir ons broers en susters wat teen verslawing stry. Help hulle om te besef dat hul stryd nie hul identiteit of waarde definieer nie.

Hulle is God se kinders, God het hulle geroep vir sy doel. Wys hulle dat hulle kettings gebreek is.

Help hulle om versoeking te weerstaan sodat hulle ten volle kan leef. Gee hulle u krag om aan te hou veg as hulle oorweldig voel en stuur mense na hulle toe wat hulle sal ondersteun.

Beskerm hul liggame, harte en gedagtes. Bewaar hulle teen versoeking en verlos hulle van die bose.

In die Naam van Jesus, amen.

Gebedsikoon

Bid in die Bybeltoep

Posted on

Wat gee vir jou hoop?

Gespreksballon

Wees altyd gereed om ‘n antwoord te gee aan elkeen wat van julle ‘n verduideliking eis oor die hoop wat in julle lewe.  1 Petrus 3:15

Gespreksballon

Almal hou van goeie nuus.

Jy ken seker daardie gevoel van opwinding wanneer jou hoop opvlam? Of wanneer jou hart met vrede gevul word? Of as jy bemoedig word? Mense vertel dikwels van die diep insig wat hulle in die leesplanne vind. Ook oor hoe die daaglikse versbeelde die spesifieke behoeftes in hulle lewens aanspreek.

Elke keer as jy een van daardie a-ha! oomblikke beleef, deel dit.

Deel-ikoon

Jy kan allerhande dinge in die Bybeltoep deel: Bybelverse, versbeelde, leesplanne, gebede, kentekens en inhoud van daaglikse oordenkings. (Jy kan selfs die Bybeltoep deel.) Dis so maklik! Oral waar jy hierdie deel-ikone sien, druk daarop… en laat iemand anders saam met jou daaroor goed voel.

Deel die Bybeltoep

Posted on

Drie Maniere om jou Kinders te Help om by die Nuwe “Alledaagse” aan te Pas

Ma en dogter wat 'n tablet gebruik

Moenie julle kinders so behandel dat hulle opstandig word nie, maar maak hulle groot met tug en vermaning soos die Here dit wil.

Efesiërs 6:4

Ma en dogter wat lag terwyl hulle 'n tablet gebruik

As jy soos baie ouers is wat ons ken, is jou hande vol met voorbereiding van maaltye, skoolbeplanning en hantering van kinders se verveeldheid, terwyl jy ook bekommerd is oor jou werk en toekoms. Ons wil hê jy moet weet: ons is hier vir jou.

Ongeag jou kinders se ouderdomme, is dit heel moontlik dat hulle baie vrae het oor wat aan die gebeur is. Amper oornag het al die daaglikse roetines waarop hulle vir standvastigheid staat gemaak het, verander. Een van die beste dinge wat ons nou vir hulle kan doen is om ‘n nuwe “alledaagse” te vestig.

Hier is drie dinge wat jy op verskillende tye gedurende die dag kan probeer om jou kinders met die aanpassing te help:

  1. Vra jou kinders waaroor hulle dink. Luister dan.

Al sê hulle moeilike of kommerwekkende dinge, probeer om nie geskok te lyk nie. Jou kinders het ‘n plek nodig waar hulle veilig voel om in hulle eie woorde te sê wat op hulle harte is en hoe hulle voel.

  1. Wees die voorbeeld van dit wat jy in jou huis wil sien.

Sorg geestelik goed vir jouself, sodat jy in staat sal wees om jou kinders die emosionele ondersteuning te kan gee wat hulle nodig het. Hier kan jy vrede en bemoediging vir jouself vind:

  1. Bid op ‘n gereelde basis saam met jou kinders.

Gebed is ‘n gesprek met God, waar jy Hom vertel wat jy dink en voel, dinge vra wat jy nodig het en Hom bedank (selfs vir klein oorwinnings). Jy kan enige tyd bid, maar om dit soggens saam te doen, tydens etenstye en voor slaaptyd, is ‘n maklike manier om ‘n daaglikse roetine te vestig. Hier is ‘n goeie voorbeeld:

Liewe Jesus, dankie vir my gesin. Help ons om mekaar lief te hê, om vir mekaar te sorg en vriendelik te wees. Wys ons asseblief hoe ons vir ons bure en vriende lief kan wees. Dankie. Amen.

Bonus! Beplan haarfyn hoe elke dag gaan verloop.

As jou kinders aan ‘n weeklikse rooster gewoond was — met jou wat gaan werk en hulle wat skool of dagsorg toe gaan — kan die dae maar inmekaar vervaag as almal by die huis is. Om vir elke dag ‘n ander tema te gee, kan help om ‘n ritme te skep, ‘n struktuur. Hier is ‘n paar voorbeelde:

  • Boerewors Dinsdag As jy nie broodrolletjies het nie, sny die wors in die helfte en sit dit op ‘n sny brood.

  • Deurmekaar Woensdag – Trek onpaar sokkies aan. Tik “resep” in die Google soekblokkie, met ‘n lys van bestanddele wat jy het en span almal in om die gereg te maak.

  • Grappige Vrydag – Speel saam. Wees laf. Maak grappies. Kyk na ‘n grappige rolprent of TV-vertoning. Maak Vrydagaand ‘n speletjiesaand vir die gesin.

  • Spesiale Sondag – Aanbid God saam. Soek ‘n aanlyn-kerkdiens. (Baie kerke stel nou ook kinderdienste aanlyn beskikbaar.) Kyk saam na ‘n video in die Bybeltoep en gesels daaroor.

FacebookDeel op Facebook

TwitterDeel op Twitter

E-posDeel per e-pos

Gee leiding aan ‘n jongmens oor hoe hy moet leef, en hy sal ook as hy al oud is nie daarvan afwyk nie.

Spreuke 22:6